A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2007

Novas: 2007

  1. O Sindicato Labrego denuncia impagos de leite por parte de Logística Alimentaria a través da empresa TeGestacín SL

    Tegestacin 14 de Xuño do 2019 · 

    A empresa Logística Alimentaria, rexentada pola familia Sangiao cun amplo historial de impagos con Lácteos Tambre, volve reincidir na súa morosidade ás granxas ás que lles recolle o leite. En días pasados, Logística Alimentaria emitiu un comunicado autoexculpándose destas acusacións afirmando que “dende 2018 non compra leite no campo, centrando a súa actividade na transformación industrial”.

  2. O SLG pedirá no Consello Agrario Galego a prórroga das axudas agroambientais para que non se perdan na Galiza

    PDR 10 de Xuño do 2019 · 

    A secretaria xeral do Sindicato Labrego Galego, Isabel Vilalba Seivane, solicitará, no Consello Agrario Galego do 21 de xuño, que a Consellaría de Medio Rural cree unha partida orzamentaria para prorrogar as axudas agroambientais das que se están a beneficiar ao redor de 4.000 granxas na Galiza, principalmente en Lugo e na montaña de Ourense.

  3. Sonia Vidal Lamas centrará o seu traballo no Comité Coordinador da ECVC en áreas como Mulleres ou Mocidade

    Comité Coordinador ECVC 6 de Xuño do 2019 · 

    A gandeira de Xunqueira de Ambía e membro da Executiva do Sindicato Labrego Galego, Sonia Vidal Lamas, participou nunha xuntanza de traballo da Coordinadora Europea da Vía Campesina (ECVC-European Coordination Vía Campesina), que se celebrou en Bucarest (Romanía) do 3 ao 5 de xuño.

  4. Esther Teijeiro, adegueira en Ribeira Sacra: "Cando unha cre en algo e loita por iso, tanto ten o que digan os demais”

    Esther Teijeiro 30 de Maio do 2019 · 

    Esther Teijeiro naceu e criouse entre as cepas da súa familia en Nogueira de Miño, e entre elas viviu toda unha vida xa en Pincelos (A Sariña, Chantada). Aos seus 82 anos, atesoura moita experiencia mimando acios e elaborando viños na Ribeira Sacra. De feito, a súa foi a primeira adega en inscribirse na denominación de orixe e seu foi o primeiro viño con certificación ecolóxica da Galiza. Así e todo, advertiunos: “Eu non teño nada que contar”. Pero, a base de tirarlle da lingua, ao final algo contou...

  5. O 31 de maio remata o prazo para realizar os traballos nas faixas de protección contra os lumes

    Casa con eucaliptos 29 de Maio do 2019 · 

    Coa industrialización da agricultura e a gandería, a introdución dos plantíos forestais e o urbanismo descontrolado, desapareceu a estrutura do rural adaptada a cada zona e necesidade. Nos últimos tempos, o monte foise ás casas, as casas botáronse ao monte, as plantacións colonizaron terras de labor e temos actividades industriais nas aldeas. Perdeuse a estrutura de mosaico típica de Galiza e carecemos de ordenación do territorio dende hai décadas. Por iso, é necesario lexislar os usos e actividades que se poden desenvolver nos distintos tipos de terreos. O problema é que a normativa sempre vai ser xenérica e daranse moitos casos nos que non se adapte ás circunstancias específicas de cada lugar.

  6. O SLG lanza a campaña “Incorpórate con nós!” para ofrecer apoio integral ás persoas que se inician na profesión agraria

    Incorpórate con nós 28 de Maio do 2019 · 

    Se estás pensando incorporarte á profesión labrega e queres facelo a través dun modelo produtivo sostible, de escala familiar e respectuoso co medio ambiente, fala con nós. No Sindicato Labrego Galego temos un equipo multidisciplinar de persoas expertas que te asesorarán en todas e cada unha das etapas necesarias para facer realidade o proxecto agrario e gandeiro co que soñas.

