A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras

Outras

  1. O SLG pide pleno urxente do Consello Galego de Benestar para saber o destino dos fondos europeos para fins sociais

    Next Generation xusto 7 de Abril do 2021 · 

    As vogais do Sindicato Labrego no Consello Galego de Benestar, Margarida Prieto e Ana Eiras, veñen de solicitar a convocatoria urxente dun pleno extraordinario para que se informe en que fase se atopa o novo modelo de residencias no que a Consellaría de Política Social estaba a traballar; ou sobre os trinta proxectos que a conselleira, Fabiola García, anunciou que se van financiar cos fondos europeos de recuperación, e se estes van ser de iniciativa privada ou pública.

  2. O Fouce 333 sinala o inicio do proceso para o décimo Congreso do Sindicato Labrego Galego

    Fouce 333 7 de Abril do 2021 · 

    Co número 333 do Fouce, correspondente ao bimestre de marzo e abril de 2021, abrimos o camiño que nos levará ao décimo Congreso do Sindicato Labrego Galego. Nesta ocasión, damos un repaso á situación actual dos sectores da carne de vacún e vitivinícola a través das voces dos seus protagonistas, labregos e labregas de toda Galiza, xa que son estas producións as que centrarán o Congreso de Vacún de Carne, o 17 de abril, e a Asemblea Xeral do Viño, o 24 de abril, cos que inauguramos o devandito proceso congresual. Podedes descargar o voso exempla na icona que atoparedes no remate desta páxina.

  3. A Xunta nega información sobre os proxectos e empresas que optan aos fondos europeos de recuperación

    Reparto Xusto Next Generation 29 de Marzo do 2021 · 

    O pasado xoves o Consello da Xunta aprobou a proposta do goberno galego de proxectos para optar aos Fondos Europeos de Reconstrución Next Generation, que a nivel comunitario pretenden mobilizar até 750.000 millóns de euros para dar unha resposta á crise xerada pola COVID-19. O presidente Alberto Núñez Feijoó anunciou até 354 proxectos por un montante cercano aos 20.000 millóns de euros, mais sen dar absolutamente ningún detalle nin información sobre cales son os proxectos, que empresas hai detrás, que mecanismo se utilizou para escollelos e como se van repartir.

  4. A Xustiza falla contra a tributación inxusta aos dereitos de pago único tralas reclamacións do SLG

    Sentenza 19 de Marzo do 2021 · 

    O pasado 17 de marzo, tivemos noticia das primeiras resolucións do Tribunal Económico-Administrativo Rexional de Galiza que estiman as reclamacións interpostas contra as liquidacións de IRPF que fixera a Axencia Tributaria polas transmisións de dereitos de pago único entre cónxuxes casados en réxime de gananciais.

  5. Xa dispoñíbel o Fouce 332!

    Fouce 332 4 de Marzo do 2021 · 

    Esta semana sacamos do prelo o número 332 do Fouce. Desta vez, teñen relevancia cuestións como a Política Agraria Común (PAC) que están argallando nos despachos de Madrid en detrimento, coma sempre, de Galiza; o reparto entre amiguetes dos inxentes fondos de recuperación Next Generation (e outro tanto coas axudas ao sector vitivinícola); o Plan Forestal ad maiorem gloriam de Ence; o V Foro Labrego de Agroecoloxía; a loita contra os eólicos; a denuncia do peche de mercados labregos co gallo da Covid; unhas reflexións do profesor Xoán Carlos Carreira sobre a superficie agraria na Galiza; as mobilizacións globais de La Vía Campesina polo 8M; e un longo etcétera no que seguro atoparás textos do teu interese.Podes descargalo na icona que atoparás no remate desta páxina.

  6. O SLG solidarízase coa veciñanza de Baamonde tras agudizarse o desmantelamento de servizos que está a sufrir

    CEIP Baamonde 4 de Marzo do 2021 · 

    O Sindicato Labrego Galego quere expresar o seu apoio e solidariedade coa veciñanza de Baamonde tras coñecerse unha nova agresión relacionada coa vaga destrutora de servizos que está a sufrir esta localidade rural co concello lucense de Begonte. Se nos últimos meses tivemos que criticar o peche do seu centro médico coa escusa da Covid-19 e, máis recentemente, a clausura do seu centro educativo a pesares de contar cunha trintena de alumnos e alumnas matriculadas; agora o banco que ten a única sucursal bancaria coa que conta a zona tamén anuncia o seu peche.

  7. A Coordinadora por un Reparto Xusto dos fondos Next Generation pide a retirada da Lei de Simplificación por afondar aínda máis na depredación do territorio galego

    23 F 22 de Febreiro do 2021 · 

    Despois de enviar unha moción a boa parte dos concellos galegos, as organizacións que estamos na Coordinadora por un Reparto Xusto dos Fondos Next Generation convocamos unha concentración de protesta o 23 de febreiro, ás 12:30 horas, diante do Parlamento de Galiza. O motivo é expresar o noso rexeitamento á Lei de Lei de Simplificación Administrativa e Reactivación Económica, coa que o PP achánzalle o camiño a grandes corporacións e empresas para seguir depredando o territorio e, por riba, financiadas cos fondos públicos de recuperación do Next Generation.

  1. Tarta Next Generation

    Mobilizacións na Galiza para esixir un reparto xusto dos fondos europeos de recuperación Next Generation

    29 de Xaneiro do 2021 · 

    Diversas organizacións ecoloxistas, sindicais e colectivos sociais galegos imos realizar este sábado, 30 de xaneiro, accións de protesta diante de diferentes sedes administrativas do Goberno do Estado e da Xunta de Galicia para denunciar o escurantismo e a falta de participación pública no reparto dos fondos europeos de recuperación Next Generation, que nos vindeiros anos mobilizarán até 750 mil millóns de euros.

  2. Vacas na neve

    O SLG pide que a Galiza rural sexa declarada zona catastrófica en caso de que Madrid acade ese privilexio

    14 de Xaneiro do 2021 · 

    No Reino de España, tan afeito como está a mirarse o embigo, descoidando sempre as periferias, asistimos estes días a unha mutación na que semella que todos os medios de comunicación se rexionalizaron para marcar a súa axenda coma se todos fosen Tele Madrid. Semella que é só Madrid a grande damnificada porque neve en inverno, e o gran debate de Estado que temos agora é decidir se declaramos a capital do Reino como zona catastrófica ou non, coma se todos os males habidos e por haber se tivesen concentrado nese punto concreto da meseta castelá.

  3. Courel

    O SLG apoia as demandas da AMPA CPI Uxío Novoneyra e Caurel Vivo para manter o transporte escolar cos taxis locais

    12 de Xaneiro do 2021 · 

    O Sindicato Labrego Galego apoia as demandas da AMPA CPI Uxío Novoneira e Caurel Vivo para manter o servizo de transporte escolar en Folgoso, como na actualidade, xestionado por seis taxis do lugar. A intención da Xunta é a de licitar o transporte escolar de Folgoso do Courel a unha empresa que o xestione xunto ao doutros concellos veciños como Pobra de Brollón, Bóveda, O Incio, Ribas de Sil e Monforte de Lemos.

  4. Catastrazo

    O 60% dos concellos lucenses non aplican bonificacións para paliar o impacto do catastrazo nas granxas

    5 de Xaneiro do 2021 · 

    En 2022 cumprirase unha década dende que o daquela ministro de Facenda, Cristóbal Montoro, decidise amañar as contas do país cunha suba de impostos ás nosas vivendas e leiras. A modificación do ano 2012 da Lei do Catastro, e as sucesivas regularizacións postas en marcha dende aquela, xunto coa revisión xeneralizada á alza do valor dos bens inmobles do Estado, supuxo unha suba enorme do IBI ingresado polos concellos. Uns ingresos que non se lles permitiu investir na protección social nin na creación de emprego, xa que ao ano seguinte aprobaríase a Lei de Racionalización e Sustentabilidade da Administración Local, que limitaba a súa capacidade de gasto.

  5. Terras do Miño

    A Reserva da Biosfera Terras do Miño rexeita o peche do CEIP de Baamonde e pide reabrir o consultorio de Parga

    18 de Decembro do 2020 · 

    A representante do Sindicato Labrego Galego no Órgano de Participación da Reserva da Biosfera Terras do Miño, Margarida Prieto Ledo, presentou diante deste organismo unha proposta de apoio para manter aberto o CEIP de Baamonde e para reabrir o centro de saúde de Parga. Fíxoo no transcurso da xuntanza ordinaria que mantivo o órgano de participación onte, 17 de decembro, en Lugo. Finalmente, acordouse por unanimidade pronunciarse contra o peche do CEIP de Baamonde e a favor da reapertura do centro de saúde de Parga.

  6. CEIP Baamonde

    O SLG reclama á Consellaría de Educación marcha atrás na súa intención de clausurar o CEIP de Baamonde

    17 de Decembro do 2020 · 

    O Sindicato Labrego Galego quere expresar o seu apoio e solidariedade coas familias do CEIP de Baamonde, no concello de Begonte, diante da intención do goberno municipal e da Consellaría de Educación de pecharlles o centro escolar. Cunha trintena de alumnos e alumnas, e dando asistencia directa a varias parroquias ademais de Baamonde, non se entende esta aposta por desmantelar este servizo esencial para a calidade de vida das familias e a formación da rapazada da zona.

  7. Margarida Prieto

    O SLG denuncia ante o Consello Galego de Benestar o recorte de camas de enfermería nas residencias de maiores

    11 de Decembro do 2020 · 

    A representante do Sindicato Labrego Galego no Consello Galego de Benestar (CGB), Margarida Prieto Ledo, criticou o funcionamento deste órgano colexiado por non dar resposta aos problemas fundamentais que arrastra Galiza na xestión de diversos servizos sociais que son imprescindibles para miles de familias. Fíxoo no transcurso do pleno do CGB celebrado onte, 10 de decembro, para debater o borrador da orde pola que se regula a presentación e a comunicación das reclamacións en materia de servizos sociais. Para Prieto, este era un tema importante, pero non fundamental nin urxente en comparación con outros como a xestión dos servizos sociais durante a Covid 19 ou a reforma do modelo das residencias de maiores.

  8. Fouce 331

    O segundo Fouce da Era Covid vén de saír do prelo!

    16 de Novembro do 2020 · 

    O Fouce331 vén de saír do prelo ateigado de temas interesantes: Reportaxes sobre o impacto da Covid 19 no sector vinícola e nos mercados labregos, a nova falcatruada da Consellaría de Medio Rural ao excluír máis de 10.000 granxas das axudas para paliar os impactos da pandemia, a campaña do SLG para acadar unha Política Agraria Común que recoñeza a singularidade da Galiza agraria ou os millóns de euros de fondos europeos que perigan por non xestionarse dende a Xunta.

  9. Censo Agrario

    O Sindicato Labrego pídelle ao INE a suspensión do Censo Agrario 2020 até rematar o estado de alarma

    30 de Outubro do 2020 · 

    O Sindicato Labrego Galego vén de rexistrar un escrito dirixido ao Instituto Nacional de Estatística (INE) pedíndolle que se adíe a realización do Censo Agrario 2020 até que remate o estado de alarma por resultar imposible facelo nos quince días habilitados para tal fin, xa que a súa complexidade obrigará a moitas persoas a ter que recorrer a asesores aos que, en moitos municipios confinados, non poderán acudir.

  10. Transporte escolar

    O SLG alerta da posibilidade de que o transporte escolar poida ser un vector de contaxio da Covid-19 no rural

    25 de Septembro do 2020 · 

    Dende o Sindicato Labrego Galego asistimos con máxima preocupación a un comezo do curso escolar no que, nin a Xunta de Galicia, nin consellarías responsábeis como Educación ou Sanidade, fixeron os deberes de cara a garantir a saúde da rapazada, do profesorado e das súas familias. No caso dos alumnos e alumnas do rural, asistimos con especial preocupación ás condicións en que se está a realizar o transporte escolar...

Arquivo