A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2014

Novas: 2014

  1. Veterinario

    O SLG reuniuse co xefe de Sanidade Animal da Xunta para mellorar a loita contra a tuberculose bovina na Galiza

    10 de Xuño do 2014 · 

    A secretaria xeral do Sindicato Labrego Galego, Isabel Vilalba Seivane, e o responsable dos Sectores Gandeiros na Executiva do SLG, Adolfo Cabarcos, mantiveron, o 9 de xuño, un encontro de traballo co xefe do Servizo de Sanidade Animal da Consellaría de Medio Rural, Jesús Orejas. O motivo principal desta xuntanza, solicitada polo SLG, foron os problemas que está habendo coa actual campaña de saneamento gandeiro na Galiza e, en concreto, coa aparición de focos de tuberculose bovina en lugares onde nunca antes houbo positivos e mesmo en explotacións que non adquiriron gando novo.

  2. Ribeira do Navia

    A Cooperativa Ribeira do Navia nunha reportaxe da Revista Internacional de Comunicación y Desarrollo

    8 de Xuño do 2014 · 

    A Universidade de Santiago de Compostela vén de editar o nº 0 da Revista Internacional de Comunicación y Desarrollo. Unha das reportaxes do primeiro número desta publicación é "Cooperativa Ribeira do Navia: soberanía alimentaria como ética de vida", escrita pola xornalista Vera Cruz Montoto. Un interesante texto que nos achega unha experiencia fondamente enraizada no modelo agrícola que defendemos o Sindicato Labrego Galego e a Vía Campesina.Podes descargar o pdf na icona que hai no remate desta páxina.

  3. Herbicidas no millo

    O SLG denuncia en Vilalba fumigacións para controlar a maleza que poderían contaminar cultivos

    5 de Xuño do 2014 · 

    O Sindicato Labrego Galego vén de rexistrar no Concello de Vilalba un escrito denunciando o control da maleza na beira das estradas do municipio a través da aplicación de herbicidas tóxicos, tanto no casco urbano como no medio rural, feito que está a provocar queixas xeneralizadas das persoas afectadas.

  4. Detalle do cartel de Teo

    Este sábado celébrase o segundo aniversario do Mercado de Alimento Labrego de Teo nos Tilos

    3 de Xuño do 2014 · 

    Xa van dous anos de andaina e o Mercado do Alimento Labrego de Teo, que se celebra tódolos sábados nos Tilos, está consolidado como a alternativa ao comercio convencional de grandes superficies e produtos estandarizados e fabrís na área de Compostela. Relación directa baseada na confianza entres os labregos e labregas e as persoas que mercan os alimentos frescos e de tempada, apoio ás economías locais e desenvolvidas no medio rural, consumo de combustibles fósiles e impacto no quecemento global mínimo, etc. Dous anos construíndo soberanía alimentaria dende Teo para o mundo. De seguido, publicamos o programa da festa que os labregos e labregas de Teo compartiron con nós: 

  5. En Feitoría Verde

    Un grupo de labregas vascas na Galiza para coñecer a agricultura desenvolvida por mulleres no noso país

    2 de Xuño do 2014 · 

    Un grupo de cinco labregas vascas da organización agraria EHNE-Bizkaia chegou a Galiza o pasado venres, 30 de maio, para coñecer de primeira man explotacións rexentadas por mulleres en diversos concellos do país como Teo, Vedra, Rois, Ordes, Miño, Irixoa, Teixeiro, Vilasantar, Ribadeo, Lourenzá ou Mondoñedo. Esta visita encádrase dentro do proxecto "De Iacarta 2013 a Euskal Herria 2017: Construíndo soberanía Alimentaria en Euskal Herria", acción financiada pola Axencia Vasca de Cooperación para o Desenvolvemento.

