A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Medio Ambiente e Montes

Medio Ambiente e Montes

  1. O lobby mineiro de Galiza tenta facerse un lavado de cara co V Congreso Nacional de Áridos en Compostela

    Canteira 24 de Outubro do 2018 · 

    A Plataforma contraMINAcción vén de emitir un comunicado de prensa no que denuncia a “tentativa sen precedentes” de facerse un lavado de cara por parte do lobby mineiro da Galiza no V Congreso Nacional de Áridos, que se celebra entre hoxe e o 26 de outubro en Santiago de Compostela. No texto de contraMINAcción dáse un rápido repaso a tanta porcallada acumulada no currículo da industria mineira galega para que a xente coñeza a verdade dun dos sectores máis agresivos e depredadores coa nosa terra.

  2. Conclúe o Foro do SLG en Allariz reforzando a súa aposta por consolidar proxectos e redes de agrocoloxía na Galiza

    III Foro Labrego Agroecoloxía 22 de Outubro do 2018 · 

    O Sindicato Labrego Galego, coa colaboración do Concello de Allariz, celebrou durante a fin de semana do 20 e 21 de outubro a terceira edición do Foro Labrego de Agroecoloxía baixo o lema "Camiñando xuntas pola soberanía alimentaria". De seguido, compartimos con vós un resume de todo o que deu de si este evento que trataremos máis a fondo no Fouce.

  3. 20-21 de outubro en Allariz: III Foro Labrego de Agroecoloxía “Camiñando xuntas pola Soberanía Alimentaria”

    Cartaz Foro Agroecoloxía 17 de Outubro do 2018 · 

    O Sindicato Labrego Galego e o Concello de Allariz presentaron en sociedade, o 16 de outubro, o III Foro Labrego de Agroecoloxía, que se celebrará na capital alaricana os días 20 e 21 de outubro. No acto estiveron, por parte do consistorio, a alcaldesa, Cristina Cid, e o concelleiro de Medio Ambiente, Bernardo Varela; e, por parte da organización agraria, María Xosé Castro Fernández, da granxa Mimá (Pazo do Meire, Allariz), e Santi Rodríguez Cid, labrego de Cartelle.

  4. Unha plataforma de organizacións e colectivos pedimos a retirada da proposta de revisión do Plan Forestal de Galicia

    Monte ordenado 5 de Outubro do 2018 · 

    O pasado 3 de outubro, unha comitiva de representantes de varias organizacións e colectivos sociais, na que se atopaba Diego Sánchez Agra en representación do Sindicato Labrego Galego, rexistrou na Xunta un documento no que se solicitaba a anulación da proposta de revisión do Plan Forestal de Galicia e a elaboración dun novo documento de consenso. O novo plan que se redacte debería partir dunha planificación e información actualizada do monte galego e tendo en conta “a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos que prestan os montes galegos e a sustentabilidade económica e social”.

  5. O SLG reúnese coa Valedora do Pobo para denunciar a indefensión das granxas cos ataques da fauna salvaxe

    Isabel Vilalba e Valedora 4 de Outubro do 2018 · 

    Unha comitiva do Sindicato Labrego Galego reuniuse en Compostela hoxe, 3 de outubro, coa Valedora do Pobo, Milagros Otero, para denunciar a indefensión e desamparo que sofren as nosas granxas polos continuos ataques da fauna salvaxe e polo abandono de funcións da Xunta de Galicia diante desta problemática. As persoas que representaron ao SLG foron a súa secretaria xeral, Isabel Vilalba Seivane; o responsábel do sector de Vacún de Carne, Lois Varela; e, por parte da Dirección do Leite, a súa coordinadora, Lupe Prado, e Eliseo Cebreiro.

  1. Xabaril

    Os ataques do xabaril arrasan grandes áreas de praderías e cultivos e supoñen un dos principais problemas das granxas

    28 de Septembro do 2018 · 

    O Sindicato Labrego Galego organizou hoxe, 27 de setembro, unha rota polo municipio d'O Corgo para denunciar a desfeita que a poboación descontrolada de xabaril está a facer en praderías e cultivos das que dependen a economía das nosas granxas. Gandeiros de vacún como Manuel Ferreiro, Xosé Luís Fernández, Domingo Rodríguez ou Xosé Antonio López Fouz ensináronnos os estragos que fixo o porco bravo nos seus prados a pesares de telos perfectamente pechados, tal e como se recomenda para evitar os ataques de maneira preventiva.

  2. Concentración Ordes

    O SLG chama a participar na concentración do domingo en Ordes en defensa de aire, auga e terra limpas

    27 de Septembro do 2018 · 

    O Sindicato Labrego Galego apoia a concentración que se levará a cabo este domingo, 30 de setembro, en Ordes baixo o lema “Aire, auga e terra limpos” e convocada por Non aos parques eólicos na comarca de Ordes, Asociación A Picota (Trazo), Comisión de Seguimento da Minaría e Defensa do Rural (Mesía) e Asociación de Afectad@s polo Vertedoiro de Lesta.

