A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2015

Novas: 2015

  1. Suplemento especial do IV Foro labrego de Agroecoloxía

    Suplemento Agroecoloxía 22 de Xaneiro do 2020 · 

    Como ben sabedes, no Fouce 329 publicamos un suplemento especial cun resume dos contidos do IV Foro Labrego de Agroecoloxía, celebrado no Convento Franciscano de Herbón os días 16 e 17 de novembro. Agora, vimos de publicar por separado ese suplemento, que podes descargar na icona que atoparás nesta páxina.

  2. O SLG desmárcase das organizacións agrarias estatais e defende a suba do Salario Mínimo Interprofesional no agro

    Sementeira de euros 21 de Xaneiro do 2020 · 

    O Sindicato Labrego Galego, diante da posición contraria á suba do salario mínimo interprofesional (SMI) das tres principais organizacións agrarias do Estado, quere manifestar o seu total desacordo con esa postura. Pola contra, o Sindicato Labrego apoia a suba do SMI de maneira rotunda, clara e inequívoca porque manter o salario mínimo no nivel actual supón legalizar a pobreza e a exclusión social e económica de miles de traballadores e traballadoras do agro.

  3. O SLG convoca un encontro nacional para articular a defensa contra o acaparamento de terras na Galiza

    Xornada acaparamento de terras 21 de Xaneiro do 2020 · 

    O vindeiro 8 de febreiro, o Sindicato Labrego Galego organiza unha xornada de encontro entre persoas e colectivos que están a loitar, dunha maneira ou outra, contra o acaparamento de terras. Eucaliptos, minaría, urbanización salvaxe, parques eólicos, privatización de montes comunais...  Galiza leva décadas sufrindo un proceso brutal de acaparamento de terras que socava a nosa soberanía alimentaria e nos condena a ser un dos territorios con menor superficie agraria da UE. Con esta convocatoria, dende o Sindicato Labrego Galego queremos tecer redes de ideas e accións para virar esta tendencia e facer que a nosa terra volva ser o sustento vital dos galegos e das galegas, e non un coto privado para a depredación de grandes empresas.

  4. O SLG pide a Mesa do Leite ante a conxelación dos prezos máis baixos do Estado na Galiza nun contexto de alza

    Sector Lácteo 20 de Xaneiro do 2020 · 

    O silencio e carencia total de iniciativas por parte da Consellaría de Medio Rural no sector lácteo fai que as industrias estean aproveitando o baleiro para extorsionar de novo ás granxas, obrigándoas a asinar contratos que conxelan os prezos nunha situación de alza xeneralizada. Ademais, os diversos indicadores subliñan que Galiza segue a ser a comunidade do Estado co prezo medio máis baixo (32,6 céntimos en novembro de 2019), a única que non supera os 33 céntimos, e moi lonxe da media española (34 céntimos) ou europea (35'31 céntimos).

  5. O SLG alerta sobre ataques directos das ratas toupa ás granxas e pide a prohibición da caza do raposo na zona

    Estragos rata toupa 17 de Xaneiro do 2020 · 

    Os últimos informes elaborados sobre a incidencia da rata toupa que está a causar estragos na montaña lucense constatan que están afectadas máis de 1.600 hectáreas, pero a cifra real podería chegar ás 2.000 segundo técnicos consultados polo SLG. Aínda que, até agora, os principais danos están a ser causados en praderías, dende o Sindicato Labrego Galego acabamos de recibir denuncias de estragos directos en granxas de Pedrafita do Cebreiro, con contiosas perdas na herba ensilada e na colleita de remolacha das granxas.

  6. A Mocidade do Sindicato Labrego Galego consolida as Xornadas de Granxas Abertas con dúas novas edicións

    Marta 16 de Xaneiro do 2020 · 

    Dende a publicación do último Fouce, a Mocidade do Sindicato Labrego Galego organizou dúas Xornadas de Granxas Abertas. A primeira delas foi no sur da bisbarra compostelá o 6 de novembro e estivo centrada en fincas hortícolas. En concreto, visitamos o proxecto Burbullas de Sol en San Mamede (Vedra), que rexentan Conchi e Miguel, producindo hortalizas e froita para vender directamente en mercados ou cestas. Un pouco máis ao sur, en Paradela (A Estrada), Óscar ensinounos as súas leiras e invernadoiros nos que produce para fornecer pequenos comercios da comarca.

