A Soberanía Alimentaria, garantía de futuro

Menú Principal

Menú de Destacados

Gandería: 2012

  1. Isabel Vilalba

    Isabel Vilalba defendeu no Comité Consultivo do Leite da UE o control da produción e dos mercados para garantir a continuidade das explotacións labregas

    7 de Marzo do 2012 · 

    Isabel Vilalba Seivane, membro das executivas da Coordinadora Europea da Vía Campesina e do Sindicato Labrego Galego, participou, o 6 de marzo, en Bruxelas, no Grupo Consultivo do Leite da Unión Europea (GCL) en representación do sector produtor. Na súa intervención, Isabel Vilalba criticou a orientación exportadora da política leiteira europea, nun contexto global no que o consumo internacional dos lácteos comunitarios se estancou ou está á baixa, cun parón nas compras de países como Rusia ou China, e co aumento da produción de competidores como Australia, Estados Unidos ou Arxentina.

  2. Boicot ás industrias

    Leite Río destina a unha campaña publicitaria de mentiras o diñeiro que lle quita ás explotacións lácteas ao baixarlles inxustificadamente os prezos

    28 de Febreiro do 2012 · 

    O Sindicato Labrego Galego quere responder á campaña publicitaria pagada en varios medios de comunicación por Leite Río demostrando que, unha vez máis, esta industria láctea mente ao afirmar que non baixou o prezo do leite de xaneiro de 2012. E para iso temos recibos de explotacións nos que se poden comparar os prezos pagados en decembro de 2011 e os abonados en xaneiro de 2012, e nos que ser reflicte a baixada de 1 céntimo por litro.

  3. Contrato-Atraco

    A Consellaría de Medio Rural despreza ao sector lácteo e négase a escoitar as denuncias pola extorsión dos contratos obrigatorios sen prezo

    24 de Febreiro do 2012 · 

    Un cento de produtores e produtoras de leite afectados/as pola nova baixada de prezos imposta, de xeito unilateral, por algunhas industrias como Río ou Celta, manifestáronse hoxe, 24 de febreiro, diante da Consellaría de Medio Rural. Ademais de denunciar a baixada de prezos, tamén se protestou polo decreto do Ministerio de Agricultura que obriga ás explotacións a asinar contratos de compravenda coas empresas, sen que estas estean obrigadas a asegurar un prezo mínimo por baixo do cal non se poida baixar, e so pena de que os gandeiros e gandeiras perdan as axudas da Política Agraria Común (PAC). A secretaria xeral do SLG, Carme Freire, non o dubidou á hora de cualificar a obrigatoriedade dos contratos sen garantía de prezo como “unha auténtica extorsión a todo o sector lácteo”.

  4. Carme Freire

    O SLG pediralle a Arias Cañete que non legalice a extorsión ao sector lácteo con contratos obrigatorios sen prezo

    14 de Febreiro do 2012 · 

    A secretaria xeral do Sindicato Labrego Galego, Carme Freire, ofreceu hoxe, 14 de febreiro, unha rolda de prensa para poñer de manifesto as demandas que diante do ministro de Agricultura, Miguel Arias Cañete, fará o vindeiro xoves, 16 de febreiro, na xuntanza que este manterá coa Interprofesional Láctea (Inlac), e na que Freire, xunto a Charo Arredondo, representará á Coordinadora de Organizacións Agrarias e Gandeiras (COAG).

  5. Cisternas

    O Sindicato Labrego Galego pide sistemas de control na medición do leite polas cisternas das empresas

    31 de Xaneiro do 2012 · 

    O Sindicato Labrego Galego vén de constatar o cambio de empresa de recollida por parte de varias explotacións que lle fornecían a Leite Río na comarca de Betanzos. A baixa producíase ao sospeitar estas explotacións que os sistemas de medición das cisternas da industria devandita poderían estar computando menos cantidade de leite que a recollida realmente.

  6. Impagos leite

    A Consellaría de Medio Rural comprométese co SLG a abordar o problema dos impagos ás explotacións lácteas

    26 de Xaneiro do 2012 · 

    Unha comitiva do Sindicato Labrego Galego reuniuse hoxe, 26 de xaneiro en Compostela, coa conselleira de Medio Rural, Rosa Quintana, para trasladarlle o problema de impagos que están a sufrir moitas explotacións na Galiza por parte das empresas que lles recollen o leite como Lácteos Tambre, Queixería Macán ou Eugenio Rey. A delegación do SLG estivo formada pola secretaria xeral da organización, Carme Freire; a responsable da Dirección do Leite, Lupe Prado; e catro gandeiras afectadas.

  7. Celega

    Celega pretende facer asinar ás explotacións leiteiras un contrato a quince meses sen prezo

    25 de Xaneiro do 2012 · 

    A empresa Celega, que se dedica á fabricación de queixos e á compravenda de leite na súa factoría do Saviñao (Lugo), vén de remitir un modelo de contrato ás explotacións que lle subministran co que pretende comprometelas a entregar todo o leite que produzan (cunha marxe ±10%) durante quince meses, e a comunicar con tres meses de antelación o remate da relación contractual.

  1. Anterior
  2. 1
  3. 2
  4. 3
  5. 4