O Sindicato Labrego Galego inicia no Concello de Arzúa unha campaña de presentación de mocións en todos os concellos galegos nos que a produción láctea é representativa e moi importante desde un punto de vista económico.
30 de Novembro do 2021
O Sindicato Labrego Galego inicia no Concello de Arzúa unha campaña de presentación de mocións en todos os concellos galegos nos que a produción láctea é representativa e moi importante desde un punto de vista económico.
O Sindicato Labrego Galego iniciou hoxe no Concello de Arzúa unha campaña de presentación de mocións en todos os concellos galegos nos que a produción láctea é representativa e moi importante desde un punto de vista económico.
O alcalde, José Luis García, recibiu hoxe a unha representación do SLG formada por gandeiros e gandeiras do Concello de Arzúa e o Responsable do Sector Lácteo do SLG, Manuel Villaverde. Neste acto, entregaron a moción e expuxeron a delicada situación que está vivindo, unha vez máis, o sector lácteo galego.
O Concello de Arzúa é, segundo os datos da Estratexia do Sector Lácteo, un dos 10 concellos de Galiza que concentran o 30% da produción. En setembro de 2021, segundo datos da Seguridade Social, o Concello de Arzúa tiña 502 persoas afiliadas na Agricultura. Estas son as que dependen directamente da actividade gandeira, pero temos todas as persoas que traballan na estrutura de servizos á actividade gandeira que está asentada no mesmo Concello.
É por iso que pedimos a implicación da corporación municipal do Concello de Arzúa para que asuma as demandas que o SLG formula na moción, e para que inste ao Presidente da Xunta a tomar a iniciativa no paquete de medidas que propoñemos:
A convocatoria urxente da Mesa do Leite e con carácter permanente. A Consellaría do Medio Rural ten a obriga de facer cumprir a Lei da Cadea Alimentaria, polo que ten que tentar tódalas vías posibles para recuperar unhas condicións que garantan a viabilidade de toda as granxas galegas.