A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Gandería>
  4. Leite>
  5. PRIMEIRO PREZO, DESPOIS CONTRATO

PRIMEIRO PREZO, DESPOIS CONTRATO

19 de Novembro do 2008

Pancarta - A carne polo que vale

O martes 18 de novembro un milleiro de labregos e labregas botámonos ás rúas de Santiago de Compostela para demandar prezos xustos para os nosos produtos: cobertura dos custos de produción e remuneración do noso traballo.

O pasado 18 de novembro, o Sindicato Labrego Galego convocou unha mobilización en defensa do dereito á negociación colectiva dos prezos para os produtos agrarios.

 

Percorrido manifestación 18N: PRIMEIRO PREZO, DESPOIS CONTRATO

Como xa é sabido o Sindicato Labrego Galego negouse a asinar o contrato homologado para o leite, e posteriormente o da pataca, por non haber prezo mínimo para poñer no contrato.

No contrato do leite, na cláusula do prezo, dise, “o prezo será o que acorden libremente vendedor e comprador”. O de “libremente” é unha farsa, todo o mundo sabe que son as empresas as que impoñen absolutamente todo.

No tocante aos prezos de mercado: outra farsa. Os prezos de mercado márcanos industrias e distribución co único criterio de gañar máis e apoiar a industrialización do proceso de produción de alimentos. Aquí quen sempre perde son labregas e labregos e o conxunto da cidadanía. O SLG defende o establecemento de prezos mínimos que cubran custos e traballo.

O dereito á negociación colectiva dos prezos e que estes inclúan custos e traballo de produción é fundamental para manter a agricultura e a alimentación nas mans da cidadanía e fóra do control das multinacionais.