A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. As organizacións agrarias levan a campaña de mobilizacións do sector lácteo ás grandes superficies comerciais

As organizacións agrarias levan a campaña de mobilizacións do sector lácteo ás grandes superficies comerciais

20 de Septembro do 2012

Prezo baixo

As tres organizacións agrarias galegas continuamos, na xornada do 20 de setembro, coa campaña de mobilizacións para sensibilizar á cidadanía coa peor crise na historia do sector lácteo galego. Se nas últimas semanas se fixeron manifestacións en Chantada, Vimianzo, Vilalba, Santa Comba e Lalín, para denunciar os prezos en orixe máis baixos da Unión Europea; desta vez a denuncia levouse até as grandes superficies comerciais para denunciar a venda de leite por baixo dos custes de produción.

En concreto, fixéronse piquetes informativos en establecementos da cadea Gadis e Eroski de Lugo e Carballo. Na primeira delas, ofertábase leite da marca “Campo nuestro” a un prezo de 48 céntimos, mentres que na segundo vendíase “Bomilk” a 49 céntimos o litro. A secretaria xeral do Sindicato Labrego Galego, Isabel Vilalba, acudiu ás protestas de Lugo, onde se fixo un percorrido por diversos locais destas cadeas de distribución dende a avenida da Coruña até a praza de Santo Domingo.

Ao longo deste roteiro, repartíronse centos de panfletos nos que se lle informou á xente de a pé, e á clientela destes centros comerciais, sobre estas prácticas que están a destruír ao sector lácteo a ao noso medio rural. 

Boicot GadisBoicot Eroski