O Sindicato Labrego Galego, ante o anuncio feito hoxe pola Consellaría do Medio Rural*, no que se comunica que o Consello da Xunta aprobará mañán o Decreto polo que se declara a zona de especial protección de aves na Limia, quere manifestar a súa desconformidade con este Decreto debido á falta de información e transparencia por parte da Consellaría do Medio Rural.
Lídia Senra Rodríguez, Secretaria de Organización do SLG e Responsábel do Sector Leiteiro na Coordenadora Europea Vía Campesina (ECVC) será a encarregada de transmitir mañá ao “Grupo de alto nivel”* da Unión Europea para o tratamento da crise de prezos pola que está a atravesar o sector produtor de leite europeo, as propostas da Coordenadora Europea Vía Campesina para a resolución desta grave situación que se prolonga dende fai máis dun ano.
Diante da situación de baixísimos prezos que nestes últimos meses están a vivir todos os sectores do agro galego, sendo a situación da produción de leite a máis coñecida, -cobrándose arestora un 25cnt/L. de media, moi lonxe dos 0,31€ prometidos baixo acordo no verano pasado en Madrid-, o Sindicato Labrego Galego convoca mobilizacións para os vindeiros 20 e 21 de novembro, participando deste xeito ás xornadas de mobilización a nivel estatal.
Ás 11:30 de mañá, luns 9, a Secretaria Xeral do SLG, Carme Freire Cruces, dará conta das mobilizacións que o Sindicato Labrego Galego levará adiante co gallo das accións reivindicativas multisectoriais convocadas en todo o Estado para os vindeiros 20 e 21 de novembro en aras de demandar solucións á grave crise económica pola que están a atravesar os produtores e produtoras de alimentos.
O vindeiro sábado 7 de novembro terá lugar en Verín a xornada nacional do sector vitivinícola do SLG.
No marco do Encontro de mulleres da Coordenadora Europea Vía Campesina que o Sindicato Labrego Galego está a celebrar en Betanzos , darase conta, en rolda de prensa, da análise realizada ao respeito da situación das labregas en Europa así coma da Campaña internacional contra a violencia sobre as mulleres que vai ser levada adiante pola Vía Campesina Inernacional.
A presión sobre as explotacións exercida polas industrias para conseguir o leite a baixo prezo semella terse voltado cada vez máis sofisticada. Algunhas industrias, caso de Celega, están empregando determinados parámetros de análise do leite como argumento para abandonar a recollida das explotacións galegas.
En Betanzos, 3 e 4 de novembro. Durante dous días, labregas da Galiza analizarán canda labregas do resto de Europa a situación que atravesamos a nivel profesional, abordando aspectos coma os últimos cambios da Política Agraria Común (PAC) ou o papel das mulleres labregas no desenvolvemento rural. Durante este encontro prestarase especial atención e esforzo en desenrolar unha campaña de implantación internacional para frear a violencia da que as mulleres somos vítimas en todo o mundo, independentemente da nosa orixe xeográfica ou clase social.
O pasado 21 de outubro foi publicada no Boletín Oficial do Estado (BOE) a aprobación por parte do Congreso e do Senado, da nova Lei de Representación das Organizacións Agrarias* (derrogación da Lei 23/1986). No o actual marco legal esta é unha lei antidemocrática, posto que nin tan sequera recoñece ás organizacións agrarias das distintas nacionalidades históricas recollidas no artigo 7 da Constitución Española.
O Sindicato Labrego Galego presentou hoxe un estudo que baixo o título “Estudo sobre a siniestralidade no uso da maquinaria agrícola” analiza a problemática da accidentalidade no sector agropecuario ao tempo que apunta unha serie de recomendacións para que o sector agropecurio abandone as elevadas taxas de siniestralidade que sufre na actualidade .