A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2012

Novas: 2012

  1. Compravenda labrega

    O mercado semanal do alimento labrego en Teo bota a andar coa asistencia de máis de cincocentas persoas

    9 de Xuño do 2012 · 

    A pesar da choiva, o mercado do alimento labrego dos Tilos (Teo), organizado polo SLG e polo concello, foi todo un éxito. Ao redor de medio milleiro de persoas achegáronse até para mercar alimentos de tempada producidos por explotacións da bisbarra. En total, houbo quince postos de venda onde se puideron atopar dende hortalizas frescas até produtos elaborados como marmeladas, rosquillas, viños e licores. Ademais, ás 13:00 horas tamén se sorteou unha cesta elaborada con alimentos de cada posto.

  2. Carme Freire

    O SLG avoga ante Núñez Feijóo por regular os prezos e as marxes comerciais do leite para “rematar coa extorsión das industrias e das distribuídoras”

    5 de Xuño do 2012 · 

    A secretaria xeral do Sindicato Labrego Galego, Carme Freire, e a responsable da Dirección do Leite do SLG, Lupe Prado, asistiron á xuntanza que mantiveron hoxe, 5 de xuño, os diversos axentes do sector lácteo co presidente da Xunta, Alberto Núñez Feijóo, e coa conselleira de Medio Rural, Rosa Quintana. Esta reunión enmárcase dentro da decisión na última Mesa do Leite, celebrada o pasado 20 de abril, de trasladarlle as demandas do sector ao presidente da Xunta.

  3. Non hai imaxe

    Carme Freire e Lupe Prado representarán ao SLG na xuntanza de hoxe entre as organizacións agrarias e Feijóo

    4 de Xuño do 2012 · 

    A secretaria xeral do Sindicato Labrego Galego, Carme Freire, e a responsable da Dirección do Leite do SLG, Lupe Prado, acudirán á xuntanza de hoxe, 5 de xuño, que manterán as tres organizacións agrarias galegas co presidende da Xunta, Alberto Núñez Feijóo. Este encontro será ás 13:30 horas, no despacho presidencial situado no complexo administrativo de San Caetano, en Compostela.

  4. Axudas PAC

    A banca galega ignora o convenio con Medio Rural para anticipar as axudas da PAC

    4 de Xuño do 2012 · 

    O Sindicato Labrego Galego denuncia que as entidades bancarias que asinaron o convenio de colaboración coa Consellaría de Medio Rural para adiantar os cartos das axudas da Política Agraria Común (PAC), non están a cumprir co asinado.

  5. SOS Sanidade Pública

    O SLG apoiou a manifestación en defensa da sanidade pública que se celebrará este domingo en Compostela

    1 de Xuño do 2012 · 

    O Sindicato Labrego Galego apoiou a manifestación convocada pola Plataforma SOS Sanidade Pública, o pasado 3 de xuño en Santiago, asumindo na súa totalidade a táboa reivindicativa que se defendeu ese día nas rúas compostelás.

  6. Tractor vello

    Medio Rural restrinxe o acceso ás axudas para melloras nas explotacións e para renovar maquinaria agrícola

    1 de Xuño do 2012 · 

    A Consellaría de Medio Rural introduciu dúas mudanzas importantes nos requisitos para solicitar as axudas a plans de mellora e a novas incorporacións á actividade agraria: desta vez, non se concederán subvencións á reformas de bens inmobles nin a cambios de uso dos mesmos, por unha banda; e non poderán pedir apoio para mercar maquinaria as explotacións que pedisen axudas para esta fin nos últimos quince anos.

  7. Urna SLG

    Eleccións a consellos reguladores: Aposta pola calidade e pola agricultura familiar nas denominacións de orixe do viño

    29 de Maio do 2012 · 

    Esta semana entramos na recta final das eleccións a consellos reguladores, que se celebrarán o domingo 3 de xuño. O Sindicato Labrego Galego tentou chegar a consensos con outras organizacións agrarias de cara a facer listas conxuntas, sempre e cando defendesen as mesmas liñas e propostas sindicais. Desta vez, acadamos ese consenso en boa parte dos consellos reguladores e só ficaron catro do sector vitivinícola sen acordo: Monterrei, O Ribeiro, Rías Baixas e Valdeorras. De seguido, damos un repaso ás nosas candidaturas nestas denominacións de orixe e expoñemos as propostas do SLG para o sector vitivinícola, sempre baseadas na defensa da calidade e da agricultura familiar.

  8. Canon da auga

    O SLG alega contra o borrador da orde dos modelos de declaración e autoliquidación do canon da auga e do coeficiente de vertedura

    28 de Maio do 2012 · 

    A Lei de Augas de Galicia supón a consideración da auga como unha mercadoría, con prezo. Establece un canon para todas as augas de calquera procedencia, que terán que pagar todas as persoas, vivendas e actividades. O Sindicato Labrego Galego vén de presentar alegacións ao “Borrador de orde pola que se aproban os modelos de declaración de autoliquidación do canon da auga e do coeficiente de vertedura”.

  9. Arbores transxenicas

    O SLG reclama que non se destinen recursos públicos a crear eucaliptos transxénicos para as industrias enerxéticas

    24 de Maio do 2012 · 

    O Sindicato Labrego Galego acolleu con preocupación a nova da instalación dun invernadoiro para investigar especies forestais transxénicas no Instituto de Investigacións Agrobiolóxicas de Galicia (IIAG), financiado con cartos públicos a través do Consello Superior de Investigacións Científicas (CSIC).

  10. Rolda de prensa

    As graves deficiencias nas campañas de saneamento gandeiro poñen ao borde da ruína a moitas explotacións

    22 de Maio do 2012 · 

    O Sindicato Labrego Galego ofreceu, o 22 de maio, unha rolda de prensa para denunciar as graves deficiencias e irregularidades nas campañas de saneamento gandeiro que se desenvolven na Galiza. Na rolda participaron a secretaria xeral do SLG, Carme Freire; o secretario de Sectores Gandeiros, Adolfo Cabarcos; e o afiliado e gandeiro da Baña, Cándido Iglesias.

  1. Anterior
  2. 3
  3. 4
  4. 5
  5. 6
  6. 7
  7. 8
  8. 9
  9. Seguinte