Esta mañá Amarante, o Sindicato Labrego Galego e Verdegaia presentamos en rolda de prensa o Día Internacional do Comercio Xusto que se celebrará este sábado 8 de maio en 4 cidades galegas na que tamén estaran colectivos de consumo como A Gradicela e Árbore co lema “Comercio xusto no norte e no sur” as actividades deste ano centraranse en difundir e sensibilizar a cidadanía sobre os impactos negativos das grandes superficies nas condicións de vida das persoas pero tamén das consumidoras.
A Deputación provincial de Lugo, “consciente da importancia de que se modifiquen os modelos de explotación tradicionais, por modelos de explotación rendibles, que funcionen con criterios empresariais”, ven de publicar no B.O.P. do 27 de abril unha liña de axudas para a promoción e desenvolvemento sostible dos soutos de castaños e a comercialización da castaña e outros froitos forestais, á que só poden acceder microempresas e PEMES.
Na mañá de hoxe máis de medio milleiro de gandeiras e gandeiros de todo o Estado español concentráronse diante do Carrefour da Glorieta de Cuatro Caminos en Madrid, en denuncia do “abuso de poder das industrias e da distribución comercial”.
Rolda de prensa, mañá xoves, ás 11:30. Por segundo ano consecutivo AMARANTE, SINDICATO LABREGO GALEGO, VERDEGAIA, A GRADICELA e ARBORE únense para celebrar o Día Internacional do Comercio Xusto que terá lugar co lema “Por un comercio xusto non Norte e no Sur”, o día 8 de maio en 4 cidades galegas.
Rolda de prensa conxunta no Hotel Porta do Camiño, Santiago de Compostela.
O SLG enmarcou a política de extorsión que practican as multinacionais da distribución na responsabilidade dos gobernos
NOSOUTRAS, labregas chegadas de diferentes países de Europa, reunidas en Cáceres durante o seminario europeo “Labregas polos nosos dereitos” durante os días 27, 28 e 29 de abril, queremos lembrar ás administracións públicas QUE AS LABREGAS ESTAMOS EIQUÍ, e que como labregas desempeñamos un papel crave na produción de alimentos na Europa e tamén no desenvolvemento e na vida dos nosos pobos.
Labregas do Estado español e Europa están a levar a cabo o seminario europeo Labregas polos nosos dereitos, organizado en Cáceres pola Confederación de Mulleres do medio Rural, CERES, en colaboración coa área de mulleres da Coordinadora de Organizacións Agrarias e Gandeiras (COAG), as mulleres de COAG de Estremadura e a Coordenadora Europea Vía Campesiña (CEVC).
A Secretaria de Organización do SLG, Lídia Senra, e a Responsábel da Secretaría das Mulleres, Isabel Vilalba, anunciaron na mañá de hoxe a participación do Sindicato Labrego Galego no seminario europeo “Labregas polos nosos dereitos”.
O Sindicato Labrego Galego participou na mobilización realizada esta mañá en Compostela en denuncia da constante supresión, tanto no rural coma nas vilas e cidades, de servizos xerais como a sanidade e a educación, así coma daqueles que se prestaban específicamente ás propias explotacións agrarias. Esiximos unha aposta clara por parte da Administración a prol da a mellora, reforzo e ampliación dos servizos públicos galegos.