  6. MMO

    O SLG pide a Medio Rural medidas adicionais que garantan prezos dignos negociados en iguadade para o leite galego

    2 de Xuño do 2014 · 

    A secretaria xeral do Sindicato Labrego Galego, Isabel Vilalba Seivane, tivo unha apretada axenda durante a semana pasada en cuestións relacionadas co sector lácteo. A comezos de semana, celebrábase a primeira xuntanza do Observatorio do Mercado Europeo do Leite en Bruxelas, na que participou en representación da Coordinadora Europea da Vía Campesina. Dous días despois, a cita foi en Compostela, na presentación de Xacobea, a ferramenta para a referenciación de prezos para o leite galego que presentaba a Consellaría de Medio Rural.

  7. Cabeceira Fouce

    O Fouce 301 xa circula polas vilas e parroquias da Galiza

    22 de Maio do 2014 · 

     

    O Fouce 301 xa anda circulando polas parroquias e vilas de Galiza. A portada deste 301 está dedicada a novas e crónicas que nos enchen de esperanza, como a chegada a bo porto da loita das sete explotacións que denunciaron a Lácteos Tambre por impagos, a asemblea da Coordinadora Europea da Vía Campesina en Evenstad (Noruega), o Encontro Anual de Mulleres do SLG, as Marchas da Dignidade ou a celebración do Día Internacional da Loita Labrega. Outras son preocupantes, como os primeiros indicios do que podería ser unha nova crise no sector lácteo galego, as negociacións secretas para crear unha área de libre comercio transatlántica ou as novas lexislacións ultraliberais en materia de solo e administración local. Iso e moito máis no Fouce 301, que podes descargar en pdf premendo AQUÍ.

  8. Negociacións TTIP

    O SLG pide aos partidos políticos un posicionamento claro sobre o Tratado de Libre Comercio entre a UE e EEUU

    21 de Maio do 2014 · 

    Co gallo das Eleccións ao Parlamento Europeo, o Sindicato Labrego Galego diríxese ás forzas políticas que concorren aos comicios para que adopten unha posición clara respecto ao posible acordo de libre comercio entre a Unión Europea e os Estados Unidos (Transatlantic Trade and Investment Partnership ou TTIP).

  9. Protestas contra Lácteos Tambre

    Lácteos Tambre salda as súas débedas coas explotacións que a denunciaron tralas protestas do Sindicato Labrego

    16 de Maio do 2014 · 

    Despois de tres anos de protestas, denuncias, embargos e condenas firmes por parte da xustiza, Lácteos Tambre pagou as débedas que mantiña con 7 explotacións que, asesoradas polo equipo xurídico do Sindicato Labrego Galego, denunciaron esta empresa afincada en Oroso e xestionada pola familia Sangiao por negarse a pagar varias entregas de leite correspondentes ao primeiro trimestre de 2011. Sen dúbida, as últimas mobilizacións levadas a cabo en Sigüeiro (Oroso), o pasado 14 de abril, forzaron á familia Sangiao a acatar as resolucións xudiciais que a obrigan a pagar e que estivo eludindo con estrataxemas como desmantelar a empresa para evitar o embargo, operando no mercado impunemente con Lácteos Merza e, na actualidade, con Logística Alimentaria.

  10. Queremos Galego

    O Sindicato Labrego apoia as oito manifestacións convocadas por Queremos Galego neste 17 de maio

    16 de Maio do 2014 · 

    Como tódolos anos, o SLG apoia as mobilizacións convocadas pola plataforma Queremos Galego con motivo do 17 de maio, Día das Letras Galegas. Este ano, a manifestación que tradicionalmente enchía as rúas de Compostela vaise multiplicar por oito e terá lugar, ademais, na Coruña, Lugo, Ourense, Pontevedra, Ferrol, Vigo e Foz. De seguido, publicamos o manifesto que será lido ese día en todas estas cidades, amais dos horarios das diversas convocatorias.

  1. Anterior
  2. 4
  3. 5
  4. 6
  5. 7
  6. 8
  7. 9
  8. 10
  9. Seguinte