A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2010

Novas: 2010

  1. A mina de Touro-O Pino-Compostela recibirá con explosivos e maquinaria pesada os 3 millóns de persoas que entran cada ano por Lavacolla e o Camiño Francés

    Mina lavacolla 8 de Xuño do 2018 · 

    O Sindicato Labrego Galego fai un chamamento á sociedade galega para que se mobilice contra o proxecto mineiro de Atalaya Mining en Touro polas graves consecuencias que tería para unha bisbarra con grande riqueza agrogandeira, para os recursos marisqueiros e pesqueiros da Ría de Arousa, e para a capital de Galiza e un das súas principais fontes de riqueza cultural e económica: o turismo e o Camiño de Santiago.

  2. Xa podedes descargar a versión dixital do Fouce 319

    Fouce 319 30 de Maio do 2018 · 

    Hai un mes que publicamos a edición impresa do Fouce 319. Dende aquela, fomos publicando algúns contidos inéditos como a entrevista á viticultora Laura Lorenzo, a crónica da viaxe da mocidade labrega a Euskadi, o informe da Dirección de Horta sobre o ano 2017 ou a axenda de traballo da Dirección da Carne. Ademais, ocupan a portada as actividades e mobilizacións desenvolvidas pola Secretaría das Mulleres nun mes de marzo que será difícil esquecer. Agora, xa podes descargar o Fouce 319 íntegro en versión dixital en bit.ly/Fouce319

  3. O SLG presenta medio cento de alegacións contra o cambio do PXOM de Curtis apoiadas por familias labregas afectadas

    María Ferreiro en Curtis 29 de Maio do 2018 · 

    A coordinadora do Sindicato Labrego Galego en Curtis, María Ferreiro, vén de rexistrar medio cento de sinaturas (en total 42), que representan outras tantas familias labregas, apoiando as alegacións contra os cambios no Plan Xeral de Ordenación Municipal (PXOM) que pretende levar adiante o goberno curtense, e que deixarían desprotexido o solo agrario e forestal.

  4. O SLG alega contra o parque eólico de Ordes por usurpar máis de 6.000 hectáreas ás granxas da bisbarra

    Vacas en parque eólico 28 de Maio do 2018 · 

    O Sindicato Labrego Galego vén de rexistrar, diante do Ministerio de Agricultura, un extenso documento de alegacións contra o parque eólico de Pobra, que afecta 6.670 hectáreas dos termos municipais de Mesía, fundamentalmente e, en menor medida, de Oza-Cesuras e Abegondo.

  5. A praga da couza guatemalteca váiselle das mans a Medio Rural, chega a Muxía e ameaza a produción de Bergantiños

    Mapa couza Galiza 23 de Maio do 2018 · 

    O 26 de marzo, o DOG publicaba unha resolución pola que se declaraba o Concello de Muxía como zona infestada pola couza guatemalteca, praga que afecta aos cultivos de pataca. Iso implica que en Muxía se implantarán as medidas que se aplicaron en 31 concellos da Mariña e Ferrolterra, entre as que se inclúen a prohibición de botar pataca e de comercializala. A maiores de Muxía, os concellos limítrofes terán que adoptar restricións e obrigas no cultivo da pataca como concellos tampón, ademais de informar á Xunta á hora de plantar.

  6. Laura Lorenzo (Daterra Viticultores): "O Val do Bibei é unha das zonas con maior potencial vinícola de Galiza"

    Laura Lorenzo 21 de Maio do 2018 · 

    Aínda que naceu en Allariz, Laura Lorenzo veu a Manzaneda e ao Val do Bibei en 2004 e xa non volveu marchar. Dende que comezou a formarse como técnica en vitivinicultura hai case vinte anos, até agora, Laura atesourou experiencia, coñecementos e paisaxes que se plasman á perfección na rica diversidade de viños que elabora: sete etiquetas, vintecinco viñedos, incontables castes, varias zonas xeográficas e unha soa palabra para definilo todo: Daterra.

  7. Un cento de familias gandeiras de Agolada asinan para pedir un prazo extraordinario nas bonificacións do IBI

    bando agolada 21 de Maio do 2018 · 

    Preto de un cento de familias gandeiras de Agolada, asesoradas polo Sindicato Labrego Galego, veñen de rexistrar hoxe, 18 de maio, un escrito no concello coas súas sinaturas no que se pide a apertura dun prazo extraordinario para poder solicitar as bonificacións no IBI correspondentes ao exercio do 2018 para as construcións das explotacións agrarias e gandeiras.

