A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Medio Ambiente e Montes>
  4. Loitamos pola xestión conxunta dos montes

Loitamos pola xestión conxunta dos montes

26 de Xaneiro do 2010

Olga Otero, UXFOR Fonte das Meigas

Na mañá de hoxe tivo lugar en Santiago de Compostela a presentación e lectura do manifesto da Plataforma en Defensa das Unidades de Xestión Forestal (UXFOR).

Xavier Simón -da UXFOR Costa-Sabugueiro-, Olga Otero -da UXFOR Fonte das Meigas-, Anxo Martínez -da UXFOR Vilaframil- e Rosa Villalibre -da UXFOR A Coviña-, foron @s voceir@s encarregad@s de transmitir os motivos nos que se asenta a nosa demanda dunha figura de xestión conxunta dos montes e expoñer as iniciativas que serán levadas adiante pola Plataforma perante da actual situación de parálise administrativa na que se atopa este proceso.

uxfor

Á rolda de prensa asistiron representantes dalgunhas das unidades de xestión forestal afectadas.

 

Na comparecencia  salientouse a atención posta no cumprimento dos compromisos adquiridos por D. Tomás Fernández-Couto, Director Xeral de Montes, para dar unha saída ás UXFOR que se atopan actualmente en proceso de creación.

En representación das máis de vinte UXFOR e organizacións agrupadas na Plataforma, deuse conta das xuntanzas mantidas até o de agora con representantes da Administración e expúxose polo miúdo a situación da UXFOR “Fonte das Meigas” de Chantada, como exemplo do avanzado estado no que se atopan algunhas destas unidades de xestión forestal, o que imposibilita a volta dos terreos ao seu estado inicial.

uxfor

Olga Otero detalla a situación da UXFOR Fonte das Meigas.

 

Estamos loitando por acadar unha ferramenta que nos permita un mellor aproveitamento dos nosos montes baixo a xestión directa dos propietarios e propietarias, da veciñanza.

 Mediante a xestión conxunta dos montes procuramos a recuperación e valorización de propiedades forestais evitando así o abandono, unha das principais causas de incendios no noso país.

Unha xestión común e profesional do monte implicará un maior aproveitamento da súa multifuncionalidade, incrementando a súa rendibilidade e repercutindo positivamente nos veciños e veciñas dese lugar.

uxfor

Xavier Simón, Catedrático de Economía na Universidade de Vigo e representante da UXFOR Costa-Sabugueiro, explica o proceso de unificación dos terreos para a xestión conxunta.

 

Información relacionada:

18.01.10 Accións a levar adiante pola Plataforma en defensa das UXFOR.

http://www.sindicatolabrego.com/index.php?s=31&i=440

 

24.11.09 A Plataforma en defensa das UXFOR realizará un seguimento exhaustivo dos compromisos establecidos polo Director Xeral de Montes.

http://www.sindicatolabrego.com/index.php?s=31&i=422

 

Arquivo para decarregar:

Manifesto da Plataforma en Defensa das UXFOR

Ficheiro adxunto