  7. O SLG colabora con Solidariedade Interxeracional na atención social a maiores, dependentes e familias do rural

    Vella con neno 26 de Maio do 2019 · 

    Co apoio da Xunta e da Consellaría de Política Social a través do 0'7% do IRPF, Solidariedade Interxeracional iniciou unha serie de servizos personalizados de atención domiciliaria e de proximidade para mellorar a calidade de vida das persoas maiores que viven no medio rural a través de programas de envellecemento activo, saudable e aprendizaxe ao longo da vida.

  8. Radiografía do sector hortícola galego: Calidade, seguridade alimentaria e apandar prezos baixos

    Xornada horta SLG 24 de Maio do 2019 · 

    O 29 de marzo, o Sindicato Labrego Galego organizou unha xornada no Pazo de Tovar (Lourenzá) baixo o título “Retos e oportunidades para a produción de horta na Mariña”, á que asistiron unha trintena de afiliados e afiliadas e na que contamos con representantes de distribuidoras, da Xunta, consultorías técnicas e, como non podía ser doutro xeito, de labregos e labregas.

  9. Conchi Docampo: "Precisamos un plan integral para que a mocidade poida e queira vivir no rural"

    Conchi Docampo 21 de Maio do 2019 · 

    Conchi Docampo foi das primeiras labregas que, tras denunciar a fiscalidade abusiva sobre as axudas de incorporación, recibiu unha sentenza favorable do Tribunal Superior Administrativo de Galicia. Este foi só un dos atrancos que tivo que superar para poder vivir da terra en Vedra, onde se afincou coa súa parella no ano 2005 para dar vida ao proxecto Burbullas de Sol, centrado na produción de hortalizas e froitas ecolóxicas e do que viven traballando dúas hectáreas de terras e mil metros de invernadoiro.

  10. Medio Rural rompe o seu compromiso de crear unha mesa de traballo para os lumes no Consello Forestal de Galicia

    Tala carballos 21 de Maio do 2019 · 

    O Sindicato Labrego Galego, Amigos da Terra e a Asociación Frouma veñen de rexistrar un escrito no que lle piden á Consellaría de Medio Rural a reformulación do funcionamento do Consello Forestal de Galicia (CFdeG), no que se refire á participación activa dos axentes sociais e sectoriais na elaboración de políticas forestais e de defensa do monte.

  11. Observatorio Eólico de Galicia, unha ferramenta para mudar os resultados da eólica no medio rural

    Xavier Simón 20 de Maio do 2019 · 

    por Xavier Simón Fernández, coordinador do Observatorio Eólico de Galicia

    O Observatorio Eólico de Galicia (OEGA), coordinado pola Universidade de Vigo (UV), nace pola vontade decidida da Fundación Juana de Vega (FJV) e a Fundación Isla Couto (FIS) de contribuír á conservación e desenvolvemento do medio rural, á preservación da súa contorna natural e humana e á mellora da súa base económica e das actividades con ela relacionadas. Ambas entidades privadas colaboran con diferentes institucións do País para promover os traballos, iniciativas e experiencias de acción comunitaria, económica e social, requiridos na actual situación de cambio en que vivimos para a pervivencia da nosa identidade colectiva galega nun contexto de maior xustiza social, tamén enerxética.

  12. Aperfasa, Fruga, Ovica e SLG inician unha campaña para demandar solucións aos danos da fauna salvaxe

    Manifestación Fauna Salvaxe 8 de Maio do 2019 · 

    A Asociación de Prexudicados pola Fauna Salvaxe (Aperfasa), Asociación de Criadores de Ovino e Caprino de Galicia (Ovica), Federación Rural Galega (Fruga) e Sindicato Labrego Galego (SLG) reuniron en Compostela, o 8 de maio, varios centos de gandeiros e gandeiras de toda Galiza para reclamar solucións urxentes aos danos provocados pola fauna salvaxe. E fixérono cunha marcha que comezou sobre as 12:00 na Consellaría de Medio Rural, en San Caetano, e transcorreu até a Consellaría de Medio Ambiente, en San Lázaro, para bater potas e tixolas diante da administración competente para ver se así escoita dunha vez por todas unhas demandas que levan anos desoíndo.

