Gandería: 2012
-
Vítor Fernandez, Casa do Neiro: "Facemos pastoreo día e noite porque é o mellor para as vacas e para nós"
20 de Decembro do 2018 ·
Vítor é un mozo de 33 anos que, coma moitos do rural, tentaron buscar mellores oportunidades fóra da aldea. Tras dez anos traballando como comercial, tivo que regresar á casa de Esmoriz (Chantada) e facerse cargo dunha granxa de leite cando “nunca muxira unha vaca”. Dende o primeiro minuto, sentiuse apaixonado polo traballo gandeiro, pero tamén contrariado por ter que organizalo baixo as directrices dun modelo produtivista pensado por e para o beneficio da industria a costa do benestar dos animais e das persoas. Nesta entrevista, Vítor cóntanos como nadou contracorrente para poder vivir dignamente el e súa nai, hoxe en día, muxindo pouco máis de vinte vacas en réxime de pastoreo.
-
O Sindicato Labrego Galego presenta as súas demandas para enfrontar os problemas do sector da carne de vacún
13 de Decembro do 2012 ·O Sindicato Labrego Galego presentou hoxe, 13 de decembro, a táboa reivindicativa que vén de elaborar a Dirección da Carne de Vacún de cara a facerlle fronte aos principais problemas deste sector na Galiza. Os encargados de explicar as demandas do SLG foron o responsable da Dirección da Carne de Vacún, Xosé Luís López Galán, e o coordinador dos sectores gandeiros, Xabier Gómez Santiso. Ambos coincidiron á hora de sinalar a gran importancia do sector da Carne de Vacún na Galiza, ao que consideraron “o gran esquecido da gandería do noso país, a pesares de ser o que conta con maior número de explotacións; unhas 30.000”.
-
A secretaria xeral do SLG defendeu en Bruxelas o regulamento da produción e a fixación de prezos que cubran os custes para evitar a ruína do sector lácteo
12 de Decembro do 2012 ·A secretaria xeral do Sindicato Labrego Galego, Isabel Vilalba Seivane, viaxou a Bruxelas, o 12 de decembro, para participar no Grupo Consultivo do Leite da Comisión Europea en representación da Coordinadora Europea da Vía Campesina (ECVC). Neste Grupo Consultivo participaron todos os axentes do sector lácteo: industria, distribución, cooperativas, produtores e produtoras e estados membros como España ou Polonia.
-
O Sindicato Labrego Galego apoia o plan de traballo da Xunta para o sector lácteo pero demanda medidas urxentes para que suba o prezo do leite en xaneiro
7 de Decembro do 2012 ·O presidente da Xunta, Alberto Núñez Feijóo, convocou hoxe, 7 de decembro, ás organizacións agrarias galegas para presentarlles unha proposta de traballo de cara a solucionar os principais problemas do sector lácteo.
-
O SLG critica que o Ministerio de Medio Rural insista en medidas inútiles para o sector lácteo
4 de Decembro do 2012 ·O Sindicato Labrego Galego critica a exclusión da maioría das organizacións agrarias na convocatoria da xuntanza do sector lácteo organizada polo Ministerio de Medio Rural o 3 de decembro. Para o SLG, a proposta do Ministerio de convocar a Comisión de Seguimento do Convenio de Colaboración do Sector Lácteo, que só está formada polas organizacións que asinaron o pasado 29 de agosto o acordo de boas prácticas voluntarias da industria e da distribución (ASAJA-Xovenes Agricultores por parte das organizacións agrarias), é especialmente desafortunada neste intre no que se comezaban a encarreirar, dende Galiza, as negociacións para atopar solucións que poñan fin á peor crise sufrida polo sector lácteo.
-
Suspensión temporal da folga de entregas no sector lácteo
29 de Novembro do 2012 ·Tralo compromiso de chegar a acordos sobre un prezo mínimo que cubra os custes do leite, acadado na xuntanza entre as organizacións agrarias, as industrias e a distribución do 28 de novembro; o 29, realizáronse asembleas cos produtores e produtoras nas principais comarcas leiteiras. O obxectivo destas xuntanzas foi que o propio sector decidise se continuaba a folga de entregas ou a suspendía temporalmente até chegarmos a un compromiso firme de acadar un prezo en orixe que cubra, cando menos, os custes de produción.
-
"Se isto segue así, o sector lácteo entrará nunha folga de entregas permanente, pois moitas explotacións pecharán antes da primavera"
27 de Novembro do 2012 ·A folga de entregas do sector lácteo comezou con enteira normalidade: con asembleas e concentracións por toda Galiza, con tres millóns de quilos sen recoller e sen incidentes destacables. As organizacións agrarias deron unha rolda de prensa na que volveron incidir na responsabilidade política desta crise e na confianza de que industrias e distribución acepten pagar un prezo mínimo digno polo leite galego para garantir a supervivencia dun sector estratéxico para o medio rural do noso país do que dependen máis de 40.000 familias.
-
Folga de entregas: “A pelota está no tellado da industria”
26 de Novembro do 2012 ·Tras máis de catro horas de negociacións, a folga de entregas do sector lácteo galego segue en marcha. Coa presenza das tres organizacións agrarias, as cooperativas, a industria e a distribución, e convocadas as partes pola Consellaría de Medio Rural, o 26 de novembro, seis horas antes de que comezase a folga de entregas convocada de maneira unitaria polo sector lácteo, tentouse chegar a un acordo de prezos que resultase positivo para todos.
-
27 de novembro: Folga de entregas de leite
24 de Novembro do 2012 ·O Sindicato Labrego Galego, xunto ás outras organizacións agrarias e co apoio das cooperativas, convoca unha folga unitaria de entregas de leite a partir do vindeiro martes, 27 de novembro, para reclamar solucións inmediatas á peor crise pola que atravesou o sector leiteiro galego.
-
Protestas na inauguración do centro comercial das Cancelas para denunciar os abusos da distribución e a parálise da Xunta como causas da crise do sector lácteo
15 de Novembro do 2012 ·Coincidindo coa inauguración do centro comercial As Cancelas en Compostela hoxe, 15 de novembro, celebrouse unha concentración gandeira para denunciar a situación crítica pola que está a atravesar o sector lácteo galego. A intención desta manifestación foi a de denunciar as prácticas abusivas da distribución na cadea de valor, que é unha das principais causas de que as explotacións galegas estean a vender o leite que producen a un dos prezos máis baixos da Unión Europea, e sinalar a Carrefour, que abre un novo hipermercado nesta área comercial, como un dos causantes directos desta problemática.
-
O SLG apoiará as explotacións leiteiras que se neguen a asinar contratos que non cubran os custes de produción
4 de Outubro do 2012 ·Convocados e convocadas polas tres organizacións agrarias galegas (SLG, UUAA e XXAA), un milleiro de gandeiros e gandeiras de toda Galiza concentráronse hoxe, 4 de outubro, diante da Consellaría de Medio Rural, en Compostela, para protestar polos baixos prezos do leite. Ademais, fíxose unha marcha ao redor dos edificios administrativos de San Caetano, e os secretarios xerais de UUAA e XXAA, e a secretaria xeral do SLG, mantiveron un encontro co director xeral de Produción Agropecuaria da Xunta, José Álvarez Robledo, para tratar esta cuestión.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
