Política Europea
-
Campaña de mobilizacións e emendas da ECVC para dar unha viraxe labrega á Política Agraria Común
29 de Novembro do 2018 ·
A menos dunha semana da presentación das emendas aos informes do Parlamento Europeo sobre a Política Agraria Común (PAC) post 2020, a Coordinadora Europea da Vía Campesina (ECVC) está a desenvolver unha campaña en toda Europa para insistir na necesidade de definir un modelo agrícola que sexa sostible e constitúa un verdadeiro apoio para as zonas rurais.
-
A ECVC denuncia que a reforma da PAC que prepara a CE non toca a raíz dos problemas da agricultura comunitaria
30 de Novembro do 2017 ·Aínda que case ninguén fala dela, a Política Agraria Común custaralle os europeos e europeas, entre 2014 e 2020, máis de 408.000 millóns de euros. A pesares do astronómico da cifra, o medio rural e a agricultura comunitaria viven permanentemente en crise mentres as industrias e distribuidoras do sector seguen a engordar as súas millonarias contas de ingresos. Onte mesmo, a Comisión Europea fixo público un documento (podes descargalo na icona que atoparás no remate desta páxina) no que adianta as liñas xerais do que deberá ser a PAC máis alá de 2020. Por desgraza, máis do mesmo, tal e como denuncia a Coordinadora Europea da Vía Campesina (ECVC), da que forma parte o SLG.
-
Tralo 25 de marzo, a seguir traballando por unha nova PAC baseada na agroecoloxía e na soberanía alimentaria
27 de Marzo do 2017 ·A secretaria xeral do Sindicato Labrego Galego, Isabel Vilalba Seivane, e o asesor da Executiva do SLG, Xosé Ramón Cendán, regresaron de Roma tras participar nos actos reivindicativos da Coordinadora Europea da Vía Campesina (ECVC) con motivo do 60 aniversario do Tratado de Roma en base ao cal se fundou o xermolo do que naceu a actual Unión Europea.
-
O SLG en Roma para reclamar unha agricultura europea que protexa a terra, a saúde, o traballo e a dignidade labrega
22 de Marzo do 2017 ·A secretaria xeral do Sindicato Labrego Galego, Isabel Vilalba Seivane, e o asesor da Executiva do SLG, Xosé Ramón Cendán, atópanse en Roma para participar nos actos reivindicativos que organiza a Coordinadora Europea da Vía Campesina con motivo do 60 aniversario do Tratado de Roma. De seguido, para enmarcar esta viaxe de traballo e loita, transcribimos o comunicado emitido hai unhas semanas pola ECVC anunciando as accións previstas para o 25 de marzo.
-
Medio Rural certifica o seu desmantelamento coa perda de 56 millóns de fondos europeos para agricultura
8 de Xullo do 2016 ·Tras coñecer as cifras definitivas da execución do Plan de Desenvolvemento Rural (PDR) 2007-2013, Galiza confirma o seu suspenso ao perder case 56 millóns de euros de fondos europeos que deixou sen gastar. E iso a pesares de ter tido un prazo adicional de dous anos máis para poder executalos. A cifra elévase a 74 millóns de euros se temos en conta que, a estes cartos de Bruxelas quedaba por engadirlle a parte que lles corresponde poñer á Xunta e ao Ministerio de Agricultura.
-
O SLG considera inxustificable a ampliación do prazo para cobrar a PAC e pide a dimisión do comisario Phil Hogan
11 de Xuño do 2016 ·O Sindicato Labrego Galego considera inaceptable a decisión da Comisión Europea de ampliar o prazo para pagar as axudas da Política Agraria Común (PAC) dende o 30 de xuño de cada ano ao 15 de outubro. Con esta decisión, as axudas da PAC poderían cobrarse un ano e medio despois de ter sido solicitadas.
-
PAC 2020: Máis liberalización non resolverá os problemas da desregulación e a cegueira da clase política
2 de Xuño do 2016 ·Trala xuntanza informal dos ministros e ministras de Agricultura e Pesca da Unión Europea, o 30 e 31 de maio en Holanda, a Coordinadora Europea da Vía Campesina examinou as súas deliberacións e o documento “Alimentos para o futuro-Ofuturo dos alimentos” (podes descargalo en inglés premendo na icona que hai no remate desta páxina), proposta pola presidencia holandesa da UE para iniciar as discusións sobre o futuro da Política Agraria Común despois de 2020.
-
Medio Rural incumpre a promesa de adiantar as axudas da PAC e atrasará o pago ás sociedades civís até a primavera
3 de Decembro do 2015 ·O Sindicato Labrego Galego denuncia as mentiras da Consellaría de Medio Rural cando afirma que se adiantou o pagamento das axudas da Política Agraria Común (PAC) como resposta ás protestas gandeiras do sector lácteo acontecidas este verán de cara a dar liquidez ás granxas pois, de telo feito, fíxoo de maneira parcial e incompleta.
-
O SLG alerta da posible perda de axudas da PAC debido a un sistema electrónico de tramitación desastroso
8 de Maio do 2015 ·O Sindicato Labrego Galego denuncia o colapso total na tramitación das axudas da Política Agraria Común (PAC) en Galiza debido ás graves deficiencias do sistema informático que o Ministerio de Agricultura ten para esta finalidade: o SGAPAC.
-
O SLG urxe á conselleira de Medio Rural a convocar unha xuntanza para pór en marcha o PDR 2014-2020 neste 2015
24 de Decembro do 2014 ·Diante do rexeitamento do Plan de Desenvolvemento Rural (PDR) 2014-2020 por parte da Comisión Europea, o Sindicato Labrego Galego vén de solicitar formalmente unha xuntanza coa conselleira de Medio Rural, Rosa Quintana, para tratarmos de poñer canto antes en marcha esta importante vía de financiamento para moitos dos nosos sectores agrogandeiros e forestais.
-
Isabel Vilalba denuncia que a Comisión Europea e os gobernos comunitarios seguen sen crear mecanismos para garantir prezos dignos no leite
20 de Novembro do 2014 ·A secretaria xeral do Sindicato Labrego Galego, Isabel Vilalba Seivane, participou, o 19 de novembro, no Grupo de Diálogo Civil para o Sector Lácteo (Civil Dialogue Group on Milk), que se celebrou en Bruxelas convocado pola Comisión Europea. Isabel Vilalba formou parte deste grupo consultivo como unha das representantes da Coordinadora Europea da Vía Campesina.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