  8. Crónica da viaxe da mocidade do Sindicato Labrego Galego a Euskadi para visitar proxectos agroecolóxicos

    Mocidade SLG Euskadi 18 de Maio do 2018 · 

    Do 5 ao 8 de marzo, un grupo de 16 mozos e mozas do Sindicato Labrego Galego percorreron Euskal Herria para coñecer de preto varios proxectos agroecolóxicos. A iniciativa estivo organizada conxuntamente con EHNE Bizkaia, VSF Justicia Social, e contou co financiamento da Consellaría de Medio Rural e do FEADER no marco PDR 2014-2020. Foron días moi intensos a nivel de experiencias e aprendizaxe dos que compartimos con vós neste Fouce unhas pequenas notas sobre os proxectos agroecolóxicos visitados.

  9. contraMINAcción leva a súa campaña contra a mina de Touro e O Pino a cidades como Vigo, Ourense e Bos Aires

    contraminaccion touro 18 de Maio do 2018 · 

    A plataforma contraMINAcción, Rede contra a Minaría Destrutiva de Galiza que agrupa 24 colectivos e plataformas, entre os que se inclúe o SLG, está a desenvolver un intenso traballo dende hai anos para informar á cidadanía do enorme impacto social e medioambiental que ten a minaría destrutiva en diversas localidades galegas. Nese traballo hai que enmarcar a actual campaña contra o proxecto San Rafael de extracción de cobre que pretende levar a cabo Atalaya Mining (Riotinto) nos municipios coruñeses de Touro e O Pino.

  10. Campaña informativa e de alegacións contra a modificación do PXOM de Curtis que desprotexe o solo agrario e forestal

    Concello de Curtis 16 de Maio do 2018 · 

    O Concello de Curtis ten en fase de exposición pública, até o 28 de maio, a modificación puntual nº 7 do seu Plan Xeral de Ordenación Municipal (PXOM) para facer as alegacións ou achegas que se consideren oportunas. O Sindicato Labrego Galego posiciónase contra esta modificación porque pretende suprimir todo o solo rústico de protección agropecuaria e case todo o solo rústico de protección forestal, que pasarían a ser solo rústico de protección ordinaria.

  11. O SLG pide cambiar a ordenanza para bonificar o IBI en Agolada e a publicación dunha nova adaptada á realidade

    Concello de Agolada 15 de Maio do 2018 · 

    O Sindicato Labrego Galego quere expresar a súa indignación pola maneira de proceder do Concello de Agolada na concesión de bonificacións do 95% no IBI para aqueles inmobles rústicos “indispensables para o desenvolvemento das explotacións agrícolas, gandeiras, ou forestais”.

  12. A Dirección de Vacún de Carne do SLG prepara unha campaña para traballar na dignificación do sector

    Vacún de carne SLG 14 de Maio do 2018 · 

    O pasado 19 de abril, o grupo de traballo da Dirección da Carne mantiña unha xuntanza en Compostela na que un dos principais temas trabados foi o deseño dunha campaña para poñer este sector no centro da axenda do Sindicato Labrego Galego.

  1. Lidia Senra e Tareixa Ledo

    Tareixa Ledo exemplifica en Lidia Senra un xeito entrañable e humano de liderar as organizacións e loitas sociais

    20 de Decembro do 2010 · 

    Tareixa Ledo Regal presentou, o 18 de decembro no Auditorio de Galiza (Compostela), o seu libro “Lidia Senra Rodríguez. Historia dun liderado entrañable”, publicado por Edicións Laiovento. E fíxoo arroupada por máis de trescentas persoas que asistiron ao acto, e xunto á secretaria xeral do Sindicato Labrego Galego, Carme Freire; Xosé Manuel Beiras, en representación da editorial; Isabel Vilalba, responsábel da Secretaría das Mulleres do SLG; e á propia Lidia Senra.

  2. Leite

    Posición da Coordenadora Europea da Vía Campesina diante da proposta de reforma do sector leiteiro da Comisión Europea

    16 de Decembro do 2010 · 

    Proporcionar un sector leiteiro liberalizado ás industrias lácteas, aos grupos interprofesionais e agrupacións de produtores e produtoras non vai resolver a crise da produción leiteira que segue habendo. O primeiro que necesitan os produtores e produtoras é unha política pública europea forte que regule a produción e o mercado e que impulse as rexións agro-climáticas produtoras de leite.

  3. Comisario de Agricultura, Dacian Ciolos

    A proposta da Comisión Europea para o sector lácteo aborta a posibilidade de negociar prezos dignos para o leite

    10 de Decembro do 2010 · 

    O Sindicato Labrego Galego considera un absoluto retroceso a proposta da Comisión Europea de permitir a creación de agrupacións de produtores para negociar os prezos do leite coas industrias. En primeiro lugar, esta medida suporá a fragmentación do poder negociador dos produtores e produtoras de leite, deixando un panorama no que cadaquén vai tirar polos seus intereses particulares e non polos intereses colectivos do sector. A segunda consecuencia é que, unha vez que se fragmente o poder negociador do sector leiteiro e desapareza a negociación colectiva, será imposible acadar un prezo mínimo universal para o leite que cubra os custes de produción e os salarios de todas as explotacións que aínda seguen en activo.

