Na mañá de hoxe, a Secretaria de Organización do Sindicato Labrego Galego, Lídia Senra Rodríguez, atópase en Bruxelas para participar coma Responsábel do Sector Leiteiro da Coordenadora Europea Vía Campesina nun comité consultivo da Unión Europea ao respeito da actual situación do mercado do leite.
Enfocada ao sector no seu conxunto, prevese a asistencia de máis de sesenta persoas, xa que os temas a tratar son de interese tanto para colectivos como para cooperativas, asociacións de produtores/as de gandaría, ADS´s e tamén a nivel particular a gandeiros e gandeira de leite e de carne.
O Sindicato Labrego Galego denuncia as presións da industria láctea Puleva aos gandeiros e gandeiras da comarca da Terra Chá, ameazando cunha baixada na factura do leite baseándose no feito de seren explotacións que superan en produción a cantidade de cota asignada, malia a que mesmo o propio Ministerio do Medio Rural declarou que no presente ano 2010 o Estado español non chegará a cubrir a cota, como tampouco o fixo no ano pasado.
O anuncio de preacordo de compra de PULEVA por parte de LACTALIS deixa patente a tendencia á concentración do capital do sector industrial en cada vez menos mans, e inda por riba nas mans do capital francés, xa hexemónico no sector.
Onte tivo lugar a reunión da Mesa do Leite de Galiza -coa presenza da Administración, sindicatos e representantes da industria- sen que se deran avances de cara a garantir un futuro inmediato estable, nin garantías da existenza de prezos que permitan ás explotacións desenvolver a súa actividade e afrontar o seu futuro.
Dende o SLG queremos denunciar publicamente os movementos, canto menos extraños, que se están a realizar co capital das gandeiras e gandeiros, e dos cales descoñecemos o seu obxectivo.
Na mañá de hoxe Lídia Senra Rodríguez, -Secretaria de Organización do SLG e Responsábel de Sectores Gandeiros na Coordenadora Europea Vía Campesina (ECVC)-, expuso en Bruxelas diante do Grupo de Expertos/as da UE en materia de sector leiteiro as respostas da coordenadora labrega á segunda rolda de consultas sobor da política leiteira europea que está a realizar a Comisión Europea, logo da realizada en novembro do ano pasado.
Ás 12:00hrs. de mañán, martes 2 de febreiro, Lídia Senra Rodríguez -Secretaria de Organización do SLG-, será a voceira encarregada de respostar en Bruxelas ás preguntas da segunda e derradeira quenda de consultas do Grupo de Alto Nivel da UE para o Sector Leiteiro, dando conta das propostas elaboradas pola Coordenadora Europea Vía Campesina (ECVC), da cal o Sindicato Labrego Galego forma parte sendo na actualidade Lídia Senra a Responsábel europea de Sectores Gandeiros.
No DOG publicado onte, xoves 28 de xaneiro, atopamos a resolución das solicitudes de axuda ó fomento da recría de vacún, convocadas no mes de febreiro do pasado ano 2009. Máis do 75% foron rexeitadas.