A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2016

Novas: 2016

  1. O SLG denuncia multas durante o estado de alarma por compra directa de alimentos en granxas de proximidade.

    verduras apañadas na horta- Cartelle 4 de Agosto do 2020 · 

    O Sindicato Labrego Galego ven de coñecer a proposta de sanción dunha persoa que durante o estado de alarma realizou o desprazamento de 7 quilómetros para poder facer o seu acopio de alimentos persoal. Durante o estado de alarma unha das actividades permitidas era precisamente o suministro de produtos de primeira necesidade, particularmente neste caso de alimentos.

  2. Días decisivos para o futuro da Política Agraria na Galiza: sen noticias da Consellería do Medio Rural

    PAC 23 de Xullo do 2020 · 

     

    O acordo alcanzado onte entre os Xefes de Estado e de Goberno para orzamento da PAC no período 2021-2027, é realmente malo para as explotacións galegas e as implicacións na Política Agrícola Común van máis alá da diminución dos fondos.

    Con ser moi malo o recorte de fondos, desde o Sindicato Labrego Galego pensamos que pode ser moito peor para Galiza o resto das cuestións referidas á PAC que se reflicten no acordo. Non deixa de ser curioso que uns poucos aspectos reflectidos no acordo poidan ter tal influenza no que vai ser a PAC a partir do 2023 e incluso antes.

  3. O Fouce da Covid19 xa está no prelo

    Fouce 330 20 de Xullo do 2020 · 

    Este ano, debido ao estado de alarma decretado pola Covid-19, tivemos que deixar no caixón o Fouce 330, que xa tiñamos rematado e listo para enviar ao prelo. Unha vez retornamos a esta anormal normalidade na que seguimos, coa maior parte das novas e textos obsoletos, tivemos que comezar case de cero o número. Con medio ano de atraso, chega o Fouce 330 que, obviamente, vira ao redor da pandemia e do seu forte impacto no agro; destacamos, neste senso, as reflexións a catro voces que fan catro mozos e mozas labreg@s na contraportada e na sección de Mocidade. Ademais, tratamos outros temas de interese como a nova estratexia da PAC “Do campo á mesa” ou o decreto que medio regula a artesanía alimentaria na Galiza. Podes descargalo na icona que atoparás no remate desta páxina.

  4. Concentración do SLG diante dos edificios da Xunta en Ferrol para demandar solucións aos danos da fauna salvaxe

    Concentración Ferrol 9 de Xullo do 2020 · 

    O Sindicato Labrego Galego fixo unha concentración de protesta, o 8 de xullo, diante dos edificios administrativos da Xunta en Ferrol. A intención deste acto foi demandar solucións aos danos causados pola fauna salvaxe nas actividades agrogandeiras. De seguido, compartimos con vós as nosas demandas:

  5. O SLG pide a intervención da Xunta diante das comisións abusivas de Abanca por afectar de cheo á poboación rural

    Comisións abanca 8 de Xullo do 2020 · 

    O Sindicato Labrego Galego reclama a devolución das comisións abusivas de mantemento cobradas por Abanca á súa clientela, que subiron sen previo aviso a 50 € por semestre durante o confinamento, o que supón 100 euros anuais. Este incremento é desproporcionado, pois non responde a máis servizo que manter unha conta aberta; e inxustificable, pois a entidade bancaria tivo uns beneficios de 405 millóns de euros en 2019, polo que non lle vai nada mal como para facer estes cobros.

  6. O SLG pide axudas para compensar perdas na pataca tras fracasar a comercialización a través de Mercaproximidade

    Pataca 7 de Xullo do 2020 · 

    O Sindicato Labrego Galego, tras celebrar unha asemblea de produtores e produtoras de pataca en Xinzo de Limia, acordou reclamarlle á Xunta unha liña de axudas para compensar as perdas económicas provocadas polas restricións do estado de alarma para enfrontar a pandemia da Covid-19.

  7. O SLG solicita un pleno do Consello Galego de Benestar para coñecer a xestión do servizos sociais na pandemia

    Residencia maiores 4 de Xullo do 2020 · 

    Margarida Prieto Ledo e Ana Eiras Regueira, como vocais do SLG no Consello Galego de Benestar, veñen de solicitar a celebración dun pleno extraordinario deste órgano colexiado da Consellaría de Política Social para “tratar a situación na que se atopa a xestión dos servizos sociais comunitarios básicos (residencias, centros de día, atención á infancia, etcétera) trala crise do Covid-19, e as medidas que se están tomando para paliar os efectos da pandemia na xestión diaria dos mesmos”.

  8. O SLG e AGA presentan queixa no Ministerio de Transportes polo uso de glifosato para desherbar cunetas e beiravías

    Glifosato 30 de Xuño do 2020 · 

    O Sindicato Labrego Galego (SLG) e a Asociación Galega de Apicultura (AGA) veñen de rexistrar un escrito de queixa na Delegación do Goberno para denunciar o uso masivo de glifosato por parte do Ministerio de Transportes, Mobilidade e Axenda Urbana (Mitma) para desherbar as beiravías e cunetas das estradas de titularidade estatal na Galiza. A través de diversas testemuñas, puidemos constatar o uso de herbicidas nas marxes da A-54, da A-8 e da N-547, polo que se intúe o uso xeneralizado deste agrotóxico como modus operandi habitual do Mitma. Ademais, no mesmo escrito, solicítase unha xuntanza co delegado do Goberno en Galicia, Javier Losada, para explicarlle o tremendo impacto ecolóxico que ten o uso de glifosato no medio ambiente e para a saúde humana, especialmente nesta época do ano.

  9. O Sindicato Labrego Galego apoia a manifestación do 22 de xuño en Burela en defensa do futuro da Mariña

    Mani 22x Amarinha 21 de Xuño do 2020 · 

    O Sindicato Labrego Galego apoia a manifestación do 22 de xuño en Burela en defensa do tecido económico e social da Mariña, que sairá ás 20:00 horas do hospital para rematar na praza do Concello. A nosa comarca leva anos sendo castigada co peche de empresas e cunha permanente sangría de postos de traballo no sector primario -agricultura, gandería e pesca- que non obtivo nunca o suficiente apoio e compromiso das diversas institucións públicas para freala.

  10. O Sindicato Labrego apoia a veciñanza de Parga na súa demanda de reapertura total do centro médico

    Manifestación Parga 20 de Xuño do 2020 · 

    O Sindicato Labrego Galego apoia a veciñanza de Parga (Lugo) na súa demanda esixíndolle ao Servizo Galego de Saúde a reapertura total do centro médico. Dende esta organización agraria xa denunciamos, nos inicios da declaración do estado de alarma polo Covid19, a posibilidade de que os peches de ambulatorios e puntos de atención continuada realizados para afrontar a pandemia puidesen dar continuidade á política de recortes do Goberno Feijóo na sanidade pública.

  11. O Sindicato Labrego Galego denuncia na AICA a extorsión contra as granxas lácteas coa nova cláusula dos custes

    Aica 20 de Xuño do 2020 · 

    O Sindicato Labrego Galego vén de rexistrar un escrito de denuncia na Axencia de Información e Control Alimentarios (Aica) no que se dá conta da extorsión que están a sufrir as granxas ao ser obrigadas a falsear a cláusula do contrato na que se di que o prezo pactado cobre os custes de produción.

  12. O Ministerio de Agricultura saca unhas axudas para vendima en verde que exclúen boa parte do sector vitícola galego

    Vendima en verde 19 de Xuño do 2020 · 

    O Ministerio de Agricultura vén de informar que xa se poden pedir as axudas para facer vendima en verde como unha das medidas para enfrontar a crise do sector vitícola provocada polo peche da hostalería durante o estado de alarma polo Covid19. Dende o SLG xa temos denunciado que estas axudas non se adaptan á realidade galega pero, ademais, veñen de convocarse nunhas condicións que, probablemente, exclúan a maioría do sector.

  13. Da granxa á mesa: Unha nova man de pintura verde para a mesma política agraria industrial e exportadora de sempre

    Da granxa á mesa 6 de Xuño do 2020 · 

    O pasado 20 de maio, a Comisión Europea publicou dous documentos nos que xa veñen as directrices das políticas agrarias europeas para os vindeiros dez anos: o programa “Da granxa á mesa” e Biodiversidade Horizonte 2030. Lida por riba, a estratexia “Do campo á mesa” soa moi ben, inclúe moitas iniciativas e finalidades que, aparentemente, deberían ser positivas para o campo e para a sociedade no seu conxunto. Pero a pouco que indaguemos, vemos que non é ouro todo o que reloce.

  14. O SLG pide apoio para a campaña de financiamento do Projeto Moas da Escola Semente de Compostela

    Projeto Moas 5 de Xuño do 2020 · 

    Poucos proxectos agachan tanta esperanza e ilusión como o da Escola Semente. Alá onde nunca quixeron chegar as institucións que deberían velar por manter viva e vizosa a nosa lingua, por garantir unha educación laica en simbiose coa cultura do país, chegan a entrega e o esforzo visionario destas educadoras e educadores que dan agora un paso máis co Projeto Moas na parroquia de Vidán, en Santiago de Compostela, coa intención de unificar nun mesmo espazo a educación infantil e primaria que xa viñan impartindo nos últimos anos na capital galega.

  15. A industria láctea extorsiona as granxas obrigando a falsear a cláusula de custes co beneplácito de Agricultura e Xunta

    Contrato atraco 30 de Maio do 2020 · 

    A recente reforma que fixo da Lei da Cadea Alimentaria o Ministerio de Agricultura, presionado polas fortes protestas do agro en todo o Estado, obriga a incluír unha cláusula nos contratos na que se faga referencia a que o prezo pactado entre industrias e produtores e produtoras cobre os custes de produción. Pero quen fixo a lei, fixo a trampa...

  16. As organizacións sociais do Consello Forestal de Galicia dan plantón á xuntanza sobre o Pladiga 2020 como protesta

    Consello Forestal de Galicia 28 de Maio do 2020 · 

    Amigos da Terra, Asociación Frouma, Federación Ecoloxista Galega (FEG), Organización Galega de Comunidades de Montes (ORGACCMM) e Sindicato Labrego Galego (SLG-CCLL) demos plantón á Consellaría de Medio Rural, no Consello Forestal do 28 de maio, como protesta ante a falta de participación sectorial e de diálogo social na planificación das políticas forestais e na estratexia contra os incendios

  1. Concentracións MMM

    A Secretaría das Mulleres apoia as mobilizacións da Marcha Mundial en condena polos últimos asasinatos machistas

    20 de Decembro do 2016 · 

    A Secretaría das Mulleres do Sindicato Labrego Galego apoiará as concetracións convocadas pola Marcha Mundial das Mulleres nas sete cidades galegas, mañá 20 de decembro, en repulsa polos tres asasinatos de mulleres nos últimos días en Vigo, Compostela e La Pobla del Mafumet (Tarragona) a mans dos seus compañeiros ou ex-compañeiros sentimentais.

  2. Margarida Prieto

    O SLG pide unha xuntanza en Minas para reclamar a caducidade das concesións a Erimsa na Terra Chá

    16 de Decembro do 2016 · 
    A coordinadora do Sindicato Labrego Galego na Terra Chá, Margarida Prieto Ledo, vén de solicitar hoxe, 15 de decembro, unha xuntanza co persoal responsábel da Dirección Xeral de Enerxía e Minas para aclarar os motivos polos que a Consellaría de Economía, Emprego e Industria non declara as caducidades das concesións mineiras a Erimsa en concellos como A Pastoriza, Cospeito, Castro de Rei, Abadín, Riotorto e Vilalba.
  3. Plantación de viñedo

    COAG e SLG reclamamos prioridade para xente moza e profesionais nos dereitos de plantación de viñedo

    14 de Decembro do 2016 · 

    O 12 de decembro, COAG e SLG reclamamos, na xuntanza do grupo de traballo sectorial no Ministerio de Agricultura en Madrid, uns criterios máis xustos nas autorizacións para plantar viñedo. E fixémolo volvendo defender a necesidade de mudar os criterios de adxudicación de viñedos nos repartos vindeiros, xa que nos actuais estanse a primar persoas alleas ao sector agrario, o cal supón unha clara discriminación para a mocidade labrega e os/as profesionais da viticultura

  4. Foro Labrego de Agroecoloxía

    Un cento de persoas dialogan sobre a agroecoloxía como alternativa viable e necesaria á agricultura industrial

    5 de Decembro do 2016 · 

    Ao longo da xornada do domingo, 4 de decembro, estivo desenvolvéndose o primeiro Foro Labrego de Agroecoloxía nas instalacións do antigo matadoiro de Betanzos. Alí, un cento de persoas, por riba do aforo previsto inicialmente, debateron, compartiron e dialogaron ao redor da alternativa ao actual sistema agrícola industrial que é a agroecoloxía.