  4. Carme Freire no FME 2010

    Carme Freire no Foro Mundial de Educación para a Paz 2010

    9 de Decembro do 2010 · 

    Intervención da secretaria xeral do SLG, Carme Freire, no Foro Mundial de Educación para a Paz 2010 celebrado en Compostela. Carme Freire fala da soberanía alimentaria dos pobos coma garantía de convivencia pacífica, e de como a privatización da auga -co exemplo da Lei de Augas de Galiza- pode ser fonte de conflitos no futuro.

  5. Inlac

    Os grandes poderes poderán seguir extorsionando aos produtores e produtoras de leite grazas á complicidade de Rosa Aguilar

    3 de Decembro do 2010 · 

    A secretaria xeral do SLG, Carme Freire, participou, o 2 de decembro, nunha reunión da Interprofesional Láctea (Inlac) en Compostela, na que se lle encargou á Universidade de Santiago a elaboración dun sistema de indexación de prezos para o leite, o cal se enmarca no borrador de decreto que o Ministerio de Agricultura presentou ás organizacións agrarias, o pasado 30 de novembro, para o establecemento de condicións de contratos obrigatorios no sector leiteiro.

  6. Non á violencia de xénero

    A Secretaría das Mulleres do SLG reclama a implicación dos medios de comunicación e das administracións públicas para rematar coa lacra da violencia de xénero

    25 de Novembro do 2010 · 

    Dende o 29 de xullo de 2005, data da aprobación da Lei Integral contra a Violencia de Xénero, 340 mulleres foron asasinadas a man das súas parellas ou ex-parellas sentimentais, acordáronse máis de 140.936 ordes de protección nos xulgados de violencia sobre a muller. O total de condenados na xurisdición penal por violencia de xénero ascendeu a 145.166.

  7. Transxénicos

    O Sindicato Labrego denuncia as novas autorizacións de transxénicos que argalla a Comisión Europea

    25 de Novembro do 2010 · 

    O Sindicato Labrego Galego ten que denunciar, unha vez máis, a complicidade que se está a dar entre a Comisión Europea e as industrias da manipulación xenética de cara a autorizar organismos xeneticamente modificados (OXM). En concreto, a Comisión vén de proporlle ao Consello de Ministros da UE renovar a autorización do millo transxénico 1507 de Pionner, para alimentación animal; e o permiso para comercializar o millo MON 89034 X MON 88017, de Monsanto, para alimentación humana e animal. Esta conivencia esténdese á Axencia Europea de Seguridade Alimentaria, que avala as autorizacións.

  8. Secrataría das Mulleres

    O SLG pide seriedade e compromiso ao Ministerio de Agricultura para solucionar o problema da cotitularidade para máis de 35.000 labregas galegas

    22 de Novembro do 2010 · 

    A Secretaría das Mulleres do Sindicato Labrego Galego quere amosarse cautelosa diante do anuncio feito polo Ministerio de Agricultura de crear un grupo interministerial de cara a elaborar o novo marco legal que recoñeza, por fin, a cotitularidade compartida para as mulleres labregas nas explotacións agrarias. Trátase dunha demanda histórica do SLG que, por primeira vez, tras décadas de reclamacións, semella que podería ter  resposta se o Ministerio de Agricultura se toma esta tarefa cunha seriedade e un compromiso dos que non fixo gala ata o de agora.

  9. PAC 2013

    O SLG oponse a unha reforma da PAC que obvia as principais carencias da agricultura europea: regulación de mercados e prezos dignos para os produtos labregos

    22 de Novembro do 2010 · 

    Diante do documento emitido hoxe pola Comisión Europea no que se marcan as que serán as liñas mestras da reforma da Política Agraria Común (PAC) prevista para o 2013, o Sindicato Labrego Galego quere expresar a súa decepción. A pesares de que a proposta da Comisión contén melloras con respecto á PAC actual (na distribución dos pagamentos directos, por exemplo); e de que aborda problemas como a seguridade alimentaria, a biodiversidade, o cambio climático ou o mantemento dos territorios rurais; a reforma que nos propoñen esquece atacar de raíz as causas que fan que o mundo rural e todos os sectores produtivos agropecuarios estean nunha crise permanente.

  10. Plataforma Galega Antitransxénicos

    A Plataforma Galega Antitransxénicos urxe á Xunta para que se posicione politicamente diante dos Organismos Xeneticamente Modificados

    19 de Novembro do 2010 · 

    Charo Sánchez Parga, Analía Moares e Adolfo Naia, en representación da Plataforma Galega Antitransxénicos (PGA), mantiveron, o pasado 17 de novembro, un encontro coa subdirectora xeral de Apoio ás Explotacións Agrarias, Patricia Ulloa, e o xefe do servizo de Sanidade e Produción Vexetal, Ramón Lamelo.

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte