A Soberanía Alimentaria, garantía de futuro

Menú Principal

Saltar Menú Principal

Menú de Destacados

Saltar Menú de Destacados

Soberanía Alimentaria: 2016

  1. Food sovereignty

    Conclúe o Foro Paneuropeo en Romanía consolidando a loita pola soberanía alimentaria en Europa do Leste

    2 de Novembro do 2016 · 

    A loita contra a agroindustria e por un futuro xusto e sostible para a agricultura e os labregos e labregas deu un gran salto cara a adiante esta semana trala celebración do II Foro Nyéléni pola Soberanía Alimentaria, considerado como o evento máis grande ao redor desta cuestión na historia de Europa.

  2. Belén Fervenza

    Outro rural é posible (2): Belén Fervenza

    28 de Outubro do 2016 · 

    Dende que se creou, a Rede Galega de Sementes afianzou un movemento de recuperación e intercambio de variedades autóctonas que, amais de resucitar o noso patrimonio hortícola e froiteiro, é un auténtico xeito de "desobediencia civil" diante de leis que pretenden servir en bandexa este tesouro natural ás industrias do sector. Así o mantén Belén Fervenza, actual responsábel do Sector de Horta, Froita e Flor do SLG, nunha entrevista que publicamos no Fouce 299, en decembro de 2013, e que agora rescatamos íntegra da hemeroteca para compartir con vós.

  3. Foro Nyeleni

    Romanía acolle o II Foro Nyéléni, o mayor evento ao redor da soberanía alimentaria celebrado en Europa até a data

    27 de Outubro do 2016 · 

    O maior encontro sobre soberanía alimentaria celebrado até o de agora en Europa estase a desenvolver dende o 26 de outubro en Cluj-Napoca (Romanía) coa organización Eco Ruralis como anfitrioa. Ao redor de 500 persoas de 40 países que representan a organizacións e colectivos da sociedade civil debaterán, ao longo desta semana, sobre estratexias e solucións para recompoñer “un sistema alimentario roto e cada vez máis controlado por grandes empresas. 

  4. guía mercados locais

    MSC International publica unha análise global da interacción entre a agricultura labrega e os mercados

    26 de Outubro do 2016 · 

    “Vinculación dos produtores a pequena escala cos mercados” é unha completa guía, froito de dous anos de intenso traballo, realizada por Mecanismo da Sociedade Civil sobre Seguridade Alimentaria e Nutrición (MSC International) que analiza, a escala global, a interacción entre a agricultura labrega e os mercados. 

  5. Sementes Vía Campesina

    A ECVC impulsará unha fonte común europea polo dereito dos labregos e labregas ás sementes

    19 de Maio do 2016 · 

    A Coordinadora Europea da Vía Campesina celebrou na finca Dottenfelder Hof, preto de Fráncfort (Alemaña), do 22 ao 24 de abril, un encontro para compartir experiencias sobre a defensa das sementes en distintos países e analizar as ameazas aos dereitos dos labregos e das labregas nesta materia. Entre os temas abordados neste encontro, destacaron:

  6. Sementes

    Rede de Sementes, COAG e SLG reclaman o dereito de labregos e labregas a vender e intercambiar sementes

    5 de Febreiro do 2016 · 

    Expertos e expertas de diferentes nacionalidades e ámbitos déronse cita en Madrid, este febreiro, no seminario organizado por COAG e a Rede de Sementes para debater sobre políticas públicas de xestión dos recursos fitoxenéticos para a alimentación e a agricultura. No encontro participaron representantes dos ministerios de Agricultura e Industria, do Consello Superior de Investigacións Científicas, de microempresas de sementes de variedades locais, de ONGs, de asociacións ligadas ao movemento de Soberanía Alimentaria, de organizacións ecoloxistas e de redes de sementes de todo o Estado, así como expertos e expertas de prestixio internacional e representantes da Coordinadora Europea da Vía Campesina.