  7. "Vén ao rural, traballa as viñas, fai viño... e complícate a vida como nunca pensaches", por Bernardo Estévez Villar

    Burocracia 15 de Xaneiro do 2020 · 

    Alguén pode pensar que iso de facer viño, estar entre cepas, non ter horario que te controle (sempre estás traballando, máis control imposible) ser dono do teu, mola, mola moito. E se engadimos que vas ter a hostia de axudas, que dende a Administración ten van guiar, tutelar, formar e aconsellar para que o teu proxecto arrinque, se consolide e poidas quedar vivir na aldea; e, quen sabe, que teñas, se podes e queres, nenos e nenas, e vivas, non sobrevivas, no rural galego, entón mola que te cagas. Pois perdoa por estragar as túas ilusións, pero mellor non penses en todo iso. Mellor, oposita. Pero se, así e todo, teimas e decides pensar neste modo de vida, dálle unha volta ao que che vou contar.

  8. O Fouce 329 vén cun suplemento especial dedicado integramente ao IV Foro Labrego de Agroecoloxía

    Fouce 329 14 de Xaneiro do 2020 · 

    Esta semana imprimimos o novo Fouce 329, correspondente ao último bimestre do ano, e no que poderás atopar, entre outros contidos, un caderno central sobre IV Foro Labrego de Agroecoloxía, a testemuña de como a Administración afoga as pequenas adegas nunha lameira burocrática de obrigas e papelame, unha ampla reportaxe na que damos voz a homes e mulleres de Touro que denuncian como impacta nas súas vidas a actividade mineira e industrial ou o resume das dúas últimas Xornadas de Granxas Abertas. Nos vindeiros días, iremos debullando contidos nas redes sociais. Se non queres agardar, daquela podes descargar o teu exemplar na icona que atoparás no remate desta páxina.

  9. O SLG agarda que a Xunta non utilice os premios a Erimsa como escusa para autorizar novos proxectos extractivos

    Premio Erimsa 4 de Decembro do 2019 · 

    Esta semana coñecemos a nova de que a empresa mineira Erimsa recibiu en Bruxelas un Premio de Desenvolvemento Sostible entregado pola Asociación Europea de Áridos (UEPG) polas “súas boas prácticas medioambientais na comarca de Ordes”. En outubro do ano pasado, recollía un galardón semellante de mans do mesmísimo presidente da Xunta, Alberto Núñez Feijóo, no marco do V Congreso Estatal de Áridos, que se celebrou en Compostela.

  10. La Vía Campesina chama hoxe a unha xornada mundial de loita pola elimintación da violencia contra as Mulleres

    25N La Vía Campesina 25 de Novembro do 2019 · 

    Do 25 ao 30 de novembro de 2019, La Vía Campesina e, na Galiza, o Sindicato Labrego Galego, chama á Xornada mundial de loita pola eliminación da violencia contra as mulleres. Como cada ano, facemos esta convocatoria para seguir loitando por sociedades conscientes e ceibes, sen explotación dos seres humanos e da natureza. Asemade, denunciamos o sistema capitalista, heteropatriarcal, racista e colonizador, que explota, oprime e atenta contra a vida das mulleres e da humanidade.

  11. O SLG denuncia deficiencias nos servizos de rehabilitación do HULA que prexudican especialmente a montaña lucense

    HULA 15 de Novembro do 2019 · 

    O Sindicato Labrego Galego está a recibir numerosas queixas de afiliados e afiliadas por mor das deficiencias do servizo de rehabilitación que ofrece o Hospital Universitario Lucus Augusti (HULA), especialmente por parte de persoas que viven na montaña lucense.

