A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2006

Novas: 2006

  1. O SLG organiza dúas asembleas en Lugo e Compostela para seguir adiante coa demanda contra o cártel do leite

    Demanda cártel leite 19 de Febreiro do 2020 · 

    O Sindicato Labrego Galego organizará dous novos encontros centrados na demanda xudicial contra o cártel do leite, que se celebrarán en Compostela e Lugo os días 20 e 21 de febreiro respectivamente. Estas xuntanzas dan continuidade ao proceso de asembleas comarcais que o SLG levou a cabo, entre novembro e decembro do ano pasado, para informar ao sector lácteo da posibilidade de recorrer á vía xudicial para reclamar o diñeiro perdido polo pacto de prezos entre as industrias multadas por Competencia.

  2. O SLG achega correccións ás axudas para investimentos nas granxas que Medio Rural se compromete a corrixir

    DOG lupa 17 de Febreiro do 2020 · 

    O 28 de xaneiro, a Consellaría de Medio Rural publicou as bases para concorrer ás axudas para apoiar investimentos nas explotacións agrícolas, que establecen tres liñas principais: incorporación de mozos e mozas, plans de mellora e pequenas explotacións. Tras analizar polo miúdo as bases da convocatoria, os servizos técnicos do Sindicato Labrego Galego descubriron unha nova esixencia que non aparecía en anteriores convocatorias que, de non corrixirse, excluiría á maioría das granxas familiares de Galiza. Dende o SLG, así llo transmitimos á Consellaría de Medio Rural, que se comprometeu a corrixir os erros.

  3. O SLG avoga por introducir a problemática da titularidade compartida no Plan de Igualdade de Vilalba

    Titularidade compartida 15 de Febreiro do 2020 · 

    O Concello de Vilalba está traballando no terceiro Plan de Igualdade de Oportunidades entre Homes e Mulleres para o que convocou a diversas organizacións e colectivos da Terra Chá a un encontro de traballo o pasado xoves, 13 de febreiro. Por parte da Secretaría das Mulleres do SLG acudiu a nosa coordinadora na Terra Chá, Margarida Prieto Ledo, que propuxo desenvolver accións para afrontar a problemática da titularidade compartida.

  4. Unha trintena de organizacións e plataformas tecen redes para defender a terra da depredación e o acaparamento

    Xornada Defensa Terra 10 de Febreiro do 2020 · 

    O Sindicato Labrego Galego celebrou, o 8 de febreiro, no local social da Liga Santaballesa (Santaballa, Vilalba), o primeiro Encontro Nacional para a Defensa da Terra, onde se citaron organizacións e colectivos que, dunha maneira ou outra, loitan contra o acaparamento de terras na Galiza.

  5. O SLG apoia a manifestación de SOS Sanidade Pública para rematar cuns recortes sanitarios que se ceban co rural

    SOS Sanidade Pública 6 de Febreiro do 2020 · 

    O Sindicato Labrego Galego apoia a manifestación convocada por SOS Sanidade Pública deste domingo, 9 de febreiro, en defensa do sistema sanitario público galego e dunha atención primaria digna. Os problemas da sanidade pública causados polos permanentes recortes agudízanse nos puntos de atención continuada das zonas rurais e, en especial, nos hospitais comarcais, que acusan aínda máis a falla de recursos materiais e humanos, o que se traduce nun deterioro dos servizos sanitarios e da saúde de usuarios e usuarias máis que preocupante en amplas zonas da Galiza rural.

  6. Unha vintena de colectivos reuniranse en Vilalba na Xornada Nacional en Defensa da Terra organizada polo SLG

    Xornada acaparamento de terras 5 de Febreiro do 2020 · 

    O Sindicato Labrego Galego organiza este sábado, 8 de febreiro, unha Xornada Nacional en Defensa da Terra, que terá lugar no local da Liga Santaballesa, na parroquia de Santaballa (Vilalba, Lugo). Con esta convocatoria, dende o SLG queremos tecer redes de ideas e accións con activistas e colectivos de toda Galiza e de diversos ámbitos para enfrontar un fenómeno, cada vez máis agresivo e crecente, como o do acaparamento de terras, que usurpa os predios en favor de actividades industriais e en detrimento da produción de alimentos e do uso e desfrute das comunidades rurais vinculadas ao territorio.

  7. 886 DÍAS BERRANDO “MINA NON”

    RdP Mina Touro 31 de Xaneiro do 2020 · 

    As organizacións e colectivos que temos loitado contra a apertura do megaproxecto de extracción de cobre nos concellos de Touro e O Pino convocamos aos medios de comunicación a unha rolda de prensa que se celebrou, o venres 31 de xaneiro, ás 11 da mañá, en Carril, na C.A.D. Gato Negro, para valorar as últimas novas relacionadas co proxecto promovido por Cobre San Rafael e analizar a situación actual e os pasos a dar.

