A Soberanía Alimentaria, garantía de futuro

Menú Principal

Menú de Destacados

Gandería: 2015

  1. Isabel Vilalba

    As corporacións municipais das comarcas leiteiras apoian aos produtores e produtoras nas súas demandas

    24 de Abril do 2015 · 

    As tres organizacións agrarias -Sindicato Labrego Galego, XXAA e UUAA- reunímonos, o 23 de abril, cos alcaldes e representantes das corporacións municipais de Lugo e concellos dos arredores para implicar ás entidades locais na denuncia das condicións leoninas que as industrias lácteas están a impoñer aos gandeiros e ás gandeiras coa complicidade da Consellaría de Medio Rural e do Ministerio de Agricultura.

  2. Este contrato é un atraco

    A ministra de Agricultura avala a extorsión das industrias lácteas ao culpar ás granxas da crise do sector

    23 de Abril do 2015 · 

    No transcurso da súa visita a Galiza, o 21 de abril, a ministra de Agricultura, Isabel García Tejerina, realizou declaracións a varios medios de comunicación nos que, directamente, botaba a culpa aos produtores e produtoras de leite da crise de prezos que están a padecer por non saber negociar. Dende o Sindicato Labrego Galego recordámoslle á ministra que a crise a está a padecer todo o sector, incluso as granxas daquelas comunidades que, segundo ela, si saben negociar coa industria.

  3. Isabel Vilalba

    As tres OPAs galegas denuncian a industria láctea e piden a nulidade do 100% dos contratos asinados no sector

    16 de Abril do 2015 · 

    A secretaria xeral do Sindicato Labrego Galego, Isabel Vilalba Seivane, participou, o 15 de abril, na rolda de prensa conxunta que a nosa organización, xunto a UUAA e XXAA, ofreceu para denunciar a situación que está a padecer un sector lácteo no que “a industria ten case dereito de pernada”.

  4. Concentración sector lácteo

    O Sindicato Labrego Galego pon en marcha a campaña “Mans arriba: este contrato lácteo é un atraco”

    10 de Abril do 2015 · 

    A Executiva do Sindicato Labrego Galego decidiu, o 9 de abril, iniciar unha campaña de denuncia da indefensión que están a sufrir as granxas de leite diante das prácticas extorsivas da industria. Hai días, o SLG xa denunciou que as empresas do sector pretenden obrigar ás explotacións que lles fornecen de leite a asinar contratos por un ano a prezos miserables -sempre por debaixo dos 29 céntimos, chegando algúns a 24 céntimos por litro- baixo a ameaza de deixar de recollerlles a produción.

  5. Mans arriba contrato

    O SLG denuncia que a industria emprega o paquete lácteo e os contratos obrigatorios para extorsionar o sector produtor

    31 de Marzo do 2015 · 

    O Sindicato Labrego Galego denuncia que a imposición de contratos obrigatorios a un ano por parte do Ministerio, sen establecer mecanismos que garantan uns prezos que cubran os custos de produción e eviten a posición de dominio das industrias na fixación unilateral de condicións; estase a converter nunha nova arma contra as gandeiras e os gandeiros.

  6. La Arzuana

    O SLG mantivo un encontro con afectados polos impagos de La Arzuana para asesoralos no concurso de acredores

    30 de Marzo do 2015 · 

    As persoas ou entidades con débedas pendentes por parte da cooperativa La Arzuana tiveron de prazo até o 26 de marzo para reclamar os cobros. Isto é así porque o edito do concurso de acredores publicado no Boletín Oficial do Estado (BOE), o pasado 26 de febreiro, daba de prazo un mes para facelo. Previamente, solicitarase o concurso de acredores, o 28 de outubro; e o xulgado mercantil nº 2 da Coruña nomeara ao economista, José Manuel Mosquera Santé, como administrador concursal.

  7. Rolda de prensa

    O SLG considera inútil a multa ás lácteas sen medidas políticas contra a extorsión da industria e das distribuidoras

    6 de Marzo do 2015 · 

    O Sindicato Labrego ofreceu, o 5 de marzo, unha rolda de prensa para valorar a multa de 88 millóns de euros imposta pola Comisión Nacional do Mercado e da Competencia a varias industrias lácteas. Esta multa confirma o que organizacións como o SLG levamos denunciando durante os últimos 15 anos: que no sector lácteo non existe libre mercado e que as relacións comerciais son unha pura imposición das distribuidoras e das industrias ás granxas a través de varias prácticas ilegais entre as que se atopan a venda a perdas das primeiras ou os pactos de prezos das segundas.

  8. Isabel Vilalba

    A ECVC alerta que novos incrementos na produción de leite provocarán máis excedentes e prezos ruinosos no sector

    26 de Febreiro do 2015 · 

    A secretaria xeral do Sindicato Labrego Galego, Isabel Vilalba Seivane, e Charo Arredondo, da Executiva de COAG, participaron, o  24 de febreiro, na xuntanza do Observatorio Europeo do Mercado do Leite (European Milk Market Obserbatory-MMO) en calidade de representantes da Coordinadora Europea da Vía Campesina (ECVC). Neste foro que xunta aos principais axentes do sector lácteo na Unión Europea, saíron á luz datos moi preocupantes sobre a situación do mercado que constatan a caída xeneralizada dos prezos provocada, en grande medida, a un constante incremento da produción que comeza a estar fóra de control.

  9. Leite Rio Gratis

    O SLG pide a retirada dunha campaña que regala Leite Río por unha posible violación da Lei da Cadea Alimentaria

    25 de Febreiro do 2015 · 

    O Sindicato Labrego Galego critica a campaña promocional coa que hoxe, 25 de febreiro, un coñecido xornal agasallará aos seus lectores e lectoras con 1 litro de leite Río Natura gratis. Unha vez máis, utilízase o leite coma produto reclamo, xusto nun momento do máis delicado para as explotacións do sector, que veñen acumulando máis dun ano de constantes baixadas no valor do produto e que, no meirande, están a cobrar prezos por baixo dos 30 céntimos que non chegan nin para cubrir os custes de produción da súa actividade profesional.

  10. Asemblea de Castro

    O SLG pide a convocatoria da Mesa do Leite para poñer fin á parálise de Medio Rural diante da crise do sector lácteo

    13 de Febreiro do 2015 · 

    Cunha caída continuada do prezo do leite dende xaneiro de 2014 e unha inminente supertaxa por excedernos da nosa cota asignada1, máis de 100 gandeiros e gandeiras que se reuniron, o 11 de febreiro no mercado de Castro de Ribeiras de Lea, convocados/as polo Sindicato Labrego Galego, valoraron a necesidade de esixir da Consellaría de Medio Rural medidas urxentes de apoio ao sector lácteo. Ademais, de non producirse resposta da Administración, adoptaron o compromiso de iniciar actos reivindicativos.

  1. Anterior
  2. 1
  3. 2
  4. 3
  5. 4
  6. 5
  7. 6
  8. 7
  9. Seguinte