A Soberanía Alimentaria, garantía de futuro

Menú Principal

Menú de Destacados

Medio Ambiente e Montes: 2014

  1. Unha plataforma de organizacións e colectivos pedimos a retirada da proposta de revisión do Plan Forestal de Galicia

    Monte ordenado 5 de Outubro do 2018 · 

    O pasado 3 de outubro, unha comitiva de representantes de varias organizacións e colectivos sociais, na que se atopaba Diego Sánchez Agra en representación do Sindicato Labrego Galego, rexistrou na Xunta un documento no que se solicitaba a anulación da proposta de revisión do Plan Forestal de Galicia e a elaboración dun novo documento de consenso. O novo plan que se redacte debería partir dunha planificación e información actualizada do monte galego e tendo en conta “a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos que prestan os montes galegos e a sustentabilidade económica e social”.

  2. O SLG reúnese coa Valedora do Pobo para denunciar a indefensión das granxas cos ataques da fauna salvaxe

    Isabel Vilalba e Valedora 4 de Outubro do 2018 · 

    Unha comitiva do Sindicato Labrego Galego reuniuse en Compostela hoxe, 3 de outubro, coa Valedora do Pobo, Milagros Otero, para denunciar a indefensión e desamparo que sofren as nosas granxas polos continuos ataques da fauna salvaxe e polo abandono de funcións da Xunta de Galicia diante desta problemática. As persoas que representaron ao SLG foron a súa secretaria xeral, Isabel Vilalba Seivane; o responsábel do sector de Vacún de Carne, Lois Varela; e, por parte da Dirección do Leite, a súa coordinadora, Lupe Prado, e Eliseo Cebreiro.

  3. Os ataques do xabaril arrasan grandes áreas de praderías e cultivos e supoñen un dos principais problemas das granxas

    Xabaril 28 de Septembro do 2018 · 

    O Sindicato Labrego Galego organizou hoxe, 27 de setembro, unha rota polo municipio d'O Corgo para denunciar a desfeita que a poboación descontrolada de xabaril está a facer en praderías e cultivos das que dependen a economía das nosas granxas. Gandeiros de vacún como Manuel Ferreiro, Xosé Luís Fernández, Domingo Rodríguez ou Xosé Antonio López Fouz ensináronnos os estragos que fixo o porco bravo nos seus prados a pesares de telos perfectamente pechados, tal e como se recomenda para evitar os ataques de maneira preventiva.

  4. O SLG chama a participar na concentración do domingo en Ordes en defensa de aire, auga e terra limpas

    Concentración Ordes 27 de Septembro do 2018 · 

    O Sindicato Labrego Galego apoia a concentración que se levará a cabo este domingo, 30 de setembro, en Ordes baixo o lema “Aire, auga e terra limpos” e convocada por Non aos parques eólicos na comarca de Ordes, Asociación A Picota (Trazo), Comisión de Seguimento da Minaría e Defensa do Rural (Mesía) e Asociación de Afectad@s polo Vertedoiro de Lesta.

  1. Elia

    A vocal do SLG no Craega, Elia Rodríguez, intervén como experta na Comisión de Agricultura e Desenvolvemento Rural do Parlamento Europeo invitada por AGE

    4 de Decembro do 2014 · 

    Co obxectivo de discutir varios aspectos do proxecto de novo regulamento relativo á produción ecolóxica e etiquetaxe de produtos ecolóxicos da Comisión Europea, a Comisión de Agricultura e Desenvolvemento Rural do Parlamento Europeo realizou, o 3 de decembro, unha audiencia pública baixo o título "O regulamento relativo á produción ecolóxica e etiquetaxe dos produtos ecolóxicos". Alí estivo Elia Rodríguez Vázquez, labrega da Mariña que é vocal no Consello de Agricultura Ecolóxica de Galiza (Craega). Elia foi invitada pola agora eurodeputada de Alternativa Galega de Esquerda en Europa (AGEe), Lídia Senra; quen, na súa responsabilidade como Coordinadora do GUE/NGL para a Comisión de Agricultura, apostou por ela como experta con máis de vinte anos de experiencia na produción ecolóxica de Galiza.

