A Soberanía Alimentaria, garantía de futuro

Menú Principal

Menú de Destacados

Agricultura: 2011

  1. Urximos á CMR a actuar fronte á praga de vermes que leva meses afectando pradeiras e cultivos

    PragaVermes 23 de Outubro do 2023 · 

    Cómpre un seguimento por parte das Oficinas Agrarias Comarcais, información e axudas económicas para as granxas. Condenamos a inacción da CMR, ausente unha vez máis ante unha nova praga que está a ameazar as producións de alimentos

  2. Destacamos a importancia de solicitar a axuda para venda directa habilitada dentro da PAC grazas ao SLG

    vendadirecta 5 de Xuño do 2023 · 

    A instancias do SLG, a CMR admitiu a agroambiental de economía circular, malia que con menor importe do que solicitabamos. Detectamos que a información non está chegando ás labregas/os. Cómpre incrementar as solicitudes para mellorar esta axuda

  3. Sen solucións para a perda de axudas de ecolóxico no ano 2022

    Reunión Isabel Vilalba, Santiago Cid con Balseiros 14 de Decembro do 2022 · 

     O Sindicato Labrego esixe ao Director Xeral de Agricultura subsanar a exclusión de 250 granxas das axudas do CRAEGA. A SAU galega inscrita actualmente no CRAEGA é só do 5,15%, moi lonxe do obxectivo do 25% estipulado pola UE para o 2030. Demandamos a activación dunha liña específica de traballo co sector da horta, esencial para fornecer alimentos de proximidade.

  4. Requirimos xuntanza urxente coa CMR ante a mensaxe de socorro do sector vexetal

    Imaxe Seca 15 de Septembro do 2022 · 

    Un mes despois de solicitar xuntanza co conselleiro José González Vázquez, o SLG non recibiu ningunha resposta. A alza de custos e seca dificultaron a produción de flor e plantacións de verán, comprometendo tamén os froitos do outono-inverno. 

  5. Solicitamos xuntanza ca CMR para instar a activar medidas para paliar a seca e a suba de custos nos sectores vexetais

    pemento_seca120822 12 de Agosto do 2022 · 

    Denunciamos a neglixencia da Xunta de Galicia ao non planificar prioridades no uso da auga para producir alimentos. Alza de custos e seca dificultan a produción de flor e plantacións de verán, comprometendo tamén os froitos do outono-inverno

  6. Alerta polo acaparamento de viñedos de DO´s e IXP´s por grandes empresas de fóra da Galiza

    congresovinho110822 11 de Agosto do 2022 · 

    O Sindicato Labrego celebrou hoxe o Congreso do Sector do Viño en Ribadavia, onde se deron cita produtoras/es de toda Galiza. A moda do enoturismo e a conivencia da Xunta cos intereses de grandes empresas do sector encareceu o prezo das terras

  7. EXPLOTA-SCORE: A denuncia dos abusos de SUREXPORT chega aos supermercados

    SurexportCarriño 20 de Septembro do 2021 · 

    No marco da campaña de denuncia da metodoloxía neoescravista practicada pola multinacional onubense SUREXPORT instalada na Terra Chá, levamos agora ás superficies comerciais a campaña de denuncia a pé de rúa iniciada o pasado 18 de agosto.

  8. Esiximos o inmediato esclarecemento das circunstancias do falecemento dun traballador de SUREXPORT na Terra Chá

    surexportarquivo2 24 de Agosto do 2021 · 

    O pasado venres 20 de agosto faleceu na Terra Chá un traballador de Surexport de 27 anos. Xa pasaron varios días deste gravísimo suceso, e nin dende a empresa nin dende a Consellaría de Emprego e Igualdade, Inspección ou Ministerio de Traballo se está a proporcionar información que esclareza o acontecido.

     


  9. Denunciamos a explotación laboral e o espolio de recursos naturais da agroindustria SUREXPORT na Terra Chá

    surexpor180821 18 de Agosto do 2021 · 

    Organizacións galegas articulamos unha fronte común aberta para denunciar a explotación laboral e a destrucción medioambiental da empresa onubense EUROEXPORT na Terra Chá. Iniciamos mobilizacións repartindo información na feira de Castro Ribeiras de Lea e concentrándonos diante da sede desta agroindustria no Polígono de Castro.

  10. Contra a explotación e o espolio agroindustrial. SUREXPORT FÓRA DA GALIZA!

    surexport1 17 de Agosto do 2021 · 

    Dende mediados do pasado mes de xullo diversas organizacións galegas vimos articulando unha fronte común para denunciar as graves prácticas que a empresa SUREXPORT está a levar a cabo na Terra Chá. O mércores 18 de agosto iniciamos campaña de mobilizacións a pé de rúa para denunciar os abusos desta agroindustria.

  11. O desleixo dos Ministerios de Interior e Transición Ecolóxica deriva en multas contra as agricultoras/es da Limia

    Comarca da Limia 31 de Xullo do 2021 · 

    Agricultoras e agricultores da comarca da Limia están a ser obxecto de multas por parte do Seprona por regaren os seus cultivos con auga do pozo. Instamos aos Ministerios de Interior e de Transición Ecolóxica a establecer os acordos precisos para cumprir co compromiso de abastecemento de rego, contraído pola Administración hai xa máis de tres décadas.

  12. O SLG esixe á Xunta investigar e actuar diante dos indicios de abusos nos campos da Surexport

    Surexport 17 de Xullo do 2021 · 

    O relato recolle un ambiente en que "as ameazas de calquera tipo eran constantes" e dirixidas, especialmente, ás persoas migrantes. "Fomentan unha competitividade extrema" coa ameaza do despedimento "se non recolles cantidades desorbitadas de arando en xornadas de 12 horas". Partindo dun contrato de 39 horas, a empresa presiona para facer horas extras que poden chegar a igualar as horas ordinarias dunha xornada e que, porén, son pagadas "a seis euros, cando o estipulado é a doce euros".

  13. O SLG reclama inventario urxente dos danos causados pola sarabia na Ribeira Sacra e axudas para paliar as perdas

    Sarabiada 17 de Xuño do 2021 · 

    O Sindicato Labrego Galego reclama da Consellaría de Medio Rural que, con carácter de urxencia, realice unha avaliación dos danos sufridos pola sarabiada de onte, 16 de xuño, no concello de Chantada, que arrasaron unha das principais zonas produtoras de uva da denominación de orixe Ribeira Sacra, especialmente a parroquia de San Fiz e outras veciñas como Sabadelle, Belesar, San Vitorio ou Pesqueiras, nas subzonas de Chantada e Ribeiras de Miño; e que poña en marcha unha liña de axudas para paliar os danos e as perdas sufridas.

  1. DO Monterrei

    O Sindicato Labrego Galego denuncia que boa parte da colleita de uva da DO Monterrei estase a vender sen prezo

    26 de Septembro do 2011 · 

    O Sindicato Labrego Galego vén de constatar que boa parte das adegas que operan na denominación de orixe Monterrei están recolléndolle as uvas aos viticultores e viticultoras sen pactar previamente un prezo. É dicir: as adegas están levando a uva sen dicir a canto a van pagar por ela. Até o de agora, as adegas desta DO caracterizáronse por pagar os prezos máis baixos pola uva das cinco denominacións de orixe galegas. O feito de recoller agora a uva sen pactar previamente un prezo supón unha volta de rosca máis que afonda nas prácticas abusivas a que xa nos teñen afeitos as adegas de Monterrei.

  2. Ribeira Sacra

    O Sindicato Labrego reclama que se deteña o proceso de regularización de viñas na Ribeira Sacra

    20 de Septembro do 2011 · 

    O Sindicato Labrego Galego, diante das novas que están aparecendo sobre os problemas de sobreprodución na denominación de orixe Ribeira Sacra, quere deixar claro que non está a favor dun incremento lineal dos rendementos máximos por hectárea. O SLG Non cre que sexa un problema xeneralizado e, en todo caso, o consello regulador debería facer un control en campo previo á vendima co fin de velar pola calidade e determinar cales son as parcelas que poden ter un exceso, cal é o motivo deste exceso e facer recomendacións previas. Na Ribeira Sacra temos que apostar por unha viticultura de calidade, posto que non é posible competir con ningunha zona en cantidade.

  3. Non hai imaxe

    A crise dentro da crise

    30 de Agosto do 2011 · 

    Os labregos e labregas de horta da comarca de Compostela estamos baixo mínimos, os prezos están tan baixos, que moitas persoas nos plantexamos si seguir plantando e producindo alimentos ou si gañariamos máis parados/as en espera de tempos mellores.

  4. Uvas

    O Sindicato Labrego Galego non permitirá a baixada dos prezos en Rías Baixas nin que se deixe de recoller uva de calidade

    24 de Agosto do 2011 · 

    Nos últimos días, algunhas adegas da denominación de orixe Rías Baixas comunicáronse  cos viticultores e viticultoras que lles subministran para avisarlles de que non lles recollerán toda a uva.   Para o Sindicato Labrego Galego, estas comunicacións atentan contra o dereito a unhas relacións comerciais xustas e contra o dereito dos viticultores e viticultoras a vivir do seu traballo; e evidencian a intención de algunhas adegas de abaratar o prezo das uvas que mercan para maximizar os seus beneficios, sempre a costa do sector produtor.

  5. Albarinho

    O Sindicato Labrego esixe a retirada de sancións en Rías Baixas e advirte de irregularidades no control desta D.O.

    12 de Agosto do 2011 · 

    Despois do anuncio da Consellaría de Medio Rural de impoñer novas sancións na denominación de orixe Rías Baixas polos excesos de rendementos, referentes á pasada colleita 2010, no Sindicato Labrego Galego manifestámonos contrarios á aplicación destas sancións. Así llo fixemos saber, en relación ás sancións da campaña 2009, tanto ao órgano de control da denominación de orixe, como ao presidente do consello regulador e á propia Consellaría de Medio Rural.

  6. Carme Freire - 26 de Xullo de 2011

    O Sindicato Labrego Galego denuncia a estratexia para converter o agro galego en pasto das industrias e do lume

    26 de Xullo do 2011 · 

    O SLG denunciou, o pasado 26 de xullo, a estratexia que está desenvolvendo o goberno galego actual para darlle cobertura legal á conversión da terra agraria en terra da que tiren rendementos as grandes industrias forestais e as multinacionais da enerxía.

  7. Participantes no encontro de Gaillac

    A Coordinadora Europea da Vía Campesina contra a supresión dos dereitos de plantación de viñedo na UE

    11 de Xuño do 2011 · 

    O responsable do sector do Viño do SLG, Manuel Docampo, e Bernardo Esté-vez, viaxaron até Gaillac (Francia) para participar nun encontro vitícola europeo organizado pola Coordinadora Europea da Vía Campesina e celebrado o 8 e o 9 de xuño. O resultado final do encontro foi un documento no que todas as organizacións da Coordina-dora se opoñen á supresión dos dereitos de plantación de viñedo na Unión Europea, prevista para o 2015. De seguido, transcribimos íntegro o texto.

  8. Consello Agrario Galego

    O decreto sobre a documentación no transporte de produtos vitivinícolas non garante a trazabilidade

    19 de Abril do 2011 · 

    O Consello Agrario Galego debateu, 19 de abril, a proposta de decreto polo que se ditan normas de aplicación sobre os documentos que acompañan o transporte de produtos vitivinícolas, os rexistros e as declaracións de determinadas prácticas no sector. Neste Consello Agrario, a secretaria xeral do Sindicato Labrego Galego, Carme Freire, propuxo e fixo que constaran como voto particular as seguintes consideracións:

  9. Dirección de Horta

    A nova Dirección de Horta, Froita e Flor do SLG mantén o compromiso de defender o futuro do sector a través de prezos xustos e estables

    3 de Abril do 2011 · 

    O Sindicato Labrego Galego celebrou, o 3 de abril, o seu Congreso de Horta, Froita e Flor no convento franciscano de Herbón (Padrón) no que, amais de renovar responsábel e directiva para o sector, reafirmouse, tamén, na defensa das explotacións labregas e familiares que seguen a traballar neste sector.


  10. Congreso da Pataca

    O Congreso da Pataca do SLG reclama estabilidade e prezos dignos para o sector

    17 de Marzo do 2011 · 

    O Sindicato Labrego Galego celebrou, o 17 de marzo, o seu Congreso da Pataca en Xinzo de Limia no que, amais de renovar responsábel e directiva para o sector, reafirmouse, tamén, na defensa das explotacións labregas e familiares que seguen a traballar neste sector. A nova Dirección Nacional da Pataca do SLG, que se elixiu de maneira asemblearia, estará coordinada de novo por Manola Cerredelo, produtora de pataca de Sandiás que xa ocupou esta reponsabilidade durante os últimos catro anos; e por Juan José Penín, produtor de pataca de Lamas (Xinzo de Limia), como vicerresponsábel.


  1. 1
  2. 2
  3. Seguinte