A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Pequenas explotacións>
  4. Charlas e debates precederán a inauguración do mercado semanal de alimentos labregos dos Tilos, en Teo

Charlas e debates precederán a inauguración do mercado semanal de alimentos labregos dos Tilos, en Teo

3 de Maio do 2012

Mercado de Teo

Durante o mes de maio, o Concello de Teo e o Sindicato Labrego Galego organizarán varias charlas debate para promover os mercados locais de produtos labregos baseados na venda directa, sen intermediarios, de produtos de calidade. Así, o 10 de maio acollerase unha destas charlas no local da Sociedade Recreativa de Calo; o 15 de maio, no local da Asociación Veciñal de Recesende; o 24 e maio, na Casa Común dos Tilos; o 31 de maio, na Mediateca do Grilo, en Cacheiras; e o 4 de xuño, na sede do Centro Social Arredista (Rúa das Rodas 25), en Compostela. Todos estes actos terán como hora de comezo as 20:30, agás o de Compostela, que será ás 21:00 horas. O obxecto destas charlas será aboar o terreo antes de inaugurar o mercado semanal de alimentos labregos dos Tilos, que está previsto abrirse o vindeiro 9 de xuño.

Mercado de Teo