A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2015

Novas: 2015

  1. Convocatoria Xermade

    O SLG apoia as demandas da ANPA de Xermade e participará na concentración de denuncia deste mércores

    4 de Outubro do 2015 · 

    O Sindicato Labrego Galego quere expresar o seu apoio e solidariedade coas familias de Xermade que teñen nenos e nenas no centro escolar deste municipio lucense. Tal e como denunciou en reiteradas ocasións a asociación de pais e nais (ANPA), os nenos e nenas de Xermade, tralo recorte de catro profesionais no cadro de persoal da escola, quedaron nunhas condicións moi afastadas de ver cuberto o seu dereito á educación como si acontece con outros nenos e nenas de concellos da contorna. A redución do cadro de persoal do centro prodúcese, precisamente, nun ano no que aumentou o número de alumnos e alumnas con respecto ao curso pasado.

  2. Coellos

    O sector cunícola pide unha xuntanza urxente no Ministerio de Agricultura para tratar unha das peores crises de prezos

    2 de Outubro do 2015 · 

    O sector cunícola de COAG solicitaba, a finais de setembro, unha reunión urxente ao Ministerio de Agricultura para estudar unha serie de medidas que eviten a creba das explotacións familiares diante da importante caída de prezos que arrastra o sector dende comezos de 2015, que está obrigando a vender por baixo de custes. Ademais, pediuse que no encontro participe a Axencia de Información e Control Alimentario (AICA) para poñer sobre a mesa as reiteradas infraccións da Lei da Cadea Alimentaria que o sector cunícola de COAG xa ten denunciado.

  3. Rolda de prensa

    As axudas do sector lácteo discriminan as granxas galegas con respecto ás doutras comunidades do Estado

    30 de Septembro do 2015 · 

    O Sindicato Labrego Galego ofreceu unha rolda de prensa en Lugo, o 30 de setembro, para denunciar os criterios de concesión de axudas “de minimis” ao sector lácteo que fixa o real decreto 849/2015, publicado onte no Boletín Oficial do Estado (BOE). Compareceron diante dos medios de comunicación a secretaria xeral do SLG, Isabel Vilalba Seivane, e o coordinador dos sectores gandeiros, Xabier Gómez Santiso.

  4. Vacas en Vilar de Ousón

    O SLG denuncia a imposición de multas a rabaños de vacas en Becerreá que criminalizan a actividade gandeira

    25 de Septembro do 2015 · 

    Vilar de Ousón, na parroquia de Cruzul (Becerreá), ten unha soa pista de acceso. Por ela só circulan os vehículos que teñen as cinco familias que aínda viven na aldea, camiñan veciñas e veciños e transitan os rabaños de vacas das poucas granxas que aínda quedan en activo e que foi o medio de vida, xeración tras xeración, das familias que aquí moraron.

  5. Xuntanza de COAG

    O Sindicato Labrego rexeita o acordo do sector lácteo porque non garante prezos dignos nin a recollida do leite

    23 de Septembro do 2015 · 

     

    A secretaria xeral do Sindicato Labrego Galego, Isabel Vilalba Seivane, estivo en Madrid hoxe, 23 de setembro, para participar na xuntanza do Ministerio de Agricultura na que se asinou o acordo do sector lácteo, e na posterior reunión da Interprofesional Láctea (Inlac).

  6. Glifosato

    A Plataforma Fumigacións Non lanza unha campaña para erradicar o uso público de glifosato: #LibresdeGlifosato

    21 de Septembro do 2015 · 

    A Plataforma Fumigacións Non, da que forma parte o Sindicato Labrego Galego, vén de iniciar unha campaña baixo o nome #LibresDeGlifosato. Esta acción consiste en presentar mocións nos concellos para paralizar o uso de herbicidas con glifosato en todo tipo de lugares públicos. Para participar nesta campaña, o único que tedes que facer é descargar un modelo de moción da propia web do SLG, na icona que hai ao remate desta páxina, e seguir as instrucións para rexistrala nos vosos concellos. A intención é sumar o maior número posible de municipios declarados libres de glifosato na Galiza.

  7. Manifestación 17 de xullo

    A Plataforma en Defensa do Sector Lácteo concentrará as mobilizacións nas empresas que non acepten os acordos

    16 de Septembro do 2015 · 

    A Plataforma en Defensa do Sector Lácteo vén de anunciar o remate do bloqueo ás industrias lácteas tras cinco días de presión continuada sobre a totalidade das empresas que mercan e procesan leite na Galiza. A pesares do que están a dicir os medios de comunicación, non se trata do remate das mobilizacións, pois no seo da Plataforma decidimos centrar as protestas naquelas industrias e distribuidoras que se negan a chegar a ningún tipo de acordo.

  8. Vertido leite

    O SLG expresa o seu apoio total aos gandeiros e gandeiras que manteñen o bloqueo en industrias e distribuidoras

    14 de Septembro do 2015 · 

    O Sindicato Labrego Galego quere expresar o seu apoio total aos gandeiros e gandeiras que están a manter o bloqueo ás industrias lácteas e centrais de distribución, moitos e moitas delas tras levar máis dunha semana cos tractores na rúa e facendo un enorme sacrificio persoal, familiar e económico, e mesmo a grandes distancias do seu fogar para reforzar concentracións en comarcas onde precisan apoio para manter as protestas. A este esforzo hai que engadir o drama de ter que derramar millóns de litros de leite porque non se puxeron aínda sobre a mesa solucións realistas e fiables para solucionar o problema.

  9. Xuntanza no Ministerio

    A proposta do Ministerio de Agricultura non serve porque non garante que suban os prezos do leite

    11 de Septembro do 2015 · 

    O 10 de setembro, mentres 15.000 persoas se manifestaban en Compostela, en Madrid a Interprofesional Láctea e parte das industrias e da distribución debateron a proposta do Ministerio de Agricultura para o sector lácteo (pódese descargar na icona que hai ao final desta páxina web). A secretaria xeral do Sindicato Labrego Galego, Isabel Vilalba Seivane, foi unha das encargadas de representar á COAG xunto á gandeira cántabra Charo Arredondo, Andoni García e o máximo responsábel desta organización estatal, Miguel Blanco. E o noso voto á proposta do Ministerio foi negativo.

  10. Xuntanza con Feijóo

    Feijóo segue sen comprometer solucións á crise do sector lácteo e pásalle a pelota ao Ministerio de Agricultura

    9 de Septembro do 2015 · 

    Neste 9 de setembro, terceiro día de tractorada en Compostela, a xuntanza entre gandeiros e gandeiras, representantes da Plataforma en Defensa do Sector Lácteo, e o presidente da Xunta, Alberte Núñez Feijóo, foi tan decepcionante como as anteriores, xa que non se presentou ningunha medida nin novidade de cara a solucionar a crise de prezos que están a sufrir a totalidade de granxas leiteiras de Galiza. Así o criticou a secretaria xeral do Sindicato Labrego Galego, Isabel Vilalba Seivane, que asistiu ao encontro.

  1. Anterior
  2. 1
  3. 2
  4. 3
  5. 4
  6. 5
  7. 6
  8. 7
  9. Seguinte