A Soberanía Alimentaria, garantía de futuro

Menú Principal

Menú de Destacados

Medio Ambiente e Montes: 2016

  1. O PP rexeita o plan de choque contra a Velutina e seguirá coas medidas que permitiron a invasión do 70% da Galiza

    Velutina 21 de Decembro do 2017 · 

    Despois da intensa campaña que fixemos dende a Plataforma STOP Velutina para levar ao Parlamento de Galicia un plan de choque contra a avespa asiática, o Partido Popular acabou impoñendo a súa maioría absoluta, na sesión do 20 de decembro, contra as propostas non de lei presentadas por En Marea, BNG e PSOE neste sentido.

  2. Plan Forestal de Galicia: a Consellaría de Medio Rural comeza a casa polo tellado...

    Eucaliptos 20 de Decembro do 2017 · 

    O pasado luns, 18 de decembro, celebrouse unha nova xuntanza do Consello Forestal de Galicia na que a conselleira de Medio Rural, Ángeles Vázquez, e o director xeral de Ordenación Forestal, Tomás Fernández Couto, presentaron a revisión do Plan Forestal de Galicia (PFG). Mentres a nosa equipa técnica está a estudar o documento, dende o Sindicato Labrego Galego queremos valorar a propia presentación do mesmo que se fixo por parte da Consellaría de Medio Rural e que, a nunha primeira impresión, semella que a revisión do PFG non vai mudar nada a política forestal da nosa terra.

  1. Margarida Prieto

    O SLG pide unha xuntanza en Minas para reclamar a caducidade das concesións a Erimsa na Terra Chá

    16 de Decembro do 2016 · 
    A coordinadora do Sindicato Labrego Galego na Terra Chá, Margarida Prieto Ledo, vén de solicitar hoxe, 15 de decembro, unha xuntanza co persoal responsábel da Dirección Xeral de Enerxía e Minas para aclarar os motivos polos que a Consellaría de Economía, Emprego e Industria non declara as caducidades das concesións mineiras a Erimsa en concellos como A Pastoriza, Cospeito, Castro de Rei, Abadín, Riotorto e Vilalba.
  2. Foro Labrego de Agroecoloxía

    Un cento de persoas dialogan sobre a agroecoloxía como alternativa viable e necesaria á agricultura industrial

    5 de Decembro do 2016 · 

    Ao longo da xornada do domingo, 4 de decembro, estivo desenvolvéndose o primeiro Foro Labrego de Agroecoloxía nas instalacións do antigo matadoiro de Betanzos. Alí, un cento de persoas, por riba do aforo previsto inicialmente, debateron, compartiron e dialogaron ao redor da alternativa ao actual sistema agrícola industrial que é a agroecoloxía.

  3. Foro Agroecoloxía

    Betanzos acollerá este domingo un foro para analizar a enorme potencialidade da agroecoloxía na Galiza

    29 de Novembro do 2016 · 

    A vila de Betanzos acollerá este domingo, 4 de decembro, o primeiro Foro Labrego de Agroecoloxía, un evento que nace coa pretensión de converterse nun espazo de encontro para todas as persoas, colectivos e organizacións que apostan por unha produción de alimentos ecolóxica que vaia máis alá dos simples métodos de cultivo e sexa, entre moitas outras cousas, un factor activo de xeración de emprego, de sostibilidade ambiental, de saúde e de xustiza laboral. 

  4. Via Campesina COP21

    O SLG asina un manifesto opoñéndose ao uso da terra agraria como pozo de carbono contra o cambio climático

    11 de Novembro do 2016 · 

    No contexto do #COP22 (Marrakech, 7-18 de novembro), O SLG, coma outras organizacións da Vía Campesina, vén de asinar un manifesto -As nosas terras valen máis có carbono- no que denuncia a utilización da terra como sumidoiro de carbono para enfrontar o #CambioClimático. Para nós, esta é unha falsa solución que só incrementará o perigo de acaparamento de terras e que non diminuirá a verdadeira causa do cambio climático: as emisións de dióxido de carbono.

  5. Palestra Madia Leva

    Por que arde Galiza? Reseña da palestra do Madia Leva! de análise sobre as causas dos lumes forestais

    10 de Novembro do 2016 · 

    Este ano, os incendios volveron arrasar Galiza de extremo a extremo cunha virulencia que non viviamos dende a vaga de 2006. Sen que a Consellaría de Medio Rural publicase aínda datos definitivos sobre os lumes deste verán, temos cifras parciais que apuntan a que 2016 será unha das peores campañas en cuestión de incendios. 

  6. Vertedoiro Lousame

    Un vertedoiro de refugallos industriais en Lousame ameaza unha ducia de granxas e un centenar de empregos

    18 de Outubro do 2016 · 

    O Sindicato Labrego Galego quere expresar a súa oposición frontal ao proxecto de macro-vetedoiro de refugallos industriais que se pretende instalar no Concello de Lousame e que se encontra en fase de exposición pública. Para o SLG, a execución deste proxecto, que contempla o enterramento de 770.000 toneladas de residuos en 10 anos, pon en risco unha ducia de explotacións agrarias que xeran case un cento de empregos na contorna inmediata do vertedoiro.

  7. Millo transxénico

    O Parlamento Europeo rexeita por maioría o cultivo de novos millos transxénicos

    7 de Outubro do 2016 · 

    O Parlamento Europeo vén de votar maioritariamente en contra do cultivo de dúas novas variedades de millo transxénico das empresas DuPont-Pioneer e Syngenta, e da reautorización do millo MON810 de Monsanto. No Estado Español existe un novo risco medioambiental debido á presenza dunha planta invasora chamada teosinte, que se atopa nas leiras de millo e é quen de intercambiar xenes co millo modificado xeneticamente. Por este motivo, organizacións labregas, de consumidores e consumidoras e ecoloxistas solicitan do Goberno en funcións que non permita a autorización de novas variedades de millo transxénico e que suspenda a comercialización do millo modificado xeneticamente.

  8. Lixo Sogama

    O SLG apoia a veciñanza de Lesta contra a construción dun vertedoiro nunha zona con alta carga agrogandeira

    26 de Agosto do 2016 · 

    O Sindicato Labrego Galego quere expresar o seu apoio e solidariedade coa veciñanza da parroquia de Lesta, en Ordes, pola ameaza de construción dun vertedoiro pola empresa Reciclaje Ambiental Lesta SL. Esta parroquia ordense ten unha forte actividade gandeira, principalmente en produción de leite, e a intención da empresa promotora é construír o vertedoiro nunha zona de concentración parcelaria. Ademais, este proxecto non só afectará as explotacións agrarias... 

  9. Xabarís no millo

    O SLG ve ridículas as axudas para paliar os danos do xabaril nos cultivos por cubrir só 3 meses de 2016

    16 de Xullo do 2016 · 

    O Diario Oficial de Galicia publicou, o 15 de xullo, a orde que regula as axudas para paliar os danos do xabaril sobre os cultivos que, unha vez máis, non só decepciona aos sectores agrogandeiros, senón que semella unha burla cara a eles.

  10. Lousame natureza mineira

    ContraMINAcción alerta dunha balsa de lodos tóxicos en Lousame cuxa rotura sería letal para a ría de Muros e Noia

    11 de Maio do 2016 · 

    A pasada fin de semana, unha comitiva da Plataforma contraMINAcción viaxou a Lousame para estudar in situ o alcance dos danos causados polo incendio intencionado que arrasou 9 hectáreas do Monte Veciñal en Man Común de Froxán o 1 de maio de 2016. Nesta visita, puidemos comprobar como o incendio atravesou un camiño en até catro puntos, sendo extinguido a tempo (o primeiro deles grazas tamén á presenza de frondosas que ralentizaron o seu avance) e evitando así que queimase a maior parte do monte e chegase ás casas da aldea.

  1. 1
  2. 2
  3. Seguinte