A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Agricultura>
  4. Horta, Froita e Flor>
  5. Xornada de portas abertas sobre recuperación de variedades locais de froiteiras na Estrada

Xornada de portas abertas sobre recuperación de variedades locais de froiteiras na Estrada

6 de Maio do 2014

Enxertos

Como remate do curso de poda, enxerto e manexo de plantacións de froiteiras que o Sindicato Labrego Galego está a desenvolver na Estrada, vaise celebrar unha xornada de portas abertas na que se falará sobre a recuperación de variedades locais de froita.

Para levar a cabo esta sesión divulgativa, contarase coa presenza de Antonio Villarino, impulsor dunha experiencia de recuperación de froiteiras autóctonas na comarca da Mariña (Lugo) grazas á cal se teñen rescatado variedades das que só quedaba un exemplar, plantado máis dun milleiro de árbores (maceiras, pereiras e cerdeiras, fundamentalmente) e implicado unhas 150 persoas (achégase reportaxe ao respecto publicado no periódico Fouce e fotografías correspondentes a este proxecto).

A importancia destas prácticas, amais de recuperar especies de froiteiras que están mesmo en perigo de extinción, consiste en acadar árbores adaptadas dende hai séculos ás condicións climatolóxicas e edafolóxicas de cada bisbarra; e achegar unha maior diversidade de sabores, recendos e texturas no consumo de froita durante épocas do ano máis amplas.

A xornada terá lugar nas aulas que ten o local do Sindicato Labrego Galego na Estrada (Rúa Grandín nº 1), este xoves 8 de maio, ás 17:00 horas, e poderá acudir quen queira, tanto persoas interesadas no tema como os medios de comunicación que desexen darlle cobertura ao evento.

Froiteiras Lourenzá