O Sindicato Labrego Galego quere aclarar o seu posicionamento no sector lácteo diante das declaracións públicas feitas pola Consellaría de Medio Rural tras o encontro mantido onte, 13 de xullo, para falar da aplicación das medidas do “paquete lácteo” que a nova Organización Común de Mercado (OCM) traerá a Galiza.
A responsable dos sectores gandeiros da Coordinadora Europea da Vía Campesina (ECVC), e secretaria de Soberanía Alimentaria do Sindicato Labrego Galego, Isabel Vilalba, participou onte, 6 de xullo, en Bruxelas, na xuntanza do grupo consultivo do leite da Comisión Europea. Neste encontro, no que se deron cita representantes de todos os axentes do sector leiteiro europeo e dos países membros da UE, analizouse a situación actual do sector e o impacto que está a ter nel o proceso de eliminación dos controis da produción que se está a facer de xeito progresivo (a denominada “aterraxe suave”) até suprimir o actual sistema de cotas lácteas no 2015.
Na última semana de abril, varios gandeiros e gandeiras de Muxía e Tordoia denunciaban os impagos que estaban a sufrir por parte de Lácteos Tambre, empresa de Sigüeiro que lles recollía o leite. Ante a falla de resposta, as explotacións devanditas, ás que se uniron outra de Muxía e outra de Arzúa, puxeron, o 5 de maio, unha denuncia contra a láctea nos xulgados de Ordes. Foron un total de sete gandeiros e gandeiras: Benito Pose, Pilar García e María Valdivieso, de Muxía; Feli Mato, Celina Juncal e Xosé Manuel Liste, de Tordoia; e Irene Vázquez, de Arzúa.
Gandeiros e gandeiras das comarcas de Fisterra e Ordes, xunto á secretaria xeral do Sindicato Labrego Galego, Carme Freire, ofreceron hoxe, 27 de abril, unha rolda de prensa para denunciar os impagos da empresa Lácteos Tambre (Sigüeiro, Oroso) correspondentes ao leite vendido do primeiro trimestre de 2011. Estas débedas van dos 3.000 euros que se lles debe a moitas, até algún caso que acumula facturas sen pagar que pasan dos 30.000.
A secretaria xeral do Sindicato Labrego Galego, Carme Freire, e a responsábel do sector lácteo no SLG, a gandeira vilalbesa Lupe Prado, participaron hoxe, 15 de abril, no encontro entre as organizacións agrarias e o secretario xeral de Medio Rural, Eduardo Tamarit, que tivo como escenario a sede da delegación do Goberno na Coruña.
O pasado luns saíu publicado o prometido Real Decreto do Sector Lácteo que se nos viña vendendo, dende hai meses, como solución a todos os problemas do sector; e que ía significar que todo o leite cru se había vender, a partir de entón, con contrato e con prezo “negociado”, aínda que non se sabía por quen.
O Sindicato Labrego Galego quere expresar o seu máis rotundo rexeitamento ao Real Decreto Lácteo que será aprobado polo Consello de Ministros e Ministras do 1 de abril de 2011, porque equivale a un torpedo na liña de flotación do sector leiteiro e condénao a ficar a mercé dos prezos de miseria que lle marquen as industrias e a distribución. Isto é así por tres razóns fundamentais:
O Sindicato Labrego Galego celebrou, o 18 de marzo, o seu Congreso do Leite en Ordes no que, amais de renovar responsábel e directiva para o sector, tomou a decisión de organizar mobilizacións en caso de que o Ministerio de Medio Rural teime en aprobar o Real Decreto que obrigue a asinar contratos sen un prezo mínimo de referencia que cubra os custes de produción e deixe beneficios dignos nas explotacións.
O Sindicato Labrego Galego, que participou, no encontro sobre o Real Decreto Lácteo celebrado o 16 de febreiro en Madrid, con Carme Freire (secretaria xeral) como representante[1], saíu totalmente decepcionado diante da teima do Ministerio de Medio Rural en sacar adiante un texto que nega toda posibilidade de negociación dos prezos e impón un modelo de contrato obrigatorio que, amais de non solucionar os problemas que padece o sector produtor na actualidade, empeorará a súa situación en varios aspectos.
A Empresa láctea de Melide Rey y Sánchez S.L. leva xa moito tempo atrasando o pago aos seus provedores, produtores e produtoras de leite de varias comarcas do centro de Galiza. Están afectadas explotacións de concellos como Melide, Arzúa, Sobrado ou Ordes, na provincia da Coruña; A Estrada, en Pontevedra; ou Palas de Rei e Friol, en Lugo.