A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Alianzas por un mundo rural vivo na portada do Fouce 304

Alianzas por un mundo rural vivo na portada do Fouce 304

21 de Novembro do 2014

Cabeceira Fouce 304

O Fouce 304 correspondente aos meses de setembro e outubro está a piques de chegar ás casas. Desta vez, destacamos en portada tres eventos que tiveron como escenario de celebración a nosa Galiza e serviron para reforzar as nosas alianzas: o Seminario de Agroecoloxía feito con compañeiros e compañeiras de toda Europa para analizar novos xeitos de achegar os alimentos á cidadanía, o IX Foro por un Mundo Rural Vivo e o II Encontro sobre os Impactos da Minaría na Galiza. 

Tamén en destaque as mobilizacións das Marchas da Dignidade, que fan unha convocatoria para ocupar a praza do Obradoiro o vindeiro 29 de novembro para esixir pan, traballo e teito. Coma sempre, analizamos a actualidade dos nosos principais sectores produtivos e incluímos interesantes colaboracións como a primeira parte dun artigo sobre Moncho Valcarce escrito por Carlos Calvo Varela, ou a reportaxe “Gandeiras malia a lei”, da xornalista Mª Ángeles Fernández. Pecha este Fouce unha entrevista a Tom Kucharz, de Ecoloxistas en Acción, unha das principais referencias no Estado na loita contra o TTIP. Se queredes descargar o Fouce 304 en pdf, só tedes que picar AQUÍ ou descargalo na icona que atoparedes no remate desta páxina.

Fouce 304

Ficheiro adxunto