A Soberanía Alimentaria, garantía de futuro

Menú Principal

Menú de Destacados

Gandería: 2011

  1. Explotación láctea

    O SLG pide a articulación de mecanismos coma os franceses para negociar prezos dignos para o leite

    23 de Decembro do 2011 · 

    O Sindicato Labrego amosou, unha vez máis, a súa indignación ante a parálise da Consellaría de Medio Rural e do Ministerio de Agricultura á hora de crear as condicións necesarias para que as explotacións leiteiras e as industrias poidan negociar un prezo do leite que satisfaga a todos os axentes do sector, tal e como se fai en Francia. O SLG volve incidir nesta denuncia porque, o 22 de decembro, a Interprofesional Leiteira de Bretaña e o País do Loira (Cilouest) fixaba un prezo de referencia para o leite en xaneiro de 2012 de 33,81 céntimos por litro1.

  2. En Lácteos Tambre

    Lácteos Tambre obrigada polo xulgado de Ordes a saldar a súa débeda coas explotacións que a denunciaron por impago so pena de ser embargada

    16 de Decembro do 2011 · 

    Unha comitiva de gandeiros e gandeiras afectados polos impagos de Lácteos Tambre volveu concentrarse hoxe, 16 de decembro, na factoría desta empresa en Penateixa (Sigüeiro) para protestar ante os impagos que mantén a moitas explotacións que levan sen cobrar varias entregas de leite dende hai un ano, cando a Lei de Morosidade obriga ao pagamento dos produtos perecedoiros nun prazo máximo de trinta días. Aínda que as explotacións apoiadas polo Sindicato Labrego Galego e que se atreveron a denunciar son seis -que en conxunto teñen unha débeda contraida coa láctea duns 60.000 euros- “as afectadas son moitas máis e o seu número non para de medrar”, afirmou Irene Vázquez Astray, unha das gandeiras presentes na concentración que ten a súa granxa en Burres (Arzúa).

  3. Isabel Vilalba en Bruxelas

    Acordo UE sobre o paquete leite: a próxima crise europea está anunciada

    8 de Decembro do 2011 · 

    O Sindicato Labrego Galego denuncia que o acordo entre Comisión e Parlamento europeos e o Consello de Ministros deixa ao sector lácteo totalmente en mans da industria. O acordo adoptado o 6 de decembro renuncia a crear mecanismos para que os produtores e produtoras de leite teñan prezos estables e que permitan integrar as subas nos custes de produción.

  4. Rolda de prensa

    As tres organizacións agrarias galegas sinalan as decisións políticas da Xunta e do Goberno do Estado como principais culpables da crise do sector lácteo

    2 de Novembro do 2011 · 

    Sindicato Labrego Galego, Unións Agrarias e Xóvenes Agricultores ofreceron, o 2 de novembro, unha rolda de prensa para presentar un informe no que se denuncia a situación crítica pola que está atravesando o sector lácteo dende hai anos, e que agora se agudizou por factores conxunturais como a seca (o informe pódese descargar en pdf no remate desta nova).

  5. Lupe Prado

    A teima das industrias de manter na Galiza o prezo máis baixo para o leite en Europa deixa ás explotacións nunha situación crítica

    14 de Outubro do 2011 · 

    A responsable da Dirección do Leite do SLG, Lupe Prado, e o coordinador dos sectores gandeiros na mesma organización, Xabier Gómez Santiso, participaron hoxe, 13 de outubro, na mesa do leite celebrada en Compostela.

  6. Non hai imaxe

    SLG, UUAA e XXAA úrxenlle ao Conselleiro de Medio Rural a urxente convocatoria da mesa do leite

    23 de Septembro do 2011 · 

    Responsables dos sindicatos Unións Agrarias, Xóvenes Agricultores e Sindicato Labrego Galego mantiveron unha xuntanza na que analizaron a situación do sector lácteo galego e concluíron que a súa gravidade require unha análise máis en profundidade polo que demandan ao conselleiro de Medio Rural que convoque de xeito inmediato a Mesa do Leite. As tres forzas sindicais coinciden que de non darse esta circunstancia e de seguir a actitude da industria e a distribución cos gandeiros e coas gandeiras de Galiza, se desenvolverán accións contundentes para denunciar a difícil situación que atravesa o sector lácteo.

  7. Denucia

    Lácteos Tambre nos xulgados por incumprir o plan de pagos pactado en agosto

    21 de Septembro do 2011 · 

    Os xulgados de Ordes acolleron onte, 20 de setembro, os dous primeiros xuízos contra a empresa Lácteos Tambre, que segue sen pagar un céntimo da débeda que mantén con varias explotacións lácteas ás que non lles pagou o leite recollido a comezos de ano. En total, son sete as explotacións defendidas polo Sindicato Labrego Galego ás que, en conxunto, Lácteos Tambre lles debe uns 60.000 euros.

  8. Non hai imaxe

    O SLG pide unha reunión co Conselleiro de Medio Rural para tratar de xeito urxente a crise no sector lácteo

    20 de Septembro do 2011 · 

    O Sindicato Labrego Galego vén de solicitar, formalmente, unha xuntanza con Conselleiro de Medio Rural, Samuel Juárez, para analizar a situación crítica pola que está a atravesar o sector leiteiro e a falla de medidas ao respecto por parte do departamento que dirixe.

  9. Rolda de prensa

    O Sindicato Labrego oporase a calquera tentativa de crear outra marca para a carne de vacún na Galiza fóra da IXP Ternera Gallega

    26 de Agosto do 2011 · 

    O responsable do sector de vacún de carne do Sindicato Labrego Galego, Xosé Luís López Galán, e o coordinador dos sectores gandeiros, Xabier Gómez Santiso, ofreceron unha rolda de prensa, o pasado 26 de agosto, para amosar o total apoio desta organización agraria á IXP Ternera Gallega. E este apoio dáse en oposición á tentativa de crear unha marca baixo o nome de VAC 1, iniciativa que agora renace sen ter nada que ver coas súas intencións orixinais, despois de que fose creada pola Consellaría de Medio Rural do bipartito na Xunta. 

  10. Carme Freire ante Lácteos Tambre

    O Sindicato Labrego Galego consegue que Lácteos Tambre se comprometa a pagar a débeda coas explotacións antes do 31 de decembro

    17 de Agosto do 2011 · 

    Gandeiros e gandeiras de Arzúa, Muxía, Tordoia e Ordes, acompañados pola secretaria xeral do Sindicato Labrego Galego, Carme Freire, e o gandeiro de Oroso e membro da Executiva do SLG, Xosé Manuel Calvo Rei, reuníronse, o pasado 17 de agosto, cos directivos de Lácteos Tambre para negociar o pagamento dos cartos que esta empresa lles debe. En total, son sete as explotacións lácteas defendidas polo SLG, coas que Lácteos Tambre ten unha débeda contraida que ascende, en conxunto, a uns 60.000 euros.

  1. 1
  2. 2
  3. 3
  4. Seguinte