  1. Incendio

    Medio Rural valida as terras queimadas para o pagamento único grazas ao SLG

    30 de Agosto do 2007 · 

    O 22 de agosto de 2006, unha comisión de gandeiros afectados polos lumes na Zona Cero (Ponte Caldelas, Cotobade, A Lama e Fornelos de Montes), acompañados por Mariano Lema, do SLG, reuníronse co delegado pontevedrés de Medio Rural, Gonzalo Constenla, para informalo de que moitas explotacións tocadas polo lume non ían poder declarar as hectáreas arrasadas nas axudas da Política Agraria Común. Ese día, o SLG pedíalle Constenla que se fixesen as xestións necesarias para evitar que estas explotacións visen reducidas as axudas ás que tiñan dereito.

  2. OCM Viño

    Galiza prepara a súa postura diante da reforma da OCM do viño

    30 de Xullo do 2007 · 

    Medio Rural convocou unha mesa sectorial a escala nacional para adoptar unha posición de acordo diante deste novo reto.

    O 7 de xuño, Xosé Manuel González Vilas e Manuel Docampo asistían, como representantes do Sindicato Labrego, á xuntanza dunha Mesa do Viño nacional na que se debateu a postura galega diante da Organización Común de Mercado (OCM) deste sector. O encontro estivo presidido polo director xeral de Produción Agroalimentaria, Antonio Oca. Na reunión, o SLG amosou a súa sintonía co meirande das emendas presentadas por Medio Rural á reforma da OCM, e valorou positivamente de que se fixese dun xeito consensuado. 

  3. Encontro do viño no comercio

    O Sindicato Labrego segue cos seus contactos para potenciar a comercialización do viño galego

    30 de Xullo do 2007 · 

    O 18 de xuño, o responsábel da Dirección do Viño do SLG, Manuel Docampo; e o secretario de sectores agrarios, Xosé Manuel González Vilas, reuníanse coa directora xeral de Comercio, Ana Rúa, para tratar con ela diversos aspectos dos problemas de comercialización e promoción que padecen os viños galegos. E neste eido, unha das “teimas” do Sindicato Labrego, segundo Manuel Docampo, é facer fronte á perda de mercado interno que estamos a sufrir na propia Galiza, en contraste co aumento nas exportacións.

  4. Lidia Senra

    Lidia Senra defende en Bruxelas un prezo mínimo para o leite en Europa inmune ás flutuacións do mercado

    30 de Xuño do 2007 · 

    A secretaria xeral do Sindicato Labrego Galego, Lidia Senra, participou no Comité Consultivo do Leite da UE en representación da organización agraria que dirixe e da Coordinadora Labrega Europea (CPE). A xuntanza deste órgano celebrouse o 4 de xullo e, segundo os informes presentados pola Comisión Europea, a conxuntura de mercado segue a ser boa, polo que se pode augurar que o prezo do leite van seguir á alza.

  5. Rolda de cota leiteira

    O Ministerio de Agricultura deixa sen cota á maioría das explotacións galegas

    30 de Xuño do 2007 · 

    A mala nova contrasta co aumento no prezo do leite despois da campaña de mobilizacións conxuntas.

    O Ministerio de Agricultura vén de executar o seu plano leiteiro que, tal e como denunciou o SLG no seu día, resultou ser nefasto para Galiza. En efecto, non só reduciu drasticamente a cantidade de cota provinte dos abandonos para o noso país –de 185.595 toneladas pasouse a 53.000-; senón que estes dereitos foron repartidos entre unhas poucas explotacións, ficando excluídas a maioría. Por se non abondase, Madrid retiroulles a cota adxudicada no anterior plan a 178 explotacións que a recibiran por erro administrativo.

