A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Gandería

Gandería

  1. Congreso Vacún de  Carne

    O SLG crea un grupo de traballo para enfrontar as principais problemáticas do sector da carne de vacún

    13 de Febreiro do 2017 · 

    O Sindicato Labrego Galego celebrou, o 11 de febreiro en Guitiriz, o seu Congreso de Vacún de Carne, un evento no que ademais de elixir unha dirección sectorial, nomeou un gandeiro e unha gandeira como responsábel e vicerresponsábel de sector: Lois Varela Carreira, d'A Conguada (Carteire, Palas de Rei) e Inés Casabella Requeijo, de Fanoi (Abadín). Ambos darán relevo ao seu predecesor e predecesora: Xosé Luís López Galán (Pedrafita do Cebreiro) e Mercedes Alonso (Cotobade). Ademais dunha dirección sectorial, no Congreso do SLG tamén se elixiu un grupo de traballo que se encargará da axenda deste sector no día a día Sindicato Labrego Galego.

  2. Congreso Carne SLG

    O Sindicato Labrego Galego celebra mañá en Guitiriz o seu Congreso do sector da carne de vacún

    10 de Febreiro do 2017 · 

    O Sindicato Labrego Galego elixiu a Escola Habanera de Guitiriz para celebrar, o 11 de febreiro, o seu Congreso de Vacún de Carne. Nesta ocasión, ademais de elixir unha nova Dirección sectorial e dúas persoas como responsábel e vicerresponsábel -que darán o relevo a Xosé Luís López Galán e Mercedes Alonso-; teremos como novidade a elección, a maiores, dun grupo de traballo que se encargará da axenda deste sector no día a día Sindicato Labrego Galego.

  3. SAT Margá

    Xornadas sobre pastoreo no sector lácteo: O futuro do sector lácteo galego será con pastoreo ou non será

    27 de Xaneiro do 2017 · 

    O Sindicato Labrego Galego da Terra Chá organizou, o 10 e 13 de xaneiro, dúas xornadas sobre “Pastoreo no sector lácteo” en Meira e Vilalba. A intención destes foros foi a de promover un modelo produtivo no sector lácteo máis acorde ás potencialidades da Galiza, baseado nunha alimentación do gando en base a pastos e forraxes que incide, necesariamente, nunha maior calidade do produto final, na redución dos custes de produción nas granxas, unha maior fortaleza diante da volatilidade nos prezos dos insumos agrarios e un aumento da rendibilidade final da produción leiteira. 

  4. Leite en po

    A liberación de 20.000 toneladas de leite en po intervido planeada pola Comisión Europea volvería afundir os prezos

    24 de Novembro do 2016 · 

    A secretaria xeral do Sindicato Labrego Galego, Isabel Vilalba Seivane, participou nunha nova xuntanza do Observatorio do Mercado do Leite (Milk Market Observatory-MMO), en Bruxelas o 23 de novembro. Isabel Vilalba, que asistiu a este foro de diálogo convocado pola CE en representación da Coordinadora Europea da Vía Campesina (ECVC), destacou como novidade máis preocupante a intención da Comisión Europa de liberar no mercado en decembro un continxente de máis de 20.000 toneladas de leite en po proveniente das retiradas por intervención pública.

  5. Fábricas de vacas

    As 20.000 vacas do IBEX, ou como 10 macrogranxas poderían substituír todas as explotacións galegas

    15 de Novembro do 2016 · 

    Presentamos "As 20.000 vacas do IBEX", un artigo de opinión de Aurelio Pérez, coordinador xeral de COAG en Castela e León, sobre un macroproxecto empresarial que ameaza o sector lácteo da comunidade veciña. Trátase da instalación dunha granxa de 20.000 vacas en Almazán (Soria) por parte dunha empresa navarra. O texto está enfocado, como non podía ser doutro xeito, dende o punto de vista nos nosos compañeiros e compañeiras de Castela e León. Para enfocalo dende realidade galega, abonda con saber que esta macrogranxa producirá ela soa o equivalente ao 10% da produción total das 8.658 granxas galegas. É dicir, implantando este modelo, 10 explotacións coma esta poderían substituír á totalidade das granxas de Galiza.