  12. O IV Foro Labrego de Agroecoloxía abordará os retos da emerxencia climática para a agricultura

    Presentación IV Foro 14 de Novembro do 2019 · 

    O Sindicato Labrego Galego volve colaborar na organización do Foro Labrego de Agrecoloxía, un evento que chega á súa cuarta edición en 2019 e que, desta vez, escolleu o Convento Franciscano de Herbón (Padrón) para desenvolver o seu programa os días 16 e 17 de novembro. Nesta ocasión, tal e como adianta o xogo de palabras que dá título ao Foro -”Soberanía climática, emerxencia alimentaria”-, as diversas palestras e obradoiros virarán ao redor dunha cuestión candente como a crise por emerxencia climática.Como en edicións pasadas, o Foro está organizado pola Asociación Herbamoura e ten o financiamento da Deputación da Coruña.

  13. Cooperativa A Carqueixa: Feireando por Internet

    A Carqueixa 12 de Novembro do 2019 · 

    A Asociación de Produtores de Carne de Montaña (Aprocam), coa colaboración do Sindicato Labrego Galego, desenvolveu un curso sobre comercialización de produtos cárnicos en Chantada ao longo do mes de outubro. Unha das partes máis interesantes destas aulas foi a saída de campo que se fixo a Cervantes, para coñecer de primeira man a experiencia da Cooperativa A Carqueixa, que dende hai medio ano puxo en marcha un anovador sistema de venda online que lles permite chegar co seu produto a calquera punto da Península Ibérica.

  1. Cotizacións leite Fonterra

    Nin os mercados, nin a falla de apoios da Consellería e do Ministerio, fan recuar as mobilizacións do sector lácteo

    23 de Decembro do 2015 · 

    Os gandeiros e gandeiras seguen na Galiza coa súa vaga de bloqueos nas grandes superficies comerciais coa intención de forzar unha suba no prezo do leite na que nin a Consellaría de Medio Rural nin o Ministerio de Agricultura están dispostos a mediar nin apoiar. Mentres, a situación global do sector leiteiro, que nos toca de cheo por estarmos integrados na Unión Europea, segue a ser preocupante, con aumentos moi cativos das exportacións que non logran compensar a forte caída das vendas a China. Asemade, os prezos seguen coa súa volatilidade extrema, contrastando os 18 céntimos a que se paga o quilo de leite spot en Holanda cos 34,5 céntimos de Italia.

  2. Cendán e Vilalba

    O SLG oponse ao contrato para o sector lácteo do Ministerio porque deixa indefensas as granxas fronte ás industrias

    16 de Decembro do 2015 · 

    A secretaria xeral do Sindicato Labrego Galego, Isabel Vilalba Seivane, e o asesor da Executiva do SLG, Xosé Ramón Cendán, ofreceron unha rolda de prensa, o 16 de decembro, para transmitir a posición desta organización sindical respecto ao contrato homologado do leite que está a defender o Ministerio de Agricultura (pódese descargar na icona que hai no remate desta páxina) e desmentir un suposto consenso na última xuntanza da Interprofesional Láctea (INLAC).

  3. Remember Lee Kyun Hae

    Unha delegación da Vía Campesina participa en Nairobi nos actos contra a décima Conferencia Ministerial da OMC

    15 de Decembro do 2015 · 

    Dende o 14 de decembro, unha delegación de labregos e labregas da Vía Campesina está a participar nas diferentes accións de loita contra a Organización Mundial do Comercio (OMC) en Nairobi (Kenya). Esta delegación, que inclúe persoas de Asia (Indonesia, India, Corea do Sur e Xapón), África (Zimbabue, Sudáfrica, Kenya, Mozambique, etc.), Europa e América, unirase aos miles de participantes doutras organizacións da sociedade civil e movementos de todo o planeta para oporse á décima Conferencia Ministerial da OMC.

  4. Manifestación COP21

    COP21: Cae o pano da mascarada

    14 de Decembro do 2015 · 

    Tras dúas semanas durante as cales os xefes e xefas de Estado se puxeron no centro do escenario para tranquilizar as súas conciencias, o Cumio polo Clima (COP21) presentou un acordo que moitos e moitas temiamos, xa por adiantado, que non ía ofrecer nada bo para os pobos do mundo. Nada do seu contido é vinculante para os estados, as contribucións nacionais lévannos cara a un quecemento global de máis de 3° C, e as multinacionais son as principais beneficiarias.

