A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2012

Novas: 2012

  1. Helicóptero

    O SLG reúnese coas forzas políticas de Melide para deter as fumigacións aéreas contra o goníptero do eucalipto

    14 de Abril do 2012 · 

    A secretaria xeral do Sindicato Labrego Galego, Carme Freire, acompañada do responsable local do SLG en Melide, Xulio Fernández, mantiveron, o 13 de abril, encontros coas tres forzas políticas melidenses con representación municipal para falar da ameaza que supoñen para o medio ambiente e a saúde pública as fumigacións aéreas con insecticidas químicos para combater a praga do Gonipterus Scutellatus do eucalipto e que se están a promover neste concello. En concreto, as xuntanzas foron coa alcaldesa do PP, Ángeles Vázquez; coa portavoz do BNG, Socorro Cea; e co edil socialista, Manuel Prado; e acontecen a raíz do bando municipal no que se instaba ás persoas propietarias de plantacións de eucalipto a apuntarse e permitir este tipo de tratamento nas súas fincas.

  2. Rías Baixas

    O Sindicato Labrego Galego considera inasumible a proposta das industrias para a D.O. Rías Baixas

    12 de Abril do 2012 · 

    O Sindicato Labrego Galego quere desmentir certas informacións publicadas por medios de comunicación nas que se anunciou un acordo, ou preacordo, na denominación de orixe Rías Baixas de cara a fixar os prezos da uva e as condicións de compravenda para os vindeiros tres anos.

  3. Helicóptero fumigando

    O SLG alerta sobre a toxicidade en persoas e fauna das fumigacións aéreas da Xunta contra o goníptero do eucalipto

    4 de Abril do 2012 · 

    O Sindicato Labrego Galego quere amosar o seu firme rexeitamento á intención de fumigar insecticidas químicos (Flufenoxuron) con medios aéreos para combater a praga doGonipterus Scutellatus do eucalipto, polo forte impacto na saúde das persoas, na fauna e no medio ambiente que vai ter esta medida. A oposición do SLG a esta medida prodúcese despois de que se fixese pública, o 3 de abril, na Mesa da Madeira celebrada en Compostela e convocada pola Consellaría de Medio Rural; e diante do feito de que concellos como o de Melide publicaron bandos informativos instando aos propietarios e propietarias de fincas a apuntar as súas parcelas para ser fumigadas.

  4. Lumes nunca máis

    A complicidade da Xunta na violación sistemática da Lei de Prevención de Incendios fomenta os lumes na Galiza

    2 de Abril do 2012 · 

    Os lumes forestais que están arrasando Galiza nas últimas semanas e, en especial, o que se levou por diante un dos espazos emblemáticos do noso patrimonio natural -as Fragas do Eume-, poñen en evidencia a errática e desastrosa política forestal da Xunta de Galiza e, en concreto, da Consellaría de Medio Rural.

  5. Folga Xeral en Compostela

    O Sindicato Labrego Galego botouse á rúa o 29 de marzo para apoiar as manifestacións pola Folga Xeral

    30 de Marzo do 2012 · 

    O Sindicato Labrego Galego, amais de apoiar a convocatoria da Folga Xeral do 29 de marzo, participou activamente nas manifestacións que se levaron a cabo en Compostela, A Coruña, Vigo, Ferrol, Pontevedra, Ourense, Lugo, Xinzo de Limia, Verín e Foz. As razóns para que os labregos e labregas apoiasen estas mobilizacións eran moitas e xa se deu conta delas nun comunicado anterior. De seguido, publicamos varias imaxes coa presenza das xentes do SLG nas rúas o 29 de marzo.

  6. Búscase empresa honrada

    O SLG denuncia ante os grupos parlamentarios do BNG e do PSOE os impagos das lácteas ás explotacións

    27 de Marzo do 2012 · 

    Unha comitiva do Sindicato Labrego Galego mantivo hoxe, 27 de marzo, xuntanzas cos grupos parlamentarios do PSdG-PSOE e do BNG para falar da problemática que están padecendo moitas explotacións por mor da morosidade de Lácteos Tambre, empresa que debe varios meses de entregas de leite dende hai máis dun ano.

  7. Folga xeral

    O SLG apoia a Folga Xeral do 29 de marzo porque os recortes se asañan co medio rural e as explotacións

    23 de Marzo do 2012 · 

    O Sindicato Labrego Galego apoia a convocatoria de folga xeral para o 29 de marzo, convocada polos sindicatos obreiros, por entender que a reforma laboral e os recortes sociais que estamos sufrindo afectan a toda a sociedade e se asañan, especialmente, co medio rural e cos labregos e labregas.

  8. Pasteiros secos

    A Consellaría de Medio Rural mófase das explotacións cunhas axudas ridículas para paliar as perdas pola seca

    21 de Marzo do 2012 · 

    Dende o Sindicato Labrego Galego consideramos as axudas para paliar as perdas provocadas pola seca, que vén de anunciar a Consellaría de Medio Rural, como unha burla para as explotacións agrogandeiras galegas. Financiar os xuros dun préstamo equivalente ás axudas da PAC das explotacións, só facilita que se adianten uns cartos aos que os labregos e labregas tiñan dereito e que, máis tarde ou máis cedo, acabarían ingresando. É dicir, que estas supostas axudas ás explotacións acabarán sendo subvencións a fondo perdido para a banca, que será a que cobre eses xuros custeados con cartos públicos.

  9. Fouce

    As demandas das labregas e as loitas do sector lácteo, temas de portada no Fouce 291

    20 de Marzo do 2012 · 

    Nos primeiros meses de 2012, houbo movementos no sector lácteo a todos os niveis. Neste senso, o labor do SLG concretouse en dúas concentracións en protesta contra a obrigatoriedade dos contratos sen prezo, contra a nova baixada do valor do leite e contra os impagos das empresas; coa participación no Grupo Consultivo do Leite da UE, e con xuntanzas co ministro Arias Cañete e coa conselleira Rosa Quintana.

  10. Herba seca

    O SLG alerta do forte impacto da seca tamén en sectores como o viño, a pataca ou a horta, amais dos gandeiros

    18 de Marzo do 2012 · 

    Os servizos técnicos do Sindicato Labrego Galego veñen de facer unhas primeiras estimacións das perdas económicas que a seca está a causar nos principais sectores agrogandeiros de Galiza. A situación é alarmante, xa que amais das abondosas perdas que están a sufrir as explotacións de vacún, tanto as de leite como as de carne, habería que engadir o impacto que a falla de precipitacións está a ter en sectores agrarios estratéxicos para moitas comarcas galegas como o viñedo, a pataca ou a horta.

  1. Anterior
  2. 4
  3. 5
  4. 6
  5. 7
  6. 8
  7. 9
  8. 10
  9. Seguinte