  6. Concentración apícola

    SLG e AGA reclaman a Industria e Medio Rural que esixan do Goberno do Estado unha etiquetaxe transparente no mel

    19 de Outubro do 2016 · 

    A secretaria xeral do Sindicato Labrego Galego (SLG), Isabel Vilalba Seivane, e o secretario técnico da Asociación Galega de Apicultura (AGA), Xesús Asorey, foron as persoas encargadas de rexistrar nos edificios administrativos de San Caetano (Compostela) hoxe, 19 de outubro, senllos escritos dirixidos ás consellarías de Industria e Medio Rural para que lle esixan ao Goberno do Estado os cambios lexislativos necesarios para posibilitar unha etiquetaxe transparente no mel na que se detalle, entre outros aspectos, o país ou países de orixe do produto. Posteriormente, ás 13:00 horas, ambos mantiveron unha xuntanza coa directora xeral de Comercio, Sol María Vázquez Abeal , para expoñerlle a problemática denunciada.

  7. Isabel Vilalba

    Isabel Vilalba advirte en Bruxelas que as medidas contra a crise levan á creba do sector lácteo en Europa

    7 de Septembro do 2016 · 

    A secretaria xeral do Sindicato Labrego Galego, Isabel Vilalba Seivane, participou, o 6 de setembro, na xuntanza do Observatorio do Mercado do Leite (Milk Market Observatory-MMO) en Bruxelas, convocada pola Comisión Europea. Isabel Vilalba formou parte da representación da Coordinadora Europea da Vía Campesina, organización internacional da que forma parte o SLG, e centrou o seu traballo neste encontro do MMO en dous puntos da orde do día: a presentación dun informe sobre a situación das granxas de leite europeas a nivel de custes de produción e ingresos (esta exposición foi da ECVC xunto co European Milk Board-EMB) e unha intervención oral que estivo centrada en denunciar o fracaso de todas as medidas tomadas até agora e anunciadas para os vindeiros meses pola Comisión Europea de cara a enfrontar unha crise de prezos e sobreprodución que se vén arrastrando dende finais de 2014.

  8. Moedas UE

    Dossier informativo: As axudas da Unión Europea destinadas a sectores agrogandeiros en crise ao detalle

    5 de Septembro do 2016 · 

    A mediados de xullo, o Consello Ministerial de Agricultura da UE, daba o visto bo a un paquete de medidas anti-crise especialmente deseñado para o sector lácteo e ampliable a outros sectores produtivos. Un mes despois, o 26 de agosto, a Comisión Europea concretaba o funcionamento destas axudas e establecía un calendario para a súa execución.  De seguido, compartimos con vós toda a información dispoñible ao respecto. En canto á valoración sindical destas medidas, xa a fixemos en xullo e, en vindeiros días, indicidiremos neste tema.

  9. Xosé Luís Santaclara

    Xuntanza de COAG e o Sindicato Labrego con Mercadona para traballar na sostibilidade do sector cunícola

    2 de Septembro do 2016 · 

    COAG, organización agraria da que forma parte o Sindicato Labrego Galego, mantivo unha xuntanza bilateral con Mercadona esta semana para analizar a situación do sector cunícola e compartir inquedanzas e posíbeis actuacións de mellora, tanto da produción como na distribución. Ambas partes coincidimos en que a conxuntura do sector cunícola é crítica e consideramos necesario dar unha viraxe á situación, de tal maneira que se asegure a sostibilidade da cadea de valor do coello.

  10. Lactalis

    O SLG denuncia beneficios escandalosos da multinacional Lactalis a costa de levar á ruína as granxas de leite galegas

    25 de Agosto do 2016 · 

    Ao tempo que a multinacional Lactalis é noticia polos prezos e condicións abusivas que lles impón ás produtoras e produtores galegos, a maioría das súas empresas filiais presentan grandes beneficios para o grupo en 2015: Leche de Galicia, subsidiaria galega do grupo, presentou un beneficio de 2,5 millóns; Lactalis Puleva, de 19,8 millóns (o dobre ca no 2014); Puleva Food, de 10,5 millóns; Lactalis Forlasa, de 5,3 millóns; Lactalis Food Service, de 5,6 millóns...

Arquivo