  5. Tractores en Carrefour

    A Plataforma en Defensa do Sector Lácteo aumenta a presión ás distribuidoras con tractoradas indefinidas

    8 de Decembro do 2015 · 

    Este xoves, 10 de decembro, as mobilizacións convocadas pola Plataforma en Defensa do Sector Lácteo soben un chanzo máis coa saída de tractores á rúa. En concreto, ese día unha tractorada tomará de maneira indefinida o entorno do Carrefour da avenida Alfonso Molina, na Coruña.

  6. Cobrador do frac no Fogga

    Medio Rural incumpre a promesa de adiantar as axudas da PAC e atrasará o pago ás sociedades civís até a primavera

    3 de Decembro do 2015 · 

    O Sindicato Labrego Galego denuncia as mentiras da Consellaría de Medio Rural cando afirma que se adiantou o pagamento das axudas da Política Agraria Común (PAC) como resposta ás protestas gandeiras do sector lácteo acontecidas este verán de cara a dar liquidez ás granxas pois, de telo feito, fíxoo de maneira parcial e incompleta.

  7. Mercado de San Agustín

    A Coruña xa conta cun mercado de alimentos labregos e ecolóxicos na praza de abastos de San Agustín

    2 de Decembro do 2015 · 

    O mercado de alimentos labregos da praza de abastos de San Agustín, na Coruña, inaugurouse onte, 2 de decembro, cun total de oito postos de venda nos que se podía atopar dende hortalizas frescas de tempada até produtos elaborados como empanadas, marmeladas ou conservas, todos cun denominador común: ser ecolóxicos e de proximidade, coa excepción neste último requisito para aqueles alimentos que non se producen nestas latitudes, como o cacao, café ou azucre.

  8. Isabel Vilalba Seivane

    Isabel Vilalba denuncia no centro comercial das Termas o peche de 400 explotacións lácteas na Galiza en 2015

    2 de Decembro do 2015 · 

    Gandeiros e gandeiras do sector lácteo concentráronse hoxe, 2 de decembro, no centro comercial das Termas (Lugo), onde hai un Eroski, para denunciar diante da cidadanía que a suba do prezo do leite que se está a experimentar nos supermercados non se trasladou ás granxas, que seguen a cobrar prezos miserables semellantes ao do pasado verán que, en setembro, acadaron unha media de 28 céntimos por litro, moi lonxe dos 34 céntimos en que o Ministerio de Agricultura cifra a cobertura dos custes de produción.

  9. COP21 Vía Campesina

    COP21: Contra as falsas solucións, agricultura labrega!

    30 de Novembro do 2015 · 

    Do 30 de novembro ao 11 de decembro, desenvolverase en París a conferencia internacional polo clima COP21. Representantes de 196 países reuniranse para comprometerse a reducir as emisións de gases con efecto invernadoiro e paliar así o quecemento global do planeta. Podemos apostar, coa seguridade de que imos gañar, que o COP21 rematará cunha fermosa foto de unidade e satisfacción polos obxectivos acadados, pero sen teren decidido ningunha mudanza eficaz para solucionar o problema.

  10. Concentración nas Cancelas

    Volven as mobilizacións ao sector lácteo galego diante do fracaso estrepitoso dos acordos de Madrid

    30 de Novembro do 2015 · 

    Hoxe, 30 de novembro, comezaron as mobilizacións convocadas pola Plataforma en Defensa do Sector Lácteo que, desta vez queren chamar a atención sobre a posición de dominio e abuso das grandes distribuidoras na cadea de valor. Non en van, os cálculos realizados desvelan que os supermercados quedan con case a metade do que se paga por cada litro de leite (46%). Esta primeira acción tivo lugar no centro comercial das Cancelas, en Compostela, onde opera un hipermercado da cadea francesa Carrefour, e consistiu nunha concentración e no reparto de folletos informativos sobre esta problemática.

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte