A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2017

Novas: 2017

  1. 22 de abril: Manifestación en Compostela en defensa do monte veciñal e un plan forestal para un medio rural vivo

    Mani 22 abril 10 de Abril do 2018 · 

    O 22 de abril haberá unha manifestación en Compostela convocada pola Organización Galega de Comunidades de Montes (ORGACCMM) e apoiada, ademais de polo Sindicato Labrego Galego, por Fruga, CIG, Atrifoga, Asociación pola Defensa da Ría e Adega. O motivo da manifestación é a defensa do monte veciñal e en man común (MVMC) diante da revisión da lei que os regula e diante do novo plan forestal da Xunta. O lema da manifestación será “Pola defensa do MVMC, titularidade da veciñanza comuneira e por un Plan Forestal para un medio rural vivo”.

  2. 17 de abril: Liberemos aos labregos e ás labregas de tratados de libre comercio como Mercosur, CETA ou TTIP!

    17 de abril 5 de Abril do 2018 · 

    O 17 de abril de 1996, 19 labregos Sem Terra foron asasinados a tiros por unha milicia privada en Eldorado dos Carajás, Estado de Pará, Brasil. O seu crime: a ocupación de terras en barbeito propiedade dun rico terratenente. Este asasinato impune ficou na memoria das organizacións agrarias da Vía Campesina cuxa data foi designada como Día Mundial das Loitas Labregas.

  3. Galiza perdeu máis de 1.500 granxas lácteas dende a fin das cotas e segue a ter un dos prezos máis baixos de Europa

    Vaca UE 4 de Abril do 2018 · 

    Co remate da campaña 2017-2018 no sector lácteo, cúmprense tres anos dende que desapareceu o sistema de cotas lácteas. Polo medio, tivemos unha das peores crises de prezos que se recordan e pecharon máis de 1.500 granxas: das 9.484 explotacións en activo que había en abril de 2015, pasamos ás 7.967 que contabilizaron os últimos datos do sector, correspondentes a xaneiro de 2018.

  4. O SLG denuncia no Parlamento problemas que fan inviable a gandería na Galiza ante os que a Xunta non actúa

    SLG BNG 28 de Marzo do 2018 · 

    Unha comitiva do Sindicato Labrego Galego formada por representantes da Dirección do Leite do SLG (Manuel Villaverde, Eliseo Cebreiro e Sandra Cancelada) e pola súa secretaria xeral, Isabel Vilalba Seivane, mantiveron, o 28 de marzo, encontros con representantes dos grupos parlamentarios de BNG (Xosé Luís Rivas Cruz), En Marea (Luís Villares e Davide Rodríguez) e PSOE (José Manuel Pérez e José Antonio Quiroga).

  5. 12 de abril, xornada sobre "Viabilidade da comercialización de aves e coellos das granxas artesanais"

    Polos 27 de Marzo do 2018 · 

    O 12 de abril, o Pazo de Mariñán (Bergondo) acollerá unha xornada sobre “Viabilidade da comercialización de aves e coellos das granxas artesanais a través de espazos de sacrificio colaborativos”. Interesante iniciativa que abordará unha das fases máis dificultosas para as granxas de aves e coellos e, ao mesmo tempo, das que máis potencial e futuro teñan para as explotacións avícolas e cunícolas familiares: o sacrificio na propia granxa e a comercialización directa da carne. Para inscribirte, tes que chamar ao 686 783 800 ou enviar un email cos teus datos a arrexo4@gmail.com Podes descargar o programa na seguinte icona.

  6. "Resiliencia fronte a cambio climático", por Belén Fervenza, responsábel do Sector de Horta, Froita e Flor do SLG

    Resiliencia 21 de Marzo do 2018 · 

    O ano que se foi, o 2017, ofreceunos unha cara nunca antes vista, cara que probablemente acabará sendo coñecida, por frecuente, para todas nós nun futuro non moi afastado. Será lembrado, polo de agora, coma o ano da seca e os lumes forestais. En moitos lugares de Galicia tivemos que sortear situacións até o de agora, inusuais. A falla de auga, xunto coas altas temperaturas, provocaron que a horta de inverno non puidese estar lista nas épocas que normalmente se fai, coas consecuencias que isto ten na economía e viabilidade dos nosos proxectos.

  7. O Sindicato Labrego Galego da Mariña elixe a Iván Rodríguez Lombardero como novo responsábel comarcal

    Iván Rodríguez Lombardero 16 de Marzo do 2018 · 

    O Consello Comarcal do Sindicato Labrego Galego da Mariña acordou por unanimidade a remuda na coordinación comarcal da organización que viña desempeñando Antonio Villarino desde o ano 2001. O substituto de Villarino será Iván Rodríguez Lombardero, que traballa no SLG desde setembro de 2015 como responsábel do local de Vilanova de Lourenzá.