  6. Feira de froita

    Novas experiencias de comercialización directa de produtos labregos en Vigo, Moaña e Cotobade

    30 de Maio do 2007 · 

    O Sindicato Labrego segue apostando pola eliminación dos intermediarios para rendibilizar as rendas das explotacións

    O Sindicato Labrego Galego organizou, durante o mes de maio, varias actividades relacionadas coa venda directa de produtos agropecuarios. A primeira delas tivo como escenario Vigo, e consistiu en organizar o xantar do Día da Clase Obreira para a Confederación Intersindical Galega (CIG). Xa a mediados de mes, e en colaboración coa Asociación de Pastoreo do Deza, participouse nas feiras de Meira e Cuspedriños para promover a venda sen intermediarios de carne de vacún de reses criadas en explotacións extensivas en réxime de pastoreo tradicional. 

  7. Rolda do OXM

    O SLG oponse á introdución dos transxénicos na agricultura ecolóxica aprobada polo Parlamento Europeo

    30 de Abril do 2007 · 

    Lidia Senra e Charo Sánchez Parga denunciaron a intención de Bruxelas de introducir os organismos xeneticamente manipulados "pola porta de atrás".

    A Comisión de Agricultura do Parlamento Europeo aprobou, o 27 de febreiro, unha proposta de regulamento para o etiquetado de produtos ecolóxicos que permite unha presenza accidental de transxénicos do 0’9 % sen necesidade de informar no etiquetado; o 29 de marzo, o pleno parlamentario aprobou esa proposta, pero reducindo a un 0’1% a presenza adventicia de OXMs. Diante desta decisión, o Sindicato Labrego Galego ofreceu hoxe unha rolda de prensa para denunciar a introdución dos transxénicos no noso agro e nas nosas mesas "pola porta de atrás". 

  8. Campamento de avicultura en Francia

    A afiliación do SLG viaxa a Francia para coñecer a avicultura extensiva

    30 de Abril do 2007 · 

    Tras realizar, durante o primeiro trimestre do ano, un curso sobre avicultura extensiva, o Sindicato Labrego da comarca do Deza e Tabeirós organizou unha viaxe formativa a Francia para coñecer un xeito alternativo de producir aves ao modelo intensivo imperante. As explotacións visitadas demostraron que se poden ter grandes producións respectando o medio am-biente, alimentando de xeito natural ás aves e creando sólidas estruturas económicas e sociais no medio rural. Velaí a crónica desta xente viaxeira do Sindicato Labrego Galego.

  9. Congreso sobre a carne

    A nova Dirección da Carne xa prepara as eleccións á IXP Tenreira Galega

    30 de Abril do 2007 · 

    O órgano do SLG foi renovado nun congreso en Sarria ao que asistiron gandeir@s de toda Galiza

    Desta vez tocoulle á vila lucense de Sarria ser a sede do último dos congresos sectoriais do Sindicato Labrego Galego preparatorios para o sétimo. Agora, habían ser produtores e produtoras de carne de vacún de toda Galiza quen se reunirían, o 28 de abril, para renovar a súa dirección nacional para os vindeiros catro anos. Malia non elixiren aínda á persoa responsábel deste órgano, xa se van poñer a traballar nas eleccións ao consello regulador da IXP Tenreira Galega, que se celebrarán o 1 de xullo. 

  10. Congreso sobre viticultura ecolóxica

    Continúa a actividade formativa do SLG en viticultura ecolóxica

    30 de Abril do 2007 · 

    O pasado 21 de abril celebrouse na vila de Monforte a xornada "Ecoloxía e mercados en viticultura".

    Medio cento de viticultores e viticultoras das cinco denominacións de orixe galegas acudiron á cita do Sindicato Labrego Galego na Escola de Capacitación Agraria de Monforte onde, o 21 de abril, se celebrou a xornada "Ecoloxía e mercados en viticultura". Nela, relatores de Portugal, Navarra e Galiza analizaron as técnicas agrícolas e de manexo ecolóxico da viña, o miolo da comercialización do viño e, como non, os sabores e recendos dos caldos nunha cata comentada. Ao día seguinte, o curso tería a súa xornada de campo entre os viñedos da Ribeira Sacra. 

  1. 1
  2. 2
  3. Seguinte