A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Gandería>
  4. Outros>
  5. Xornada informativa sobre os impactos da vacina da Lingua Azul

Xornada informativa sobre os impactos da vacina da Lingua Azul

6 de Septembro do 2010

aplicación da vacina da lingua azul

Continuando coa campaña de denuncia e información iniciada polo SLG dende o ano pasado,  ao logo do día de mañá, martes 7 de setembro, terá lugar en Teo (Compostela) unha xornada aberta, informativa e de debate, para abordarmos a problemática desta situación nas nosas explotacións.

Xornada informativa sobre os impactos da vacina da Lingua Azul

07/09/10  Hotel Congreso (Teo, Compostela)

 

PROGRAMA:

10,30 H.- Chegada de participantes

10,45 H.- Presentación da xornada. Lidia Senra, Secretaria de Organización do SLG.

11,00 H.- Efectos da vacina da lingua azul (efectos na saúde dos animais, repercusións económicas nas explotacións,...) Adolfo Cabarcos, Secretario de Sectores Gandeiros no SLG.

11,30 H.- Debate.

12,30 H.- Situación en Francia. Resposta das gandeiras de dos gandeiros.Actividade da Plataforma. Ponente: Antoine de Ruffray, Representante da Confederation Paysanne e membro da Coordenadora contra a obriga de vacinar contra a Lingua Azul

 

14,00 H. - Xantar

 

15,30 H.- A plataforma pola libre vacinación da Lingua Azul no Estado Español

16,30 H.- Actividades a desenvolver no futuro.

16,45 H Conclusións

18,00 H.- Fin da xornada

 

 

Xa fai tempo que dende o Sindicato Labrego Galego estamos alertando dos efectos secundarios no gando logo da inoculación da vacina da lingua azul (29 de Xullo do 2009: Que está a pasar coa vacina da lingua azul? http://www.sindicatolabrego.com/index.php?s=29&i=314).

Tamén o pasado 30 de maio asistimos a unha reunión de afectadas e afectados a nivel estatal, na que se creou a Plataforma pola vacinación libre do gando (10 de Xuño do 2010. O SLG anima a denunciar os casos de efectos secundarios da vacina da lingua azul e informa da creación dunha plataforma estatal de gandeiras/os afectadas/os. http://www.sindicatolabrego.com/index.php?s=29&i=555).

 

A continuación, o Manifesto elaborado pola libre vacinación do gando:

MANIFESTO

 

A PLATAFORMA POLA LIBRE VACUNACIÓN DO GANDO*, quere manifestar o seu desacordo coas medidas adoptadas para a erradicación da enfermidade da Lingoa Azul no Estado Español, que contempla a vacinación obligatoria e masiva de toda a cabana ovina e bovina, considerando que:

A enfermidade pódese considerar endémica, polo tanto imposible de erradicar debido a que non se pode controlar a expansión natural dos insectos vectores nen evitar a presencia de virus nos países colindantes e incluso na propia fauna salvaxe. Países coma Israel ou Sudáfrica non conseguiron erradicala despois de 60 anos de vacinación.

Os animáis vacinados seguen a ser portadores.

Afecta principalmente ás ovellas e non a todos os rebaños por igual.

Carécese de estudios que evalúen o seu impacto real tanto a nivel sanitario coma económico.

A obrigatoriedade de vacinar a todo o gando ovino e bovino e de aplicar insecticina sobre os animáis no transporte, así coma a limitación de movementos do gando para determinadas zonas son medidas costosas, ineficaces e perxudiciáis para o gando, os gandeiros e gandeiras, e a povoación en xeral.

A decisión sobre o xeito de loita contra a enfermidade da Língoa Azul (vacinación ou non) debería recaer sobre os gandeiros e gandeiras, máximos interesados en manter a saúde tanto dos rebaños, coma dos consumidores e consumidoras. Basámonos en que:

Todos os países da UE -salvo Bélxica e España- retiraron a obrigatoriedade de vacinar contra a lingoa azul, o que demostra a incoerencia e inconsistencia desta medida. As movilización das gandeiras e gandeiros franceses nos últimos anos conseguiron que este pasado mes de xullo, o Ministerio de Agricultura de Francia retire a obrigatoriedade de vacinar para o ano 2011.

Con esta normativa condénase ao gandeiro/a a vacinar de por vida, xa que a inmunidade é temporal, semestral no serotipo 8 e anual no serotipo 1.

Estáse a vacinar indiscriminadamente animáis que xa teñen inmunidade natural, a enfermos/inmunodeprimidos e a femias xestantes.

Miles de mortes e de efectosd secndarios debidos á vacina, denunciados por diferentes colectivos, foron desoidos ou negados ante os medios pola Administración.

Os gandeiros/as teñen que asumir as mortes e perdas debidas a baixadas de produción do seu propio peto.

Os gandeiros/as teñen que soportar que se cuestione a sua propia profesionalidade, ao atribuir os efectos da vacina a un mal manexo e mal estado dos animáis, (conclusións do estudio de VISAVET e CRESA, realizado por encargo da Administración).

A vacina contén sustancias neurotóxicas -hidróxido de aluminio e sales de mercurio- que pasan da canal á cadea alimentaria e dos que se decoñecen os seus efectos sobre as persoas a longo prazo.

Por eso SOLICITAMOS que:

Se suprima a obrigatoriedade da vacinacion contra da língoa azul, seguindo o criterio da maioría da U E.

Se deixe de perseguir e presionar aos gandeiros e gandeiras que decidiron non vacinar.

Se recoñezan os danos da vacina e se indemnice aos gandeiros e gandeiras afectadas.

Que se garanta a eficacia e inocuidade da vacina para quen decisa empregala.

Que se empreguen fondos públicos para a búsqueda de tratamentos alternativos para a enfermidade da Lingoa Azul.

*A PLATAFORMA POLA LIBRE vacinaCIÓN DO GANDO constitúiese o dia 20 de maio de 2010 en Madrid. Nace da necesidade de facer fronte á indefensión que viven os gandeiros e gandeiras como consecuendia da obrigatoriedade da vacina contra a Língoa Azul, e co obxecto de que gandeiros e gandeiras recuperen o poder de decisión na xestión da saúde e do benestar dos animáis.

 

 Para máis información, diríxete ao local do SLG na túa comarca.