O primeiro que debes saber en caso de padecer unha enfermidade común ou ter sufrido un accidente que non teña que ver co teu traballo na explotación, é que tes 15 días naturais (contan todos, incluídos sábado e domingo) contados dende que o persoal médico do SERGAS che dá a baixa, para comunicarlle á Mutua ou ao Instituto Nacional da Seguridade Social (INSS) quen queda a cargo da granxa ou se te ves na obriga de pechala.
Que documentación hai que achegar?
- 3 ultimos cupóns da Seguridade Social.
- Fotocopia do DNI.
- Certificado da conta bancaria.
- Impreso de solicitude(cada mutua ten os seus).
- Declaración de situación da actividade (moi importante entregala nos 15 dias naturais seguintes á baixa médica).
- Parte de baixa médica.
- Logo hai que entregar semanalmente os partes de confirmación que nos da o/a médico/a de cabeceira.
Onde se solicita?
Hai que entregar a solicitude e a documentación ou no INSS ou na mutua que temos escollida(se non lembramos cal é podese preguntar na Seguridade Social).
Canto se cobra?
- Os cálculos coa base minima deste ano son : 875,70 /30 = 29,19 €
- Os tres primeiros dias non se cobran.
- Do 4º ao 20º día : 60 % 29,19= 17,51 €/día (297,73 €)
- Do 21º día en diante: 75 % 29,19 = 21,89 €
Duración:
O tempo máximo que se pode estar de baixa médica son 365 dias, que se pode ampliar 180 dias máis se o decide a inspección médica.