A Soberanía Alimentaria, garantía de futuro

Menú Principal

Menú de Destacados

Montes: 2017

  1. Unha plataforma de organizacións e colectivos pedimos a retirada da proposta de revisión do Plan Forestal de Galicia

    Monte ordenado 5 de Outubro do 2018 · 

    O pasado 3 de outubro, unha comitiva de representantes de varias organizacións e colectivos sociais, na que se atopaba Diego Sánchez Agra en representación do Sindicato Labrego Galego, rexistrou na Xunta un documento no que se solicitaba a anulación da proposta de revisión do Plan Forestal de Galicia e a elaboración dun novo documento de consenso. O novo plan que se redacte debería partir dunha planificación e información actualizada do monte galego e tendo en conta “a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos que prestan os montes galegos e a sustentabilidade económica e social”.

  1. Eucaliptos

    Plan Forestal de Galicia: a Consellaría de Medio Rural comeza a casa polo tellado...

    20 de Decembro do 2017 · 

    O pasado luns, 18 de decembro, celebrouse unha nova xuntanza do Consello Forestal de Galicia na que a conselleira de Medio Rural, Ángeles Vázquez, e o director xeral de Ordenación Forestal, Tomás Fernández Couto, presentaron a revisión do Plan Forestal de Galicia (PFG). Mentres a nosa equipa técnica está a estudar o documento, dende o Sindicato Labrego Galego queremos valorar a propia presentación do mesmo que se fixo por parte da Consellaría de Medio Rural e que, a nunha primeira impresión, semella que a revisión do PFG non vai mudar nada a política forestal da nosa terra.

  2. Incendio forestal

    O SLG acusa a Medio Rural de neglixencias directas que favoreceron a vaga de lumes catastrófica que asola Galiza

    16 de Outubro do 2017 · 

    O Sindicato Labrego Galego quere expresar a súa consternación e dó pola vaga de lumes que está a asolar Galiza e que arrasa milleiros de hectáreas e que xa provocou a morte de tres persoas. Dende o SLG, a nosa solidariedade cos miles de cidadáns e cidadás que, en maior ou menor grao, están a sufrir o impacto desta situación catastrófica. A maiores, a nosa máis enérxica condena da actividade criminal dos incendiarios causantes dos lumes por todo o dano e dor causadas e pola devastación irreparable que están a causar os seus actos.

  3. Incendio forestal

    O SLG denuncia que Medio Rural prescinde do persoal contra incendios cando Galiza segue en risco pola seca

    5 de Outubro do 2017 · 

    Hai un par de semanas, o grupo de organizacións que abandonamos o último Consello Forestal polos atrancos da Consellaría de Medio Rural á participación no Plan de Incendios de Galicia 2017 (Pladiga), denunciabamos que a mediados de setembro aínda non comezaran boa parte dos labores preventivos deste ano, que deberían terse feito no inverno e primavera pasados, antes de comezar a época de máximo risco de incendios (ver bit.ly/SenPrevLumes17).

  4. Cortalumes

    A Consellaría de Medio Rural non realizou aínda os traballos de prevención de lumes orzados para 2017

    15 de Septembro do 2017 · 

    Trala intervención triunfalista sobre a campaña de incendios de 2017 que fixo a conselleira de Medio Rural esta semana no Parlamento, queremos denunciar que Galiza segue sen contar cunha política de prevención de incendios que teña como fin principal a xestión sustentable dos ecosistemas forestais e que trate de evitar os incendios para non ter que apagalos. A Xunta de Galicia aposta todo a unha carta "extinción-extinción...". E a mellor proba disto é que, estando a mediados do mes de setembro, agora que veñen os primeiros orballos e choivas que anticipan o outono, a Xunta comezará cos traballos de prevención previstos e orzados para o ano 2017 que, a día de hoxe, están aínda sen realizar. Nin que dicir ten que a conselleira, cando afirmou esta semana que “por parte da Administración galega, as actuacións concéntranse na prevención e valorización forestal”, mentiu.

  5. Mesa dos Lumes

    Ábrese o proceso para constituír a Mesa de Traballo dos Lumes Forestais en Galiza que a Xunta se nega a crear

    7 de Xullo do 2017 · 

    Diego Sánchez Agra (Sindicato Labrego Galego), Xosé Santos (Amigos da Terra) e Xabier Gómez Santiso (Asociación Frouma) ofreceron, o 6 de xullo, unha rolda de prensa na Galería Sargadelos de Compostela para abrir o proceso de constitución dunha Mesa de Traballo dos Lumes Forestais na que participen todos os axentes do sector na Galiza.

  6. Consello forestal

    Cinco organizacións abandonan o Consello Forestal pola imposibilidade de participar no plan de loita contra os lumes

    26 de Xuño do 2017 · 

    Amigos da Terra, Asociación Frouma, Federación Ecoloxista Galega (FEG), Organización Galega de Comunidades de Montes (ORGACCMM) e Sindicato Labrego Galego (SLG) abandonamos o Consello Forestal Galego, deste 26 de xuño, para denunciar as prácticas de entorpecemento á participación dos colectivos neste órgano no que se debaten as políticas forestais da Xunta e que hoxe debía someter a debate un documento tan importante como o Pladiga 2017 (Plan de Defensa contra os Incendios de Galicia).

  7. Manifestación Compostela

    "De como o eucalipto se nos foi das mans", por Diego Sánchez Agra, enxeñeiro forestal do SLG

    31 de Maio do 2017 · 

    Na sección Eira do Fouce 315, o enxeñeiro forestal do SLG, Diego Sánchez Agra, publica un artigo sobre a situación actual do cultivo do eucalipto que, hoxe en día, ocupa ao redor de 400.000 hectáreas e bosquexa novas ameazas no horizonte coma o seu cultivo intensivo para producir enerxía.

  8. Montes

    Medio Rural pode deixar decenas de montes sen axudas para silvicultura por unha corrección de erros de última hora

    24 de Febreiro do 2017 · 

    Nos últimos anos padecemos unha preocupante ineficacia por parte da administración forestal á hora de publicar documentos oficiais, con continuas modificacións tanto da lexislación sectorial como das convocatorias de axudas, e por erros que eles mesmos cometen. A última metedura de pata pode deixar sen axudas para prever danos por incendios e desastres naturais a boa parte das comunidades de montes galegas.

  9. Sonia Couso

    Sonia Couso (Amarelante): “O noso proxecto foi concibido para que o valor engadido da castaña quede en Manzaneda”

    26 de Xaneiro do 2017 · 

    A Cooperativa Amarelante, dedicada á xestión integral de soutos en Manzaneda e Trives, foi unha das protagonistas do I Foro Labrego de Agroecoloxía. O seu exemplo, ao recuperar fincas de castiñeiros abandonadas para crear riqueza no rural é importante porque sería extensible a amplas zonas despoboadas das provincias de Lugo e Ourense onde o souto sempre foi unha parte importante da economía tradicional. Para afondar nesta experiencia, conversamos coa secretaria da cooperativa, Sonia Couso, cuxa formación en ciencias económicas e experiencia como xestora de fondos europeos é útil a un proxecto no que cadaquén achega o seu grao de area e no que seguen a ser indispensables os saberes labregos.