  8. O SLG presenta ao Goberno un decálogo en defensa do rural, da produción de alimentos e da profesión labrega

    Tractor 10 28 de Xaneiro do 2020 · 

    O Sindicato Labrego Galego vén de elaborar un decálogo de medidas imprescindibles para revitalizar o medio rural e facer da agricultura e da produción de alimentos o seu principal motor económico. Esta mesma semana, o SLG fará chegar estas propostas aos grupos parlamentarios galegos con representación nas Cortes Xerais do Estado. O noso decálogo é o seguinte:

  9. O Concello eliminará a barreira que mantén inmobilizada a unha veciña de Abadín tras pasar o caso a mans da Fiscalía

    Obras na casa de Pilar 24 de Xaneiro do 2020 · 

    Tras seis anos de loita, Pilar Fernández, muller con mobilidade reducida que se veu enclaustrada por culpa dunhas obras do Concello de Abadín, viu por fin chegar os obreiros esta semana para eliminar a barreira arquitectónica que lle impedía saír da súa casa en O Coto (Abeledo). As obras levarán tan só tres días, o que indica que non foi precisamente a súa complexidade a que mantivo a Pilar nunha dependencia absoluta doutras persoas para poder entrar e saír do seu propio domicilio durante máis dun lustro. Que moveu ao alcalde, o popular José María López Rancaño, a ordenar o inicio das obras tras seis anos teimando en non facelas?

  10. Suplemento especial do IV Foro labrego de Agroecoloxía

    Suplemento Agroecoloxía 22 de Xaneiro do 2020 · 

    Como ben sabedes, no Fouce 329 publicamos un suplemento especial cun resume dos contidos do IV Foro Labrego de Agroecoloxía, celebrado no Convento Franciscano de Herbón os días 16 e 17 de novembro. Agora, vimos de publicar por separado ese suplemento, que podes descargar na icona que atoparás nesta páxina.

  11. O SLG desmárcase das organizacións agrarias estatais e defende a suba do Salario Mínimo Interprofesional no agro

    Sementeira de euros 21 de Xaneiro do 2020 · 

    O Sindicato Labrego Galego, diante da posición contraria á suba do salario mínimo interprofesional (SMI) das tres principais organizacións agrarias do Estado, quere manifestar o seu total desacordo con esa postura. Pola contra, o Sindicato Labrego apoia a suba do SMI de maneira rotunda, clara e inequívoca porque manter o salario mínimo no nivel actual supón legalizar a pobreza e a exclusión social e económica de miles de traballadores e traballadoras do agro.

  12. O SLG convoca un encontro nacional para articular a defensa contra o acaparamento de terras na Galiza

    Xornada acaparamento de terras 21 de Xaneiro do 2020 · 

    O vindeiro 8 de febreiro, o Sindicato Labrego Galego organiza unha xornada de encontro entre persoas e colectivos que están a loitar, dunha maneira ou outra, contra o acaparamento de terras. Eucaliptos, minaría, urbanización salvaxe, parques eólicos, privatización de montes comunais...  Galiza leva décadas sufrindo un proceso brutal de acaparamento de terras que socava a nosa soberanía alimentaria e nos condena a ser un dos territorios con menor superficie agraria da UE. Con esta convocatoria, dende o Sindicato Labrego Galego queremos tecer redes de ideas e accións para virar esta tendencia e facer que a nosa terra volva ser o sustento vital dos galegos e das galegas, e non un coto privado para a depredación de grandes empresas.

  13. O SLG pide a Mesa do Leite ante a conxelación dos prezos máis baixos do Estado na Galiza nun contexto de alza

    Sector Lácteo 20 de Xaneiro do 2020 · 

    O silencio e carencia total de iniciativas por parte da Consellaría de Medio Rural no sector lácteo fai que as industrias estean aproveitando o baleiro para extorsionar de novo ás granxas, obrigándoas a asinar contratos que conxelan os prezos nunha situación de alza xeneralizada. Ademais, os diversos indicadores subliñan que Galiza segue a ser a comunidade do Estado co prezo medio máis baixo (32,6 céntimos en novembro de 2019), a única que non supera os 33 céntimos, e moi lonxe da media española (34 céntimos) ou europea (35'31 céntimos).