  5. Oficina agraria virtual

    O SLG pide a ampliación do prazo para alegar os dereitos da PAC e presentará queixa diante da Valedora do Pobo

    2 de Decembro do 2016 · 
    O pasado 15 de novembro, o Fondo Galego de Garantía Agraria (FOGGA) publicaba no Diario Oficial de Galicia (DOG) unha resolución pola que se daba publicidade á asignación de dereitos do réxime do pagamento básico da Política Agraria Común (PAC). Trátase dunha resolución importantísima para as nosas granxas, xa que nela se fixan os dereitos en base aos cales se determinará a contía das axudas para máis de 30.000 labregos e labregas da Galiza no período 2014-2020, dándoselle ás persoas afectadas un mes de prazo para alegar ou facer reclamacións.
  6. Emilio Cao

    O SLG solidarízase con Emilio Cao e esixe a súa absolución

    30 de Novembro do 2016 · 

    O Sindicato Labrego Galego quere solidarizarse con Emilio Cao, o estudante que, sendo menor de idade (17 anos), foi detido nas cargas policiais que se produciron na manifestación das Marchas da Dignidade en Madrid o 22 de marzo de 2014. 

  7. Foro Agroecoloxía

    Betanzos acollerá este domingo un foro para analizar a enorme potencialidade da agroecoloxía na Galiza

    29 de Novembro do 2016 · 

    A vila de Betanzos acollerá este domingo, 4 de decembro, o primeiro Foro Labrego de Agroecoloxía, un evento que nace coa pretensión de converterse nun espazo de encontro para todas as persoas, colectivos e organizacións que apostan por unha produción de alimentos ecolóxica que vaia máis alá dos simples métodos de cultivo e sexa, entre moitas outras cousas, un factor activo de xeración de emprego, de sostibilidade ambiental, de saúde e de xustiza laboral. 

  8. Xornadas contra as violencias

    Un centenar de labregas reflexiona sobre as violencias machistas e denuncian o agravamento da lacra no rural

    26 de Novembro do 2016 · 

    A Secretaría das Mulleres do Sindicato Labrego Galego estivo celebrando durante o día de hoxe, 26 de novembro, unha Xornada contra as Violencias Machistas no Pazo de Mariñán (Bergondo) á que asistiron un cento de labregas das catro provincias galegas. Desta maneira, e co apoio financeiro da Deputación da Coruña, estas mulleres asistiron a charlas e debates ao redor do tema da violencia e, xa pola tarde, realizaron un mural de denuncia dunha lacra que, en menor ou maior medida, nos afecta a todas.

  9. Leite en po

    A liberación de 20.000 toneladas de leite en po intervido planeada pola Comisión Europea volvería afundir os prezos

    24 de Novembro do 2016 · 

    A secretaria xeral do Sindicato Labrego Galego, Isabel Vilalba Seivane, participou nunha nova xuntanza do Observatorio do Mercado do Leite (Milk Market Observatory-MMO), en Bruxelas o 23 de novembro. Isabel Vilalba, que asistiu a este foro de diálogo convocado pola CE en representación da Coordinadora Europea da Vía Campesina (ECVC), destacou como novidade máis preocupante a intención da Comisión Europa de liberar no mercado en decembro un continxente de máis de 20.000 toneladas de leite en po proveniente das retiradas por intervención pública.

  10. Food Revolution

    4 de decembro: I FORO LABREGO DE AGROECOLOXÍA

    23 de Novembro do 2016 · 

    A Asociación Herbamoura, coa colaboración do Sindicato Labrego Galego e o financiamento da Deputación da Coruña, organiza para o vindeiro domingo, 4 de decembro, o I Foro Labrego de Agroecoloxía, que se celebrará en Betanzos. Alí, a través do diálogo e o intercambio de ideas e experiencias, tentaremos contribuír a afianzar un movemento cada vez máis forte que tenta que a agricultura galega tome vieiros en consonancia con conceptos como a soberanía alimentaria, o respecto ao medio ambiente, a aposta polas producións locais, a relación directa entre a xente labrega e a consumidora ou o facer da alimentación unha fonte de saúde. 

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte