A Soberanía Alimentaria, garantía de futuro

Menú Principal

Menú de Destacados

Agricultura: 2017

  1. O SLG demanda de Medio Rural xuntanzas informativas en todas as comarcas afectadas pola couza guatemalteca

    Instancia couza guatemalteca 1 de Febreiro do 2019 · 

    O vicerresponsábel do Sector de Horta, Froita e Flor do Sindicato Labrego Galego, Henrique Outes, rexistrou un escrito dirixido ao conselleiro de Medio Rural no que se denuncia o escurantismo da Consellaría á hora de tratar a crise da couza guatemalteca. As familias que cultivan pataca nas zonas afectadas só están accedendo á información sobre a xestión desta praga a través dos medios de comunicación que, en ocasións, publican datos contraditorios que non fan máis que xerar unha maior confusión, realizando un labor informativo necesario pero que debería corresponder, en primeiro termo, á propia Xunta de Galicia.

  2. Cecilia Fernández: "Contra os estereotipos no mundo do viño, na miña empresa traballamos tres mulleres"

    Cecilia Fernández 1 de Febreiro do 2019 · 

    Cecilia Fernández Rodríguez é valdeorresa de raíz. Se cadra por iso, aínda que se formou como bióloga, acabou entre viñedos. Foi traballando como inspectora do Consello Regulador de Valdeorras cando lle espertou a vocación, hai máis de quince anos. Dende aquela, tivo tempo de licenciarse como enóloga e de traballar para adegas da Rioxa, O Bierzo ou Valdeorras. Iso foi até 2016, cando naceu Icía e decidiu dedicarlle o seu tempo. Ese alto no camiño serviría para mudar de rumbo e abrir unha consultoría enolóxica, profesión que compaxina co traballo nos viñedos familiares xunto ao seu pai e a elaboración de viño para autoconsumo.

  1. Marcha STOP Velutina

    En marcha contra a avespa velutina: Concentración en Compostela reclama un plan de choque urxente

    19 de Outubro do 2017 · 

    A Marcha Stop Velutina, convocada pola Asociación Galega de Apicultura, partiu hoxe de Santiago de Compostela cunha concentración diante da Xunta de Galicia na que reivindicou á necesidade dun plan de choque urxente para frear o avance da Vespa velutina, que está poñendo en perigo o medio ambiente e a supervivencia das abellas. A Marcha estará por Asturias hoxe e mañán onde continuarán os actos en Luarca e Xixón, pasará o día 21 por Torrelavega na Feira Apícola de Cantabria e para rematar chegará a Euskadi, o domingo 22 en Vitoria e o 23 en Bilbao.

  2. Sementes

    O SLG e a Rede Galega de Sementes opóñense ao imposto da industria á agricultura pola reutilización de grans

    10 de Agosto do 2017 · 

    O Sindicato Labrego Galego rexeita o convenio marco sobre reemprego de grans para sementeira, asinado recentemente polo Ministerio de Agricultura, a Asociación de Obtentores Vexetais (ANOVE, lobby da industria das sementes) e organizacións agrarias como UPA e Asaja.

  3. Sarabia

    O SLG esixe de Medio Rural apoio ás explotacións arrasadas pola sarabia en Xunqueira de Ambia e Vilar de Barrio

    8 de Xullo do 2017 · 

    De novo, o 6 de xullo, unhas fortes treboadas de sarabia arrasaron co traballo de toda unha campaña para moitas explotacións agrarias e familias labregas de Xunqueira de Ambía e Vilar de Barrio (Ourense). O 7 de xullo, un pleno extraordinario no Concello de Xunqueira solicitaba, por unanimidade, a declaración de zona de emerxencia para o municipio. E non é para menos, xa que a agricultura e a gandería constitúen o principal motor económico desta zona eminentemente rural, con grandes extensións de cultivos como trigo, cebada e pataca.

  4. Couza guatemalteca

    A Consellaría de Medio Rural exclúe as organizacións agrarias da comisión de seguimento da couza guatemalteca

    29 de Xuño do 2017 · 

    O obstrucionismo da Consellaría de Medio Rural ás organizacións agrarias está acadando límites intolerables para calquera sociedade democrática. Se o luns cinco colectivos abandonabamos o Consello Forestal polas prácticas entorpecedoras coas que a Xunta minimiza a participación dos axentes do sector neste órgano consultivo; mañá, 30 de xuño, constituirase a comisión de seguimento da couza guatemalteca (Tecia solanivora) excluíndo dela aos sindicatos do agro.

  5. Premios Ribeiro

    O SLG non asistirá aos premios do Ribeiro en solidariedade cos viticultores e as viticultoras afectadas polas xeadas

    16 de Xuño do 2017 · 

    O Sindicato Labrego Galego vén de enviar unha comunicación oficial ao Consello Regulador da Denominación de Orixe Ribeiro rexeitando asistir á sexta edición da cerimonia de entrega dos Premios do Ribeiro. O motivo de negarnos a participar neste evento, que se celebrará no mosteiro de San Clodio (Leiro) o 20 de xuño, é solidarizarnos cos viticultores e as viticultoras afectadas polos danos das xeadas e que están sufrindo un auténtico desamparo por parte das institucións, nomeadamente da Consellaría de Medio Rural.

  6. xeada nas vides

    O SLG reclama que Medio Rural asuma xa as súas competencias e responsabilidades na crise das xeadas

    8 de Xuño do 2017 · 

    Cando xa pasou un mes dende a sarabiada que arrasou boa parte dos viñedos de Valdeorras, e algo máis dende as fatídicas xeadas de finais de abril que estragaron vides por toda a xeografía galega, a Consellaría de Medio Rural segue sen facer públicos os datos sobre os danos sufridos, tanto no sector vitícola coma noutros como o da mel e o da castaña; e sen crear axudas que realmente axuden ao sector a recuperarse.

  7. couza guatemalteca

    "Cos sistemas de sanidade vexetal actuais, a couza guatemalteca vén para quedar", por Anxo Pérez Rúa

    1 de Xuño do 2017 · 

    No Fouce 315, o técnico do Sindicato Labrego Galego na comarca da Limia, Anxo Pérez Rúa, reflexiona sobre a expansión dunha nova praga, a couza guatemalteca, que mantén en xaque un dos principais cultivos e alimentos da Galiza: a pataca. 

  8. Manifestación Ourense

    Miles de persoas reclaman solucións en Ourense aos danos das xeadas en producións como a vitícola, apícola e castaña

    23 de Maio do 2017 · 

    Miles de persoas marcharon, este 23 de maio, polas rúas de Ourense para reclamar da Consellaría de Medio Rural que exerza as súas funcións e solucione a crise derivada dos estragos causados polas xeadas de abril e as choivas torrenciais e sarabiadas de maio que afectaron a sectores produtivos coma o vitícola, o da castaña ou o apícola.

  9. Manifestación O Ribeiro

    1.000 persoas secundan a manifestación do Ribeiro e convocan novas protestas o 23 de maio en Ourense

    13 de Maio do 2017 · 

    Un milleiro de persoas secundaron a multitudinaria manifestación en defensa do Ribeiro, apoiadas polos concellos locais e polo comercio da vila de Ribadavia, que pechou as súas portas en sinal de solidariedade mentres durou a marcha de protesta.

  10. Viñedo sarabia

    A sarabia arrasa a produción vitícola en Vilamartín e O Barco de Valdeorras e o SLG pide declaración de zona catastrófica

    12 de Maio do 2017 · 

    O que non destruíron as xeadas de abril en Valdeorras -que afectaron ao 70% das vides- ficou arrasado trala sarabia e as choivas torrenciais do serán do martes, 9 de maio. Así aconteceu nos viñedos onde se concentrou a sarabiada, principalmente nos municipios de Vilamartín e O Barco.

  1. 1
  2. 2
  3. Seguinte