  3. Xabaril

    O SLG denuncia o problema da fauna salvaxe na Valedora do Pobo diante do abandono de funcións da Xunta

    12 de Septembro do 2018 · 

    A pesares de que o Sindicato Labrego Galego denunciou, en varias xuntanzas nos últimos meses coa Consellaría de Medio Rural e co Servizo de Protección da Natureza, o gravísimo problema que supoñen os ataques da fauna salvaxe ás diversas actividades agrogandeiras na Galiza, a Xunta segue sen facer nada para solucionalo a pesares de ser coñecedora do feito.

  4. Erimsa

    Erimsa ameaza con despedir traballadores e traballadoras se a Xunta non lle aproba máis concesións mineiras

    10 de Septembro do 2018 · 

    A empresa mineira Erimsa está a chantaxear á Xunta cos empregos dos seus traballadores e traballadoras. Fíxoo presentando un expediente de regulación temporal de emprego (ERE) para as sesenta persoas que forman parte do seu cadro de persoal en Frades (A Coruña). Este sería o paso previo ao peche definitivo da explotación de cuarzo na zona, a non ser que a Xunta lle conceda novos dereitos mineiros.

  5. Praia do Lago

    O SLG denuncia a tentativa de arrasar o piñeiral da praia do Lago (Muxía), protexido polo Plan de Ordenación do Litoral

    10 de Agosto do 2018 · 

    O Sindicato Labrego Galego vén de denunciar o incumprimento xeneralizado e o caos que se están a xerar na aplicación da normativa que obriga a rozar e talar franxas de seguridade de 50 metros en torno a vivendas ou núcleos habitados (ver: bit.ly/Caos-nas-Rozas). No marco desta denuncia, o SLG da Costa da Morte quere chamar a atención sobre a ameaza de corta que se cerne sobre o piñeiral da praia do Lago, en Muxía, incluído no Espazo de Interese Paisaxística Punta e Monte do Lago e, polo tanto, protexido polo Plan de Ordenación do Litoral de Galicia (POLG) da propia Xunta.

  6. Tala

    O SLG constata o incumprimento xeneralizado das rozas de seguridade para protexer núcleos habitados dos lumes

    9 de Agosto do 2018 · 

    Aínda que o pasado 31 de maio expirou o prazo que daba a Xunta para rozar ou talar franxas de seguridade de 50 metros en torno a vivendas ou núcleos habitados, lonxe de terse cumprido o mandado estamos a comprobar que o único que temos a día de hoxe, en pleno mes de agosto e cos axentes forestais en folga indefinida para denunciar a precariedade das súas condicións laborais, é un incumprimento xeneralizado da norma.

  7. Concentración louseira Mondoñedo

    O Sindicato Labrego apoia a concentración deste sábado das persoas afectadas polas louseiras en Mondoñedo

    29 de Xuño do 2018 · 

    O Sindicato Labrego Galego apoiará a concentración que se convocou para este sábado, 30 de xuño, ás 12:00 na praza do Concello de Mondoñedo, en solidariedade coas persoas afectadas pola actividade da Louseira Veira do Río (PIVERI SL), nomeadamente os traballadores e traballadoras da empresa que non cobran e a Asociación de Afectadas polas Louseiras de Santa María Maior e Lindín. A maiores, dende o SLG faremos un chamamento á nosa afiliación para que apoie a protesta.

  8. Mina lavacolla

    A mina de Touro-O Pino-Compostela recibirá con explosivos e maquinaria pesada os 3 millóns de persoas que entran cada ano por Lavacolla e o Camiño Francés

    8 de Xuño do 2018 · 

    O Sindicato Labrego Galego fai un chamamento á sociedade galega para que se mobilice contra o proxecto mineiro de Atalaya Mining en Touro polas graves consecuencias que tería para unha bisbarra con grande riqueza agrogandeira, para os recursos marisqueiros e pesqueiros da Ría de Arousa, e para a capital de Galiza e un das súas principais fontes de riqueza cultural e económica: o turismo e o Camiño de Santiago.

  9. Vacas en parque eólico

    O SLG alega contra o parque eólico de Ordes por usurpar máis de 6.000 hectáreas ás granxas da bisbarra

    28 de Maio do 2018 · 

    O Sindicato Labrego Galego vén de rexistrar, diante do Ministerio de Agricultura, un extenso documento de alegacións contra o parque eólico de Pobra, que afecta 6.670 hectáreas dos termos municipais de Mesía, fundamentalmente e, en menor medida, de Oza-Cesuras e Abegondo.

  10. contraminaccion touro

    contraMINAcción leva a súa campaña contra a mina de Touro e O Pino a cidades como Vigo, Ourense e Bos Aires

    18 de Maio do 2018 · 

    A plataforma contraMINAcción, Rede contra a Minaría Destrutiva de Galiza que agrupa 24 colectivos e plataformas, entre os que se inclúe o SLG, está a desenvolver un intenso traballo dende hai anos para informar á cidadanía do enorme impacto social e medioambiental que ten a minaría destrutiva en diversas localidades galegas. Nese traballo hai que enmarcar a actual campaña contra o proxecto San Rafael de extracción de cobre que pretende levar a cabo Atalaya Mining (Riotinto) nos municipios coruñeses de Touro e O Pino.

  1. 1
  2. 2
  3. Seguinte

Arquivo