  8. O SLG denuncia demoras de varios días na recollida de cadáveres animais nas granxas de Ourense

    Gesuga 15 de Marzo do 2018 · 

    O Sindicato Labrego Galego está a recibir cada vez máis queixas polas deficiencias na recollida de cadáveres de animais nas granxas da provincia de Ourense. Unha das queixas máis recorrentes neste servizo xestionado pola empresa Gesuga (Gestora de Subproductos de Galicia SL) é a das longas demoras á hora de vir retirar os animais mortos das explotacións, cos riscos para a saúde pública que isto entraña.

  9. O XIII Encontro de Mulleres do SLG céntrase no papel fundamental das labregas como produtoras de alimentos

    Maria Ferreiro e Sonia Vidal 14 de Marzo do 2018 · 

    O Sindicato Labrego Galego presentou, o 13 de marzo en Ourense, o XIII Encontro Anual da Secretaría das Mulleres, que este ano se celebrará entre os concellos ourensáns de San Xoán de Río, Parada de Sil e Castro Caldelas o 17 e o 18 de marzo baixo o lema “As mulleres alimentamos o mundo: Soberanía Alimentaria e feminismo”.  Na presentación participaron a responsábel da Secretaría das Mulleres do SLG, María Ferreiro Santos; e a gandeira de Xunqueira de Ambía e integrante da Executiva da organización agraria, Sonia Vidal Lamas.

  10. Un grupo de mulleres da Terra Chá fai un chamamento para secundar a Folga Feminista do 8 de marzo no rural

    Folga Feminista Vilalba 6 de Marzo do 2018 · 

    A folga feminista convocada para o vindeiro 8 de marzo chega con forza á Terra Chá. Un grupo de mulleres de distintos colectivos veñen de convocar unha concentración que se desenvolverá ao longo de todo o día, desde as 11:30 ata as 20:30 horas, na praza da Constitución de Vilalba, lugar onde se levarán a cabo distintas actividades para dar a coñecer as reivindicacións da folga. A Secretaría de Mulleres do Sindicato Labrego Galego, a Asociación Feminista de Vilalba, as Mulleres Rurais de Insua, Santaballa ou Nete, entre outras, ademais de mulleres do mundo da cultura e da docencia, iniciaron este chamamento para, dun xeito plural, “facer forza contra todas as discriminacións de xénero que motivaron esta convocatoria a nivel internacional”.

  11. 8 de marzo: As labregas apoiamos a Folga Internacional Feminista para transformar a vida das mulleres

    Galegas 8M 5 de Marzo do 2018 · 

     

    No ano 2017, as mulleres galegas sumámonos e convocamos o Paro Internacional que xurdiu das mulleres polacas e latinoamericanas. Neste 2018, mulleres de mais de 57 países do mundo estaremos na rúa mobilizándonos. Por que?:

  12. FOUCE 318: Da manifestación contra a mina de Touro e O Pino á convocatoria da Folga Feminista do 8 de marzo

    Fouce 318 5 de Marzo do 2018 · 

     

    O Fouce 318 xa está na rúa con cumprida información sobre algunha das principais novidades que se viviron no agro galego nos últimos meses: dende a multitudinaria manifestación contra a mina de Touro e O Pino vivida o pasado 25 de febreiro, á convocatoria da Folga Feminista do 8 de marzo. Tamén damos un repaso a actualidade dos diversos sectores agrarios como o do viño, pataca, horta, leite, carne, etc., dedicándolle especial atención ao inxusto decreto que prohibe o esparexemento de xurros ou ás novidades que trae este ano a Política Agraria Común (PAC). Podes descargalo na icona que atoparás no remate desta páxina.

  1. IBI

    O Concello de Muras aproba a redución do IBI ás granxas pero concede só tres días de prazo para solicitala

    27 de Decembro do 2017 · 

    O Sindicato Labrego Galego quere avisar a toda a veciñanza do rural de Muras que o concello vén de abrir o prazo de solicitude para pedir a redución do Imposto de Bens Inmobles (IBI) ás granxas. Isto acontece despois de que, a finais de 2016, o pleno aprobase inicialmente a ordenanza que o permite; e esta fose aprobada definitivamente e publicada no BOP de Lugo onte, 26 de decembro. Dado que a aplicación da redución do IBI comezaría a ser efectiva dende o 1 de xaneiro de 2018, as persoas que queiran solicitar esta bonificación terán que facelo nos tres días hábiles que lle quedan ao ano 2017: 27, 28 e 29 de decembro. Cando leas isto, só quedarán dous días.

  2. Fouce 317

    Fouce 317: Repasamos o que deu de si o último trimestre do ano 2017 para a agricultura e o rural galegos

    22 de Decembro do 2017 · 

    Durante as últimas semanas, estivemos adiantando, paseniño, boa parte dos contidos do noso último voceiro publicado, o Fouce 317. As entrevistas a Eduardo Quintás, mozo gandeiro enfrontado ao proxecto mineiro en Touro e O Pino, ou a Xosé María Vilaverde, labrego a pesares de todo; ou a estensa crónica do II Foro Labrego de Agroecoloxía; xa estiveron circulando polas redes sociais. Agora, podedes descargar o periódico completo na icona que atoparás no remate desta páxina para repasar a actualidade do noso medio rural e da nosa agricultura a través de textos sobre como nos afectan acordos de libre comercio como Mercosur, a nova Lei de Depredación de Galiza, a política catastrófica do Partido Popular contra os lumes ou a intensa campaña da Secretaría das Mulleres do SLG en torno ao 25N.

  3. Foro de Agroecoloxía

    II Foro de Agroecoloxía: Compra pública de alimentos ou o que se podería facer con 3.000 millóns de euros

    21 de Decembro do 2017 · 

    Para rematar os texto sobre o II Foro Labrego de Agroecoloxía, incluímos este sobre o conversatorio que houbo na tarde do domingo, 29 de outubro, ao redor da compra pública de alimentos, que é un dos mellores xeitos, por parte das diversas administracións, de apoiar as producións ecolóxicas: mercándoas para fornecer hospitais, comedores escolares, restaurantes e cafetarías de institucións públicas, exército, centros penitenciarios, etc.

  4. Burocracia Xunta

    A telematización dos procedementos administrativos discrimina a cidadanía do rural en Galiza

    21 de Decembro do 2017 · 

    O 2 de outubro de 2015, o Boletín Oficial do Estado (BOE) publicaba unha Lei de Procedemento Administrativo que obrigaba a telematizar o traballo das administracións e que entraría en vigor un ano despois, en outubro de 2016. É dicir, que dende hai un ano, as entidades asociativas e persoas xurídicas deben relacionarse obrigatoriamente coa Administración por vía telemática, proceso que tamén se está dando cada vez con máis forza coas persoas físicas.

  5. Velutina

    O PP rexeita o plan de choque contra a Velutina e seguirá coas medidas que permitiron a invasión do 70% da Galiza

    21 de Decembro do 2017 · 

    Despois da intensa campaña que fixemos dende a Plataforma STOP Velutina para levar ao Parlamento de Galicia un plan de choque contra a avespa asiática, o Partido Popular acabou impoñendo a súa maioría absoluta, na sesión do 20 de decembro, contra as propostas non de lei presentadas por En Marea, BNG e PSOE neste sentido.

  6. Eucaliptos

    Plan Forestal de Galicia: a Consellaría de Medio Rural comeza a casa polo tellado...

    20 de Decembro do 2017 · 

    O pasado luns, 18 de decembro, celebrouse unha nova xuntanza do Consello Forestal de Galicia na que a conselleira de Medio Rural, Ángeles Vázquez, e o director xeral de Ordenación Forestal, Tomás Fernández Couto, presentaron a revisión do Plan Forestal de Galicia (PFG). Mentres a nosa equipa técnica está a estudar o documento, dende o Sindicato Labrego Galego queremos valorar a propia presentación do mesmo que se fixo por parte da Consellaría de Medio Rural e que, a nunha primeira impresión, semella que a revisión do PFG non vai mudar nada a política forestal da nosa terra.

  7. II Foro Labrego Agroecoloxía

    II Foro de Agroecoloxía: Produción e consumo coinciden en demandar maior apoio institucional na comercialización

    19 de Decembro do 2017 · 

    O primeiro conversatorio que se celebrou no II Foro Labrego de Agroecoloxía versou sobre as relacións entre produción e consumo e contou con representantes dos Foros Ecolóxicos do Barbanza (A Coruña), do mercado 4 Ponlas (Pontevedra), da tenda lucense Bico de Grao e da Rede de Consumo O Careón, de Melide (A Coruña).

  8. Congreso do Leite

    O SLG celebra o seu Congreso do Leite nun contexto no que Galiza perde 10'66 millóns ao mes polos baixos prezos

    16 de Decembro do 2017 · 

    O Sindicato Labrego Galego celebrou, o 15 de decembro, o seu Congreso do Leite en Ordes (A Coruña), onde a gandeira vilalbesa Lupe Prado foi reelixida responsábel do sector. A Dirección do Leite do SLG saínte deste congreso, cuxos membros foron elixidos en asembleas comarcais que se celebraron nas últimas semanas por toda a xeografía galega, terá entre as primeiras tarefas da súa axenda nomear catro representantes provinciais que apoiarán a Lupe Prado no día a día das súas responsabilidades sindicais.

  9. Rexistro velutina

    A Plataforma STOP Velutina leva a loita contra a avespa asiática até o Parlamento de Galicia

    14 de Decembro do 2017 · 

    As voceiras da Plataforma Stop Velutina -Galicia, Laura García e Diego Sánchez rexistraron, o 13 de decembro, unha iniciativa parlamentaria coa que pretenden chamar a atención da Xunta e o fixeron acompañados por representantes dos grupos parlamentarios da oposición.

  10. Pedro Murias

    O Sindicato Labrego da Mariña reclama a recuperación da formación agroecolóxica na Escola Pedro Murias de Ribadeo

    12 de Decembro do 2017 · 

    Vai para un ano que, a iniciativa de profesionais mariñáns de longa traxectoria e convocadas polo Concello de Ribadeo, diversas entidades relacionadas co medio rural xuntámonos para falar da deriva de abandono da Escola Pedro Murias de Ribadeo.

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte