A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras>
  4. O SLG apoia as mobilizacións a prol da calidade do ensino no rural e acudirá mañá á manifestación en Compostela

O SLG apoia as mobilizacións a prol da calidade do ensino no rural e acudirá mañá á manifestación en Compostela

11 de Septembro do 2012

Escola rural

O Sindicato Labrego Galego quere expresar o seu total apoio ás reivindicacións da Plataforma pola Defensa da Montaña e do Rural e ás mobilizacións que os colectivos sociais que a integran están a facer contra os drásticos recortes en moitos centros escolares rurais.

Como organización agraria que defende os intereses das explotacións labregas da Galiza, condenamos estas novas retalladas que se veñen sumar á sangría de servizos públicos, tanto xerais como relacionados especificamente coa actividade agraria, que afondarán no despoboamento que sofre o noso medio rural e, polo tanto, o meirande do territorio galego. Cando a Xunta impón recortes ás escolas do rural está a agredir directamente e a hipotecar o desenvolvemento e futuro dos nenos e nenas daquelas familias que aínda apostan, contra vento e marea, por seguir vivindo no medio rural.

Por todo o devandito, o Sindicato Labrego Galego apoiará coa súa presenza a manifestación de mañá, 12 de setembro, en Santiago de Compostela, en defensa dun ensino de calidade no rural.