Polítia Europea
-
As propostas aprobadas polo Parlamento Europeo para a nova PAC afondarán na crise do sector lácteo galego
15 de Marzo do 2013 ·As propostas lexislativas para a reforma da Política Agraria Común (PAC) que onte, 14 de marzo, aprobou por maioría o Parlamento Europeo, supoñen un balde de auga fría para as aspiracións de boa parte da cidadanía e dos labregos e labregas da Unión Europea que desexaban unha agricultura que mantivese un medio rural vivo, con emprego e producindo de xeito sostible alimentos sans e de calidade para as persoas.
-
O SLG contra a retallada de 25.000 millóns na PAC e a favor de regular os mercados e as axudas agrícolas comunitarias
19 de Novembro do 2012 ·O Sindicato Labrego Galego quere amosar o seu rexeitamento á proposta de redución dos orzamentos para a Política Agraria Común (PAC) que vén de propor o presidente do Consello Europeo, Herman Van Rompuy, e que supón unha retallada de 25.000 millóns de euros entre 2014 e 2020.
-
O SLG inicia unha campaña coa ECVC en Bruxelas para pedir unha nova PAC labrega e para a cidadanía
18 de Septembro do 2012 ·O Sindicato Labrego Galego, como membro da Coordinadora Europea da Vía Campesina (ECVC), apoiará a “Marcha por unha boa alimentación e unha boa agricultura” que, saída dende diversos puntos de Europa, confluirá mañá, 19 de setembro, diante do Parlamento Europeo. Alí, organizacións sociais de toda a UE e a sociedade civil reclamarán por cuestións básicas como alimentos con prezos xustos para labregos e labregas e para a cidadanía, verdadeiro respecto polo medio ambiente, e soberanía alimentar de cara a termos unha boa alimentación e unha boa agricultura na Unión Europea para todos e todas.
-
Isabel Vilalba avogou ante Dacian Ciolos por que a nova PAC defenda as pequenas e medianas explotacións
17 de Septembro do 2012 ·A secretaria xeral do Sindicato Labrego Galego, Isabel Vilalba, mantivo onte, 16 de setembro, un encontro co Comisario Europeo de Agricultura, Dacian Ciolos, onde trataron diversas cuestións relacionadas coa Política Agraria Común (PAC). A xuntanza tivo como marco a celebración do quincuaxésimo aniversario da PAC, en Bruxelas, e Vilalba estivo xunto a outras persoas que, coma ela, forman parte da Executiva da Coordinadora Europea da Vía Campesina (ECVC).
-
O SLG posiciónase contra unha reforma da PAC que non garante as rendas dos labregos e labregas da Unión Europea
14 de Outubro do 2011 ·A secretaria xeral do Sindicato Labrego Galego, Carme Freire, e Isabel Vilalba en representación da Coordinadora Europea da Vía Campesina (ECVC) ofreceron hoxe, 13 de outubro, unha rolda de prensa para amosar a frontal oposición destas organizacións á proposta de reforma da Política Agraria Común (PAC) que se presentou onte en Bruxelas.
-
Isabel Vilalba, do SLG, resultou elixida membro do Comité Coordinador da Coordinadora Europea da Vía Campesina
16 de Febreiro do 2011 ·A asemblea da Coordinadora Europea da Vía Campesina estivo reunida esta semana, en Bruxelas, para elixir un novo Comité de Coordinación. A responsábel de Soberanía Alimentaria e de Mulleres do Sindicato Labrego Galego, Isabel Vilalba Seivane, foi unha das persoas escollidas para formar parte deste órgano directivo, elección que coincide coa marcha de Lidia Senra Rodríguez do mesmo. Senra foi responsable, durante os dous últimos anos, das áreas de Mulleres e Producións Gandeiras na ECVC.
-
Isabel Vilalba reuniuse co Comisario de Agricultura para pedirlle que a Política Agraria Común garanta prezos remuneradores para os produtos agrarios
28 de Xaneiro do 2011 ·A secretaria de soberanía alimentaria do Sindicato Labrego Galego, Isabel Vilalba, reuniuse, o 27 de xaneiro en Bruxelas, co Comisario de Agricultura, Dacian Ciolos. Vilalba acudiu ao encontro no seo dunha delegación da Coordinadora Europea da Vía Campesina (ECVC).
-
Lidia Senra defendeu en Bruxelas unha reforma profunda da PAC e da política leiteira
14 de Xaneiro do 2011 ·O pasado 11 de xaneiro, a secretaria de organización do Sindicato Labrego Galego, Lidia Senra, estivo reunida en Bruxelas cos grupos consultivos que van debater as novas propostas de política leiteira e de Política Agraria Común (PAC) da Comisión Europea. Entre outros, participou nos debates o director xeral de Agricultura da Comisión Europea, José Manuel Silva.
-
As explotacións leiteiras d'A Mariña lucense perderán máis de medio millón de euros pola marxinación da Xunta e do Goberno Central
13 de Xaneiro do 2011 ·A Consellería do Medio Rural da Xunta de Galiza publicou onte 11 de xaneiro a Orde que regula a aplicación das comunmente chamadas axudas da PAC. Nos artigos 74 a 77 desta Orde regúlase unha axuda dirixida ás explotacións lácteas, denominada "Axudas para compensar as desavantaxes específicas que afectan aos agricultores e ás agricultoras en zonas economicamente vulnerables ou sensibles desde o punto de vista ambiental e para tipos de produción economicamente vulnerables".
-
O Sindicato Labrego denuncia as novas autorizacións de transxénicos que argalla a Comisión Europea
25 de Novembro do 2010 ·O Sindicato Labrego Galego ten que denunciar, unha vez máis, a complicidade que se está a dar entre a Comisión Europea e as industrias da manipulación xenética de cara a autorizar organismos xeneticamente modificados (OXM). En concreto, a Comisión vén de proporlle ao Consello de Ministros da UE renovar a autorización do millo transxénico 1507 de Pionner, para alimentación animal; e o permiso para comercializar o millo MON 89034 X MON 88017, de Monsanto, para alimentación humana e animal. Esta conivencia esténdese á Axencia Europea de Seguridade Alimentaria, que avala as autorizacións.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