  2. Manifestación ORGACCMM

    O SLG apoia a manifestación contra a tentativa da Xunta de privatizar a xestión dos nosos montes

    20 de Novembro do 2014 · 

    O Sindicato Labrego Galego quere expresar o seu total apoio á manifestación convocada pola Organización Galega de Comunidades de Montes (ORGACCMM), o vindeiro 22 de novembro, contra a tentativa de privatizar o noso monte comunal por parte da Xunta. Dende ORGACCMM, denuncian que, en virtude da Lei de Montes de Galicia, se no mes de agosto do ano 2016, as comunidades de montes que teñen os seus montes veciñais consorciados ou conveniados, non pagan o saldo debedor que teñen, estarán obrigadas a asinar un contrato de xestión que, ao contrario do que acontecía até agora, poderá ser cunha empresa forestal privada.

  3. Debates

    Fin de semana de diáologos e debates para mellorar o achegamento dos alimentos labregos á cidadanía

    30 de Septembro do 2014 · 

    O Sindicato Labrego Galego inaugurou, o 26 de setembro, un seminario europeo no que se analizou, até o 29 de setembro, de que xeito se poden facer máis accesibles os alimentos que producen os labregos e labregas á cidadanía. Foi un evento no que participaron máis de medio cento de representantes de organizacións agrarias e de consumo de diversa procedencia como Austria, Alemaña, Holanda, Reino Unido, Francia, Noruega, Italia, Euskalherria ou Andalucía.

  4. Margarida Prieto

    O Sindicato Labrego Galego leva á fiscalía a posible prospección ilegal da mineira Erimsa en Oroso

    4 de Xullo do 2014 · 

    O Sindicato Labrego Galego vén de denunciar, o 3 de xullo, á empresa mineira Erimsa diante da Fiscalía de Medio Ambiente. Ademais, a coordinadora da loita contra a minaría salvaxe no SLG, Margarida Prieto Ledo, mantivo unha xuntanza co fiscal delegado de Medio Ambiente en Galicia, Álvaro García Ortiz, para falar dos feitos denunciados. Estes remóntanse ao pasado 15 de maio de 2013, cando Sindicato Labrego Galego interpuxo ante o Concello de Oroso, a Secretaría Xeral de Ordenación do Territorio e Urbanismo e a Consellaría de Industria, senllas denuncias por unha posible prospección ilegal de terras da que se fixo publicamente responsable a empresa mineira Erimsa en varios medios de comunicación.

  5. Herbicidas no millo

    O SLG denuncia en Vilalba fumigacións para controlar a maleza que poderían contaminar cultivos

    5 de Xuño do 2014 · 

    O Sindicato Labrego Galego vén de rexistrar no Concello de Vilalba un escrito denunciando o control da maleza na beira das estradas do municipio a través da aplicación de herbicidas tóxicos, tanto no casco urbano como no medio rural, feito que está a provocar queixas xeneralizadas das persoas afectadas.

  6. BAndeira Corcoesto

    A Consellaría de Industria denega oficialmente o proxecto mineiro de Corcoesto

    17 de Marzo do 2014 · 

    A Dirección Xeral de Enerxía e Minas da Xunta de Galicia vén de facer pública a resolución de denegación da aprobación do proxecto de explotación para as concesións “Emilita”, “Ciudad de Landró” e “Ciudad del Masma”, coñecidas como Grupo Mineiro de Corcoesto.

  7. Cementos Cosmos en Vilavella

    ContraMINAcción denuncia a Cementos Cosmos por explotar ilegalmente unha canteira en Triacastela

    11 de Marzo do 2014 · 

    A rede de colectivos contra a minaría destrutiva ContraMINAcción vén de denunciar á empresa Cementos Cosmos diante da Garda Civil por ter reiniciado actividades na mina a ceo aberto de Vilavella (Triacastela) no pasado sábado, 8 de marzo, saltando a orde de paralización de actividades por carecer de licenza urbanística que existe desde setembro do ano pasado.

  8. Corcoesto

    O SLG irá aos tribunais se Cabana porfía en clasificar os terreos da mina de Corcoesto para usos xerais no PXOM

    24 de Febreiro do 2014 · 

    O Sindicato Labrego Galego vén de rexistrar unha serie de alegacións á avaliación ambiental estratéxica do Plan Xeral de Ordenación Municipal de Cabana de Bergantiños, dentro do prazo aberto pola Consellaría de Medio Ambiente, e xunto con outras asociacións e organizacións sociais.