Mañá, venres 26 de xuño, terá lugar unha rolda de prensa das tres organizacións agrarias (SLG, UUAA, XXAA) e cooperativas (AGACA) ás 11.30hr. no Clube Internacional de Prensa (Av. d´A Coruña, nº4, Santiago de Compostela), pra darmos conta do calendario de mobilizacións que terán lugar nas vindeiras semanas en reivindicación dun prezo xusto para o noso leite, garantía de recollida e modificación das actuais políticas agrarias.
Este luns (22/06/09) a Consellaría do Medio Rural anunciou -entendemos que forzados polas mobilizacións que o sector lácteo levou a cabo a semán pasada en toda Galiza e polo apoio cidadán recibido nas mesmas- sete medidas para, supostamente, garantir liquidez inmediata ás explotacións agrarias.
REIVINDICANDO PODER VIVIR DO NOSO TRABALLO: Mércores 17: aos gobernos galego e español en forma de tractorada, Xoves 18: diante dos xefes/as de estado da U.E. en Bruxelas, Venres 19: denunciando a extorsión das multinacionais da distribución.
Dende o SLG solicitamos a complicidade da cidadanía non apoiando co seu consumo ás grandes multinacionais da distribución, mudándoas polos circuitos curtos de distribución: os mercados locais, as prazas de abastos, pequeno comercio e marcas que comercialicen só leite producido na Galiza, xa que é este o mellor xeito de apoiar ás produtoras e produtores de leite do noso País.
O Sindicato Labrego Galego quere agradecer a toda a cidadanía da Galiza, sobor de todo a aquelas persoas que viven nas vilas e cidades nas que tiveron lugar as tractoradas que se sucederon ao longo do día de onte (Santiago, A Coruña, Lugo, Ferrol, Vimianzo, Chantada, Ribadeo), o forte e decidido respaldo que amosado ao longo de toda a xornada reivindicativa.
COMUNICADO DE PRENSA DA COORDENADORA EUROPEA VÍA CAMPESINA. Manifestación europea de produtores de leite en Bruxelas o 18/19 de xuño con motivo do Consello Europeo. Máis de mil tractores atópanse arestora en Bruxelas.
Ao respeito das cuestións organizativas e de cobertura informativa da tractorada que terá lugar o vindeiro 17 de xuño para reclamar prezo xusto para o leite que cubra custos de produción e traballo, así como a modificación das políticas agrarias que coas que os gobernos seguen a permitir a inundación de leite nos nosos mercados, nun claro exercicio de especulación abandeirado polas multinacionais da distribución e industrias lácteas, á conta dun alimento básico como é o leite, o Sindicato Labrego Galego quere facer públicos os percorridos e puntos de saída.
A publicitada como “unha feira verde para todos” estase a revelar como “unha feira verde para todos aqueles que non chamen a atención sobor da escandalosa crise que está a sufrir o sector leiteiro e a vergoñenta e neglixente actitude da Xunta da Galiza e do Ministerio”.
Nos días previos á tractorada cara as cidades de Santiago de Compostela, A Coruña, Ferrol, Vimianzo, Chantada, Lugo e Ribadeo, o Sindicato Labrego Galego informará dos aspectos concretos desta mobilización mediante roldas de prensa comarcais que xa tiveron lugar ao longo desta semana e que continuarán o vindeiro luns 15 (e martes 16 de xuño).
A responsábel do sector leiteiro, Lupe Prado, presente canda gandeiras e gandeiros e a Secretaria de Organización do SLG, Lídia Senra, nunha concentración reivindicativo-informativa que tivo lugar no exterior das instalacións, entregou en man ao Presidente da Xunta da Galiza as demandas do sector: apostas políticas para defender que o noso traballo ten un prezo e que cómpre parar de xeito inminente a inundación de leite non galego no noso mercado, que incrementa as perdas das explotacións leiteiras da Galiza e que o goberno galego segue promovendo, ao seguir sen amosar vontade política para reclamar que se adopten acordos que acaben con esta situación de crise.
Ás 12,00hrs de mañá, venres 12, terá lugar unha rolda de prensa para dar conta da tractorada que terá lugar o vindeiro mércores 17 cara as cidades de Santiago de Compostela, A Coruña, Ferrol, Vimianzo, Chantada, Lugo e Ribadeo.