  1. Galos

    O SLG desenvolverá a avicultura sustentábel na bisbarra de Deza, Tabeirós e Terra de Montes

    30 de Decembro do 2006 · 

    O Sindicato Labrego Galego da bisbarra Deza, Tabeirós e Terra de Montes vai estender a experiencia de Pasdeza ao eido avícola, cunhas xornadas de avicultura sustentábel. A orixe desta experiencia habería que buscala no descontento xeneralizado que existe nun sector que, ata o de agora, apostou por un modelo intensivo que cada vez deixa menos rendas nas explotacións e dá máis desgustos; o último deles, as perdas económicas provocadas pola gripe aviaria. Neste senso, a avicultura extensiva e sustentábel defínese como unha boa alternativa que cada vez ten mellor saída comercial e que xera maiores beneficios; e, a maiores, é respectuosa co medio ambiente e cos propios animais que se crían.

  2. Isa MM

    A Secretaría das Mulleres participou no Día Internacional contra a violencia de xénero

    30 de Decembro do 2006 · 

    O SLG apoiou a concentración organizada pola Marcha Mundial das Mulleres en Compostela este 25 de novembro

  3. Non hai imaxe

    O Congreso Mundial de Mulleres da Vía Campesina acorda levar á práctica unha campaña internacional contra a violencia de xénero

    1 de Novembro do 2006 · 

    Trátase dun compromiso adoptado no Encontro Internacional de Dereitos Humanos e Igualdade de Xénero celebrado o ano pasado en República Dominicana

  4. Non hai imaxe

    O Congreso de Mulleres da Vía Campesina remata co compromiso dunha campaña internacional a prol dos dereitos das labregas e contra a violencia de xénero

    1 de Novembro do 2006 · 

    O Congreso Mundial de Mulleres da Vía Campesina rematou hoxe, 21 de outubro, tras catro días de diálogo, reflexión e debates en torno a algunha das cuestións e problemáticas que afectan de cheo ás labregas de todo o mundo. Se houbera que mencionar unha conclusión unánime na que coincidiron todas as participantes, é que a desigualdade que sofren as mulleres labregas, sexa cal sexa a súa forma, é un problema común con independencia do país no que residan. E outro tanto se pode dicir das diversas formas de violencia que padecen.

  5. Non hai imaxe

    Segunda xornada do Congreso Mundias das mulleres da Vía Campesina

    1 de Novembro do 2006 · 

    As relatoras do Congreso Mundial de Mulleres Labregas destacan á Vía Campesina como o marco de creación dun novo modelo de feminismo

  6. Non hai imaxe

    Comeza en Compostela o Congreso Mundial de Mulleres da Vía Campesina coa intención de avanzar na igualdade real das labregas nas organizacións agrarias e no mundo

    1 de Novembro do 2006 · 

    O Congreso Mundial de Mulleres da Vía Campesina comezou a súa andaina o 18 de outubro cun obxectivo claro: avanzar na igualdade real das labregas, tanto nas organizacións agrarias coma nos diversos países e organismos internacionais. Así o deu a entender na cerimonia inaugural a responsábel da Comisión Internacional de Xénero da Vía Campesina, a dominicana Juana Ferrer, quen declarou que “aínda persisten limitacións que frean a participación e a toma de decisións das mulleres labregas, tanto no seo da Vía Campesina como noutros espazos de loita e resistencia”.


  7. Logo da Vía Campesina

    Congreso Mundial das mulleres da VÍA CAMPESINA

    1 de Novembro do 2006 · 

    A Vía Campesina elixiu Santiago de Compostela para celebrar un Congreso Mundial de Mulleres entre os días 18 e 21 de outubro, e tendo como organización anfitrioa ao Sindicato Labrego Galego e, en particular, á súa secretaría das mulleres. Xa confirmaron a asistencia a este evento labregas e representantes de organizacións agrarias de Corea, Filipinas, Vietnam, Yakarta, India, Alemaña, Portugal, Francia, Noruega, Suecia, Austria, Suíza, Holanda, República Dominicana, Ecuador, Nicaragua, Honduras, Bolivia, Brasil, Estados Unidos, Mali, Madagascar, Senegal, Sudáfrica, Mozambique; amais de xente procedente de diversos puntos do Estado español. Nos días que quedan de aquí ao Congreso incorporaranse máis países.

  8. Ricardo Martínez

    Entrevista con Ricardo Martínez, membro da Dirección Nacional do SLG e produtor de horta

    20 de Xuño do 2006 · 

    "Ás veces pregúntaste se traballas para a familia ou para os intermediarios"

  9. Foto de Santiago Arnoso

    Entrevista con Santiago Arnoso López, produtor de leite e membro da Dirección Nacional do Sindicato

    20 de Maio do 2006 · 

    "Se as cousas non melloran, haberá que facer unha folga de entregas de leite"

  10. Marisol

    Entrevista con Marisol García Freire, membro da Dirección Nacional do SLG e traballadora nunha cooperativa leiteira

    20 de Abril do 2006 · 

    "Na nosa cooperativa sabemos que hai que dar a batalla polos prezos do leite"

  1. 1
  2. 2
  3. Seguinte