Ás 11:30hrs do vindeiro luns 26 de abril, Lidia Senra - Secretaria de Organización do SLG e membra da Comisión Internacional de Mulleres da Vía Campesina- e Isabel Vilalba -Responsábel da Secretaría das Mulleres do SLG- presentarán na Galiza a realización do Seminario Internacional “Labregas polos nosos dereitos” que vai ter lugar en Cáceres do 27 ao 29 de abril.
Na mañá de hoxe, venres 23 de abril, a Secretaria Xeral do Sindicato Labrego Galego (SLG), Carme Freire Cruces, anunciou a realización dunha mobilización europea convocada pola Coordenadora Europea Vía Campesina (CEVC), da cal o Sindicato Labrego Galego forma parte, con motivo do cumio de ministros e ministras de agricultura que terá lugar en Mérida o vindeiro 30 de maio.
Abordáronse os problemas derivados do saneamento gandeiro -sobor de todo en gando que se atopa en montes veciñais en man común-, a dificultade para dar de alta os animais que nacen nas explotacións -a día de hoxe os gandeiros/as do interior da zona de Pontevedra teñen que se desprazar entre 30 e 40km para realizalas-, o mal funcionamento do teléfono do Centro de Información ao Agro Galego (CIAG), así coma o protocolo de actuación diante das reiteradas mortes e abortos logo da vacinación da lingua azul e os ataques da fauna salvaxe aos animais das explotacións.
O certo é que os dous teñen razón: o PP ten razón cando culpa ao MAMRM da elaboración da normativa que rixe as novas axudas ás explotacións de leite e que deixa fóra ás da Mariña; e o PSOE ten razón cando fala da deixadez da Consellería por non ter defendido axeitadamente o sector diante do Goberno central.
A Secretaria Xeral do Sindicato Labrego Galego, Carme Freire Cruces, participou onte nunha mesa redonda sobor do futuro do medio rural galego nas xornadas sobre economía, xornalismo, lingua e movementos sociais "O Mundo na encrucillada", organizadas polos Comités Abertos de Facultade para os días 19 e 22 deste mes.
Ás 11:00hrs. de mañá, mércores 21, gandeiros produtores de carne das zonas de A Lama, Fornelos de Montes, Pontecaldelas e Cotobade, canda o Secretario de Sectores Gandeiros do SLG -Adolfo Cabarcos- e o Coordenador Comarcal de Tabeirós-Terra de Montes -Marcos Louzao-, entrevistaranse co Subdirector Xeral de Gandaría da Consellaría do Medio Rural (CMR), Manuel Castro-Gil Amigo.
Mañá, sábado 17 de abril, as organizacións membras da Coordinadora Europea da Vía Campesina organizarán una serie de accións e de manifestacións para conmemorar o Día internacional da Loita Labrega.
Entre onte e hoxe as institucións académicas madrileñas Universidad Autónoma (UAM) e Universidad Complutense (UCM) están a desenvolver as súas II Xornadas Movementos Campesinos e Transformación Agraria, Lídia Senra exporá a ponencia Visión das organizacións labregas e agricultores europeos fronte ás políticas europeas.
Dende fai un tempo o telefone do CIAG (Centro de Información ó Agro Galego), ou tamén coñecido como o “telefone para todo” está saturado ou suspendido de funcións.
En resposta á nota de prensa emitida ás 17:41hrs do día de onte pola Consellaría do Medio Rural (CMR) baixo o título “A UNIÓN EUROPEA É A ADMINISTRACIÓN QUE AUTORIZA OS CULTIVOS TRANSXÉNICOS. Medio Rural lamenta a actitude de quen pretende facela responsable dunha competencia que non é súa."